1 Pita 3:8 - DAWAN BÎLA AISKA

⁸ Tnata ra, man nani sut kupia kumi lâka ra iwi bas; pana pana walkam ra umpira kaiki bas, bara pana pana sin aikuki muihkam baku latwan kaiki bas. Man nani kupiam swapnikira bara bawikira nani bas.

1 Pita 3:8 ပူးပေါင်းရင်းမြစ်များ

Lawana Nani 103:13

aisa ai luhpia nani ra latwan kaiki ba baku, Dawan baha nani ra latwan kaikisa, witin ra kulki uplika nani ra.

Sins Lâka 28:8

Ya ai yuyaka ailal dauki brisa kaka, lin muni pura praki diara bri ba mita, upla umpira nani ra yamni muni ba, uplika nani ra yaia kukisa.

Sakaraya 7:9

“Naku aisaia yang mai wisni: Man nani upla lâka aisi daukisma ba ra, lâ kasak wapni daukma; bara pana pana kupiam pihni lâka ra, walkam nani ra umpira kaiki bas.

Matiu 18:33

Baku sin man pâmnika ra umpira kaikaia kapram, man ra umpira mai kaikri ba baku.’

Luk 10:33

Sakuna Sameria waitnika kum sin baha yabalka bâk auya kan, bara waitnika ba kaikan ba ra, latwan kaikan,

Apastil Nani Sturka 2:1

Pentikus yua balan ba ra, lalukra nani sut plis kumi ra asla takan kan.

Apastil Nani Sturka 27:3

Yu wala, yang nani Sidón ra bal banhri, bahara Julio mita Pal ra yamni yaban taukan, witin swin wan ai uplika nani kaikaia, dîa kra luha sa kaka uplika nani ba mita yabia.

Apastil Nani Sturka 28:7

Baha pliska lamara sika, kî dakura wihtka Publio ai tasbaya pîs bri kata. Witin ba mita ai watla ra yamni wan brin yu yumhpa pali.

Apastil Nani Sturka 4:32

Lalukra daknika aiska ba lika ai kupia lukanka kumi baman brin kata, bamna upla kumi sin wiras kata dîa bri kan ba witin yakan ai dukia sa, sakuna diara nani sut ba witin nani sut ai dukia baku kulkan.

Roman 12:10

Man nani muihkam ra, lamkra ra baku pana pana latwan kaiks, pain kulki yamni ba yabi bas.

Roman 15:5

Gâd sika wihka bîla kaikaia lâka bara maisa nihkan lâka wanki ba, bamna witin mita hilp mai munbia walkam wal sim baku baman luki kaia, Kraist Jisas tânka ba kat.

1 Korint 1:10

Muihki nani, wan Dawan Jisas Kraist nina ra man nani ra makabisni: diara nani aisisma ba mapa ra aikuki kupia kumi asla taks, bara baku mika, man nani tilamra dakwi takan lâka nani âpu kabia; sut aikuki asla pali banhwi bas, kupiam lukanka kumi brih, bara dîa daukaia lukisma ba mapa ra sin kumi kaia.

1 Korint 12:26

Wan wîna tara sirpika kum pât wahwisa kaka, wîna sirpika wala nani ba sut sin wahwisa; bara wîna sirpika kum ra prana yabuya kaka, sirpika wala nani ba sut aikuki lilia takisa.

Epesus 4:2

Man nani ba praut âpu bara bawikira bas; wihka sin bîla kaiki kama, pana pana walkam ra latwan lâka ba mariki kama.

Epesus 4:31

Kupiam tahplika nani sut ba mahka swis, brinka saura nani, kupiam baiwanka nani, bara upla ra pura wini swira daukaia lâka nani, bara diara saura bani sut ba mahka swis.

Epesus 4:32

Sakuna, sut aikuki pain banhwi bas, pana pana kupiam swapni bri bas, bara pana pana walkam pâtka swih tiki bas, Gâd bui Kraist ra mai praki pâtkam swih tikan ba baku.

Pilipai 2:3

Yakan dukiamra bara waihla lâka mita ban sin diara kumi daukpara; sakuna bawikira nani bas, bara kumi bani ai walka nani ba witin purkara kau pain sa kulkbia.

Pilipai 3:16

Sakuna naha na lika: yawan luki iwi kaia sa dîa pat alkan ba kat.

Kolosi 3:12

Gâd lika man nani ra latwan mai kaikisa, baha mita witin bâk mai sakan, ai uplika mai briaia. Baku ba mita, naha sât prâka na dims: umpira kaikan lâka, latwan kaikan lâka, bawaia lâka, praut âpu lâka bara wihka bîla kaikaia lâka ba sin.

Hibru Nani 13:1

Man nani pana pana walkam nani aikuki, muihkam nani baku latwan lâka ba ban bri bas.

Jems 2:13

Kan ya ya ai uplika ra umpira kaikras kaka, witin ra sin umpira kaikras kira ai lâka daukan kabia; sakuna ani uplika umpira kaikan lâka bri kan kaka, lâ daukbia yua ra witin mita pura lubia.

Jems 3:17

Sakuna Gâd wina sinska lâka bri uplika nani ba, tâura ai rayaka ba sunu brisa; baha ningkara, kupia kumi lâka brisa, upla ra pain munisa, bara diara tânka kat dauki uplika nani sa. Umpira lâka brisa bara ai uplika ra yamni munisa; witin nani kasak kat daukisa kunin lâka âpu.

Jems 5:11

Kaiks, yawan na pât wahwi bapi buan nani ra, yamni kulkisa. Man nani Job bapi buanka ba pat walram, bara kaikram ningkara nahki munan ba Dawan mita; kan Dawan lika kupia swapni bara sin pihni pali sa.

1 Pita 1:22

Nanara man nani, kasak tânka sturka ba bîla wali daukram ba mita, sulkam nani sunu daukram sa, wan muihni nani ra kasak pali kunin âpu latwan kaikaia dukiara. Baku bamna, pana pana walkam ra latwan kaikaia sma, kupiam aiska bara karnikam aiska ni sin.

1 Pita 2:17

Upla sut ra kulki bas. Wan muihni nani ra latwan kaiks, Gâd ra sibrin bri banhwi bas, bara king ra sin kulki bas.

1 Pita 5:5

Baha sim natka ra, man nani wahma nani, almuk nani karnika munhtara bawi bas. Man nani sut kumi bani walkam munhtara bawaia sma; kan Ulbanka ra naku wisa: “Prautkira nani ba Gâd mita batakisa, sakuna bawikira nani ra lika ai yamnika ni buki hilp munisa.”

2 Pita 1:7

kasak kulkan lâka ra, pana pana muihkam nani wal latwan kaiks ba; bara pana pana latwan kaikaia ra, latwan lâka pali aihwa ba.

1 Jan 3:14

Bamna yawan lika prura wina raya kaia ra pat luan sa, bara baha ba yawan pain kaikisa, wan muihni nani ra latwan kaiki bamna. Ani uplika ai muihni ra latwan kaikras ba, witin lika pruan ban sa.