1 Pita 2:9 - DAWAN BÎLA AISKA

⁹ Sakuna man nani sika kiamka kumi bâk saki brin ba, king prîska nani ba, nisan holikira kum, Gâd uplika nani pali. Bara baha ba baku sa, man nani bui Gâd warkka aihkakira nani ba saki aisama dukiara, witinka mita man nani tihmu tila wina saki, ai ingnika aihka painkira ra dimma wisi mai paiwan ba.

1 Pita 2:9 ပူးပေါင်းရင်းမြစ်များ

Lawana Nani 106:5

Bâk saki briram uplika nani liliaka ba yang kaikamni, baha nani liliaka ra yang sin lilia takamna, baha uplika nani man uplikam ba wal.

Lawana Nani 118:27

¡Dawan ba Gâd sa, witin yawan ra ingni wankisa! Lilia nani ba dauks, dus wahia nani ba bris altar aringka nani ba ra wapi taws.

Lawana Nani 135:4

Dawan Jekob ba bâk saki brin, Israel ba, ai dukia kukan kabia wisi.

Lawana Nani 22:30

Yang kiamki nani ba Dawan ra mayunbia, bara ai rayaka aiska witin tânka ba aisi kabia;

Lawana Nani 33:12

Lilia pali sa baha uplika Dawan mita witin nani ai Dawanka aimaki ba, witin mita ai uplika nani kaia bâk sakan ba.

Lawana Nani 73:15

Yang na, witin nani luki baku lukri kata, ai luhpia nani ba atkrika waia kan.

Aiseya 26:2

Man nani dur ba kwâks, upla kasakkira nani ba dimbia, kasakka lâka ra iwi nani ba.

Aiseya 41:8

“Jekob tawanka Israel luhpia nani, wals, yang duki dadaukra bâk saki briri ba, Ebraham yang upliki pali kiamka ba wina:

Aiseya 42:16

Bara blain nani ba witin nani kakaira apia, yabalka bâk tapahkamna, witin nani ai mawanra tihmia tara ba ingni daukamni, bara pruamni ba langni daukamna. Baha dîa daukaia aisisna ba kat daukamna.

Aiseya 44:1

“Israel, nanara, ai wals, Jekob uplika nani yang duki dadaukra, bâk sakri ba.

Aiseya 61:6

Bara man nani ba, Dawan prîska nani mai win kabia, yawan wan Gâdka napakanka nani mai win kabia. Nisan nani dukia kukanka ba wina man nani pima, bara witin nani ai prana ba wina man nani pramna daukma.

Aiseya 62:12

Israel luhpia nani ra nina “Upla holikira nani” mâkbia, “Dawan mita pri sakan nani ba”, bara Jerusalem ra mai wibia, “Brin dauki tawanka ba”, “Lulki swiras tawanka ba”.

Aiseya 66:21

“Bara witin nani tila ba wina, prîs nani bâra kabia Libait nani sin saki brimna. Yang, Dawan, baku aisari.”

Aiseya 9:2

Tihmia tasbaika ra watauki kan uplika nani ba, ingni tara kaikan; baha nani dista tasbaya ra iwi kan ba, ai purara ingni ba ingwan sa.

Malaquía 3:17

Karnika sut bri Dawanka ba aisisa: “Piua kum mangkaia yang ridi takisna, baha yua ra upliki nani ba kli yang upliki nani takbia. Luhpia ai aisa warkka dauki ba ra, aisika kaiki kupia swapni taki ba baku, yang sin witin nani ai dukiara baku kupi swapni takbia.

Matiu 4:16

Tihmu tara ra iwi uplika nani ba ingni tara kum kaikan; bara prura tihmuka tasbaya ra iwi nani ra ingni tara kum ingwan.”

Matiu 5:16

Baku sin, man nani yarka ingnikam upla sut mawanra ingbia, bara diara yamni dauki banhwisma ba kaiki, witin nani mita kasbrika purara bâra ba mayunbia.

Luk 1:79

baha nani tihmia bara prura mununhtara iwi nani ra ingni yaia, bara wan mina nani ba kupia kumi yabalka ra yaka wapaia.”

Jan 17:19

Witin nani dukiara, yang rayaki aiska na man mihtam ra mangkisni, bara baku mika witin nani sin diara kasak ba mita holikira sakan kabia.

Apastil Nani Sturka 20:28

Baku bamna, man nani pali dukiamra aihwaki bas, kristian daknika ba dukiara sin, witinka nani dukiara sika Spirit Holikira mita mai mangkan, Gâd sertska uplika nani ba main kaikaia, baha witin ai tâlia ni atkan sa.

Apastil Nani Sturka 26:18

Man baha uplika nani nakra nani ba ilingkma, bara witin nani tihmia ra kau wapbia apia, sakuna ingni ra yarka wapbia. Bara sin Sitan mihta ra ban kabia apia, sakuna Gâd nina blîkbia; yang ra sin kasak lukbia, bara ai saurka nani sut ba swih tikan kabia, bara naika piua ra ai pliska bri kabia Gâd mita holikira sakan nani ba aikuki.’

Apastil Nani Sturka 26:28

Bara Agripa bila: —Kau wiria kata, kupi laki kristian ai daukaia kapram.

Roman 9:24

Bamna Gâd mita wan paiwan, Ju nani tila ba wina baman apia, sakuna Ju apia nani tila ba wina sin.

