1 Pita 2:6 - DAWAN BÎLA AISKA

⁶ Baha mita sin Ulbanka ra wisa: “Yang Saion ra walpa kum mangkisni, baha ba sika rayaka wihtka walpaya, bâk sakan bara sin mana tara pali sa; ya witin ra kasak lukbia ba, bahki ra takaskbia apia.”

1 Pita 2:6 ပူးပေါင်းရင်းမြစ်များ

Blasi Sturka 49:24

Sakuna Josep ai klahkla nani karna bri bamna, ai trisbaika nani ba karna alki brisa; tingki Jekob Gâdka karnakira ba ra; tingki baha Sepadka nina ra, Israel kan kahbi ba.

Lawana Nani 40:14

Yang rayaki sauhki tikaia pliki banhwi nani ba sut, yarka saura swira daukan kabia, lal sin tanis takbia; ¡baha nani yang ra saura ai munaia luki nani ba kli witin nani ra swira daukka plapi banhbia!

Lawana Nani 89:19

Aima wala ra diara aihka kaikram ba aisaram, bara nampakan kasakkira nani ra wiram: “Yang upliki tila wina kupia karnakira kum bâk saki briri purara bukri bara hilp munri.

Aiseya 28:16

Baha mita, Dawan ba naku wisa: “Saion ra walpa kum mangkamni, walpa kum mana tara pali bâk saki briri ba, walpa pas, sut wihtka ba, baha purara mâki kaia walpaya ba, ya witin ra kasak luki ba ai âuyapah kaia sip kabia.

Aiseya 41:11

Baha nani sut misbara mai kaiki ba, witin nani ai swira daukan kabia, mâyara batakan kabia; man mampara banhwi ba witin nani diara apia baku kabia.

Aiseya 42:1

“Nâra kaiks yang duki dadaukra ba, yang bui witin ba alki brisna, bâk sakri ba, witin ra yang sulki ba âiyapah sa. Spiritki ba yang bui witin ai purara mangkri; witin mita kasakka lâka ba nisan nani ra bri balaia.

Aiseya 46:13

Yang daukisna swaki sakanka warkka brisna ba lamara balbia; yang swaki sakangki ba takaskras aula, laihura apia sa. Saion ra swaki sakan lâka yabamni bâra sa, bara yang praina ba Israel ra sa.

Aiseya 50:7

Kan Dawan ba hilp ai munbia, baha mita swiri ai dauki ba, latwan aikras; baha mita yang maiwan ba walpa baku karna daukri, bara kaikaisni yang swiri daukan kabia apia ba.

Aiseya 54:4

Si bripara, bara swiram sin bripara; kan bahki mai kulkan kabia apia bamna, swiram sin briaia apia sma. Man tiara kapram swirka ba âmya tiks, piarka takram swirka ba sin, kli lukankam ra bripara,

Daniel 10:21

Bamna nanara mai wiaisna baha wauhkataya kasak ba ra dîa ulban ba: Witin nani ba mapara aiklabaia sna ba Maikel hilpka ba baman brisna, wan kingka luhpia ba.

Sakaraya 10:4

Witin nani ai tila wina, Utla Mâkaia Walpaya Tara ba bal takbia, Tint Watla Mâkaia Dusa ba bara War aiklabaia Pantamangkaika ba sin. Witin nani ai tila wina wihta tara nani sut bal takbia.

Matiu 12:18

“Naha sika yang duki dadaukra bâk sakri ba, witin ra latwan kaikisna, bara witin dukiara sin lilia sna. Spiritki ba witin purara mangkamna, bara witin kuntri nani sut ra lâika tânka kasak ba aisabia.

Mark 12:10

“¿Man nani Ulbanka ra aisi kaikras katma ki? Naku wisa: ‘Utla mâmakra nani mita bahki kulkan walpaya ba, naha walpaya na tâura bapan walpaya takan.

Luk 20:17

Sakuna Jisas baha nani ra kaiki, naku win: —Baku bamna, ¿Ulbanka ra bâra ba, dîa wiaia tânka sa ki? Naku wisa: ‘Baha walpaya utla mâmakra nani mita lulkan ba, baha sika raya wihtka takan ba.’

Luk 23:35

Upla nani sin bahara bûi kaiki kata, wihta tara nani mita sin ai lawaska kiki, naku aisi kan: —Upla wala nani ra swaki sakan; bamna nanara witin swak takbia, witin ba kasak Misaya sa kaka, Gâd mita bâk sakan ba.

Jan 7:38

Ya yang ra kasak luki ba, Ulbanka ra aisi ba baku, witin ai kupia wina lî rayakira nani awala baku aubi kabia.

Apastil Nani Sturka 1:16

“Muihki nani, piua ba baku aimakaia kan, piua luan Ulbanka nani ra aisi ba kat, nahki Spirit Holikira Debit bâk aisin ba Judas dukiara. Witin sika Jisas priski silak ra brih waia uplika nani tâ brin ba.

Roman 10:11

Ulbanka ba wisa: “Witin ra kasak luki uplika ba kumi sin kunin munan kabia apia.”

Epesus 1:4

Tasba na kau paskras kan ba piua wina, Gâd pat Kraist ra wan praki bâk saki wan brin, witin ai mawanra kaia ai uplika takaia pâtkas kaia, ai latwanka lâka ba mita.

Epesus 2:20

Man nani ba utla kumi baku apastil nani bara prapit nani playa bapan ba purara mai paskan sa, bamna Jisas Kraist pali sika baha playa bapan walpaya kau tara ba.

2 Timoti 3:16

Ulbanka aiska ba Gâd wingka puhbra mita sika, bara baha ba yamni sa upla ra smalkaia bara lawi daukaia, swakwanka nani ba wapni daukaia, bara kasakka lâka mapa ra upla ra smalkanka yabaia dukiara,

1 Pita 2:4

Baku bamna, man nani, Dawan lamara bal, walpa rayakira kum baku. Upla nani mita Kraist ba lulki swin, kuna Gâd mapa ra lika walpa bâk saki brin kum sa, bara mana tara brisa.

1 Pita 2:8

Bara naha wala na sin: “Walpa tara kum, walpa kum ra sika ai mina prukbia.” Kan witin nani ai mina prukisa, sturi yamni bîla wali daukras ba mita, Gâd kupia lâka kat witin nani ra baku takaia kan.

2 Pita 1:20

Kuna naha diara na tâura âmya ra bri bas: Gâd dahra aisinka bîla nani ra âpu sa, upla bani yakan sip ba ai laikka kat ai tânka aiska param saki aisaia.

2 Pita 3:16

Ai wauhkataya nani sut ra naha diara nani tânka mai aisin sa, kum kum tânka briaia karna sa, bara sins aitani briras nani bara kasak lukan lâka mapara swapni nani ba mita lika warbi lakisa, ulbanka wala nani warbi laki ba baku, witin nani sut âpu takaia ba dukiara.