1 Pita 3:1 - DAWAN BÎLA AISKA

¹ Baku sin, man nani maya mairin nani, mayam waitna nani ra bawi bas, bara baku mika witin nani tila wina kum kum kra, Gâd bîla ba ra kasak lukras kaka, ai maya mairin nani tânka pain ba mita, witin nani kupia alkan kabia. Man nani ba bîla kum pan aisaia sin apia sma,

1 Pita 3:1 ပူးပေါင်းရင်းမြစ်များ

Blasi Sturka 3:16

Mairin ra witin win: —Sarkam lâka ba uya pali daukamna, man kwihra tiwisma ba piua ra; wînam latwanka tilara luhpiam nani baiki kama; bara man kupiam brinka ba mayam kat kabia, bara witin ba man wihtkam aimaki kabia.

Sins Lâka 11:30

Kasakka lâka ba rayaka yabisa, karnika ni sauhki tiki ba lika rayaka sakisa.

Sins Lâka 18:19

Muihni nani ra mina prukan ba kau pâwisa wihki tawan karnakira kutbanka ba wal. Blahwanka ba dakbi sakisa, king watla ayan durka ba baku.

Matiu 18:15

“Muihkam mita mampara saura yabia kaka, wal mânkam aisi, ai saurka ba latan mariks. Bîlam walbia kaka, muihkam ba pat kupia alkram sa.

Roman 10:16

Sakuna upla sut lika swaki sakan sturka smalkanka ba kat kasak walras. Baha lika Aiseya aisi ba baku: “Dawan, ¿ya mita wan smalkanka ra kasak lukan ki?”

Roman 6:17

Sakuna Gâd ra tingki kabia, man nani lika kaina piua ra saurka lâka albika nani katma, kuna nanara mai smalkan ba kat kupiam aiska ni witinka mihta ra aimakram ba bîla wali daukisma.

Roman 7:2

Naha tânka na wal sip sa prakaia: mairin kum waitna kum wal marit takan ba, witin ai maya waitna ba raya piua baman lâ ba mita asla kaia wal prakan sa; sakuna maya waitna ba prubia kaka, mairin ba lâ ba mita ai maya waitna wal asla prakan kata ba wina pri takan sa.

1 Korint 11:3

Sakuna yang want sna naha tânka na brima: upla bani lal ba lika Kraist, mairin lal ba ai maya waitna, bara Kraist lal ba Gâd sika.

1 Korint 14:34

mairin nani ba serts ra sâp kaia sa, naku daukaia lâ apia sa bamna. Kiama lihni nani kaia sa, Moses lâka wi ba kat.

1 Korint 7:16

Man, maya mairin kristian sma ba, ¿nahki kaikisma mayam waitna ba swaki sakaia sip sma sapa? Man, maya waitna kristian sma ba, ¿nahki kaikisma mayam mairin ba swaki sakaia sip sma sapa?

Epesus 5:33

Sakuna naha sin wiaia want sa, man nani kumi bani mayam mairin nani ra latwan kaikaia sma sim wînam pali ra baku, bara maya mairin ba ai maya waitna ra kulkaia sa.

Kolosi 3:18

Marit mairin nani, man mayam waitna nani ra bawi bas, kan naha lika man nani daukaia sma, Dawan ra kasak lalukra nani baku.

Kolosi 4:5

Pain tauki bas, kristian apia nani ba wal, bara piua brisma bani ba pain man nani yus muni bas.

2 Tesalonaika 1:8

Witin balbia, Gâd ra kakaira apia nani ra, bara wan Dawan Jisas Kraist swaki wan sakan sturka yamni bîla wali daukras nani ra klala yabaia.

Hibru Nani 11:8

Kasak lukan lâka mita Ebraham ba Gâd mita paiwan ba ra, ai bîla kat wali, Gâd mita tasba kum yaia pramis munan kan ba mata taki impaki wan. Ai tasbaya pali ba swih wan, bara anira auya sapa sin kaikras kan.

Hibru Nani 5:9

Witinka ra aiska aihwa daukan kan ba ra, witin ba ban kaia ra swaki sakan lâka kârma laya takan, ai bîla wali dauki nani sut dukiara;

1 Pita 1:22

Nanara man nani, kasak tânka sturka ba bîla wali daukram ba mita, sulkam nani sunu daukram sa, wan muihni nani ra kasak pali kunin âpu latwan kaikaia dukiara. Baku bamna, pana pana walkam ra latwan kaikaia sma, kupiam aiska bara karnikam aiska ni sin.

1 Pita 3:2

kan witin nani kaikbia man nani wataukankam ba sunu kulkanka lâka bri ba.

1 Pita 3:7

Man nani, maya waitna nani sin, mayam mairin nani wal diara tânka briaia kat iwi bas. Witin nani ra kulkanka yabi bas, mairin ba kau swapni ba mita baman lika apia, sakuna Gâd ai kupia painka ra, witin nani ra sin pramis daukan rayaka yabaia man nani ra baku. Baku dauki bas bara diara kumi sin puram sunra ba takaskbia apia.

1 Pita 4:17

Lâ daukaia mahka tâ krikaia piua ba balan sa, bara Gâd uplika nani pali sika pas lâka daukan kabia. Bara baha ba yawan ra baku tâ krikuya kaka, ¿tnata ra Gâd sturka yamni bîla wali daukras nani ba mapara nahki kabia ki?