1 Korint 3:17

Baku bamna, ani uplika Gâd tempelka ba sauhkbia kaka, Gâd mita uplika ba sauhkbia. Kan Gâd tempelka ba holikira sa, bara baha tempelka ba lika man nani pali sma.

Epesus 1:14

Spirit Holikira ba sika Gâd ai uplika nani ra diara yaia pramis munan ba tukinka, bara baha ba baku takbia, Gâd ai uplika nani ra pri lâka yaia win kasak pali aimakbia ba ra. ¡Bamna kaisa Gâd prana ba mayunaia!

Epesus 1:6

Baha mita yawan piua bani Gâd ra mayunisa ai latwanka tara ba dukiara, baha sim latwanka ni yamni wan munan sa, yawan ai Luhpia latwan pali wal asla sa bamna.

Epesus 3:21

¡Serts ra bara Kraist Jisas ra, Gâd ba mayunan kabia, piua nani sut ra, bara ban kaia ra ban kabia! Baku kabia.

Kli Smalkanka 10:15

Ban sakuna, Dawan Gâdkam man nani almukkam nani ra latwan kaikan, bara witin nani kiamka wina aihka sakan, baha ba man nani sika, nanara kaikisma na upla wala nani tilara.

Kli Smalkanka 14:2

Kan man nani ba Dawan Gâdkam mihta ra mangkan uplika nani sma; witin mita naha tasba ra iwi uplika nani sut tila wina aihka mai saki yamni mai kulkan sa, witin ai dukia kaia.

Kli Smalkanka 18:2

Witin nani ba, uplikam wala nani baku ai tasbaya bribia apia, kan Dawan aisin ba baku, Dawan ba witin nani ai prapatika kabia.

Kli Smalkanka 4:20

Ayan angkaia kubuska wina Dawan mai brih mai sakan, baha sika Idsip, nanara lika witin uplika ai dukia sa.

Kli Smalkanka 7:6

Man nani ba tawan kum aihka mai sakan sa, Dawan Gâd dukiara. Tawan nani tasba ra ba wina Dawan bui bâk mai sakan, man nani ba tawan kum bâk sakan kaia.

Pilipai 3:14

Baku bamna, yang mark ba alkaia plapisni prisant ba briaia dukiara, baha briaia Gâd kasbrika purara ba mita wan paiwi ba, yawan Kraist Jisas wal asla ba mita.

Kolosi 1:13

Gâd mita tihmia karnika wina dakbi wan saki, ai Luhpia latwankira king aimaki ba pliska ra wan mangkan,

2 Timoti 1:9

Gâd mita swaki wan saki wan paiwan sa, witin uplika nani pali takbia dukiara, yawan dîa daukan ba mita lika apia, sakuna witin baku pali want kan bamna, bara yawan Jisas Kraist wal asla ba mita latwan wan kaikan bamna. Kau tasba paskras kan wina, Gâd mita latwan wan kaikan,

Taitus 2:14

Witin ai wîna tara ba yawan tâwan prura mihta ra mangkan, saurka sut swaki sakan, yawan na aiska pali klin wan dauki, witin ai dukia kabia wisi. Bara wark yamni nani sin kasak pali dauki kabia dukiara klin wan daukan.

1 Pita 1:2

Man nani ba Gâd Aisa mita bâk mai sakan sa patitara wina, dîa daukaia lukan ba kat. Spirit bâk man nani ba upla holikira nani mai daukan sa; witin ra ai bîla wali daukma dukiara, bara Jisas Kraist tâlia mita klin mai daukbia dukiara sin. Bamna, man nani ba yamnika nani bara kupia kumi lâka manis pali bri kama.

1 Pita 2:5

Naha natka ra, Gâd bui man nani ra, walpa rayakira nani baku, spirit tempelka kum mai daukbia, prîs holikira nani, Jisas Kraist bâk spirit sakripaiska nani dauki yaia, Gâd ra yamni kabia.

1 Pita 4:11

Upla kumi aisi kaka, ai bîla aisanka nani ba Gâd bîla nani baku kaia sa. Upla kum ai uplika dukia daukisa kaka, Gâd mita karnika yabi ba wal daukbia. Dîa dîa man nani daukma ba Jisas Kraist bâk, Gâd ra mayunra yabaia dukiara kabia, bara witinka ra prana ba bara karnika sin yan kabia, ban kaia ra. Baku kabia.

Param Marikanka 1:6

bara yawan na king tasbaya kum bara prîs nani sin wan daukan sa, ai Aisika Gâd warkka daukbia. ¡Bamna prana ba bara karnika ba sin, ban kaia ra witin dukia kabia! Baku kabia.

Param Marikanka 20:6

Yamni pali bara holikira sa, baha nani naha pruan wina pas buanka tilara bubia nani ba. Prura wala ba witin nani purara karnika kumi sin âpu sa; ban sakuna, witin nani Gâd bara Kraist wal baku nani kabia, bara witin wal mani 1,000 king aimaki kabia.

Param Marikanka 5:10

Witin nani ba wal king tasbaya kum prîs nani daukram, wan Gâdka warkka daukaia dukiara, witin nani tasba ra karnika alki bri kaia.”

1 Samuil 12:22

Dawan bui ai uplika nani ba lulki swibia apia, witin ai nina tara kulki ba tâwan. Dawan brin daukisa man nani ba ai uplika nani kama.