1 Pita 2:5 - DAWAN BÎLA AISKA

⁵ Naha natka ra, Gâd bui man nani ra, walpa rayakira nani baku, spirit tempelka kum mai daukbia, prîs holikira nani, Jisas Kraist bâk spirit sakripaiska nani dauki yaia, Gâd ra yamni kabia.

1 Pita 2:5 ပူးပေါင်းရင်းမြစ်များ

1 King Nani 7:11

Ba wina pura tani ba sin walpa manakira nani kan, bara yalam dusa ni kutbanka ba kat lalaubi prakan.

Lawana Nani 141:2

Puri sunra ba, dus mâka kîa pain baku man bui kaikma, mihti bukanka ba lika, tutni prisantka baku kabia.

Lawana Nani 50:14

¡Tingki wiaia lâka ba, Gâd ra prisantka yas; Laih Purara ba ra pain kulkan yaia pramiskam ba yas!

Lawana Nani 50:23

Ani uplika ai tingkika lâka dauki aiki ba, kulkanka lâka aikisa. ¡Bamna yang bui baha nani yabalki ra watauki nani ba swaki sakisna!”

Impakan Sturka 19:6

Man nani ba yang prîski nani, king tasbaya kum kama, upla holikira nani yang upliki nani.’ Man bui Israel luhpia nani ra baku wis.

Sins Lâka 9:1

Sins lâka ba mita ai watla mâkan; playka nani 7 wal skahki daukan sa.

Aiseya 61:6

Bara man nani ba, Dawan prîska nani mai win kabia, yawan wan Gâdka napakanka nani mai win kabia. Nisan nani dukia kukanka ba wina man nani pima, bara witin nani ai prana ba wina man nani pramna daukma.

Aiseya 66:21

“Bara witin nani tila ba wina, prîs nani bâra kabia Libait nani sin saki brimna. Yang, Dawan, baku aisari.”

Oseas 14:2

Man nani lika Dawan ra kli tawi bal, bara naku witin ra puram suns: “Yang nani watawi daukri ba sut ban ai kulkpara, bara man ra mamyuni makabi puri suni banhwisna na, kupiam yamni lâka ra bris.

Malaquía 1:11

Nisan nani sut tasba aiska ra yang na tara ai kulkisa; ani anira yang na tara ai kulki bamna, diara kîa yamni angki Dawan sna ba bara kulkanki ba aikisa.

Roman 12:1

Baku bamna, muihki nani, Gâd kupia pihni lâka ba dukiara mamkabisna, man nani wînam aiska ba prisant raya kum baku ai mihta ra mangkma, baha ba holikira prisant yaia sma ba tânka sa.

Roman 15:16

Jisas Kraist dukia dadaukra baku Ju apia uplika nani tilara wark daukaia. Baha warkka ba lika Gâd sturka yamni swaki wan saki ba aisi smalkaia, Ju apia uplika nani ba Gâd ra prisant kumi baku yaka pain briaia dukiara, Spirit Holikira mita holi sakan bamna.

1 Korint 3:16

¿Man nani kaikras sma ki Gâd tempelka banhwisma ba, bara Gâd Spiritka ba man nani ra iwisa?

1 Korint 3:9

Yang nani lika wark uplika Gâd warkka ra asla pâna nani baku wark dauki banhwisna, bara man nani ba Gâd warkka dauki ba tasbaya baku banhwisma. Man nani ba sin, Gâd watla tara kum mâki ba baku banhwisma.

1 Korint 6:19

¿Kaikras sma ki, man nani wînam tara ba Gâd mita Spirit Holikira maikan ba tempelka sa, bara Spirit Holikira ba man nani ra iwisa? Man nani lika man nani dawanka nani apia sma,

2 Korint 6:16

Bara diara kum mapa ra sin sip apia sa Gâd tempelka ba aidul nani wal prakaia. Bamna yawan nani lika Gâd rayakira ba tempelka sika, Gâd witin pali aisin ba baku: “Yang lika witin nani tilara iwamna bara sin taukamna; yang lika witin nani Gâdka kamna bara witin nani ba upliki nani kabia.”

Galesha 6:10

Bamna ani piua yawan sip ba ra, upla sut ra diara pain nani dauki kap, bara kau aiska pali lika, kasak lukan lâka ra wan muihni nani ba sut ra.

Kli Smalkanka 18:2

Witin nani ba, uplikam wala nani baku ai tasbaya bribia apia, kan Dawan aisin ba baku, Dawan ba witin nani ai prapatika kabia.

Pilipai 1:11

Bara Jisas Kraist mita rayakam wina daukanka yamni baman sâkbia, Gâd ra mayuni prana daukaia dukiara.

Pilipai 2:17

Man nani kasakkam lâka mita Gâd ra prisant yabisma ba tnata alkaia dukiara, rayaki pali na sin sakripais dauki yabia kaka, yang lilia sni bara baha liliaka ba man nani sut aikuki brisni.

Pilipai 4:18

Bamna yang lika pat diara nani sut briri, bara pura lui pali. Epafrodito wal prisant nani ai blikram ba ni, dîa dîa luha sna ba sut brisna. Man nani mita ai blikram ba lika dus nani mâka kîa yamni prisantka kum baku kan, sakripais kum Gâd mita pain kaiki bri ba baku.

Kolosi 3:17

Dîa dîa daukma, apia kaka aisama ba sut, Dawan Jisas nina ra dauki bas. Witinka bâk Gâd wan Aisa ra tingki wi bas.

1 Timoti 3:15

yang na kau takaskamna kaka, kaiki kama yawan na Gâd uplika nani tilara nahki daukaia ba, baha sika Gâd rayakira sertska ba, bara baha sertska mita sika kasak tânka ba tâ baikisa bara kaina kahbisa.

Hibru Nani 3:6

Sakuna Kraist lika baha Gâd watla ba main kaikisa, Luhpia kasak kum baku. Yawan sika witin watla ba, yawan na dîa wan kainara briaia bîla kaiki ba kat liliakira, kasak ban ba kat dutki alki bri kabia kaka.

1 Pita 2:9

Sakuna man nani sika kiamka kumi bâk saki brin ba, king prîska nani ba, nisan holikira kum, Gâd uplika nani pali. Bara baha ba baku sa, man nani bui Gâd warkka aihkakira nani ba saki aisama dukiara, witinka mita man nani tihmu tila wina saki, ai ingnika aihka painkira ra dimma wisi mai paiwan ba.

1 Pita 4:11

Upla kumi aisi kaka, ai bîla aisanka nani ba Gâd bîla nani baku kaia sa. Upla kum ai uplika dukia daukisa kaka, Gâd mita karnika yabi ba wal daukbia. Dîa dîa man nani daukma ba Jisas Kraist bâk, Gâd ra mayunra yabaia dukiara kabia, bara witinka ra prana ba bara karnika sin yan kabia, ban kaia ra. Baku kabia.

1 Pita 4:17

Lâ daukaia mahka tâ krikaia piua ba balan sa, bara Gâd uplika nani pali sika pas lâka daukan kabia. Bara baha ba yawan ra baku tâ krikuya kaka, ¿tnata ra Gâd sturka yamni bîla wali daukras nani ba mapara nahki kabia ki?

Param Marikanka 1:6

bara yawan na king tasbaya kum bara prîs nani sin wan daukan sa, ai Aisika Gâd warkka daukbia. ¡Bamna prana ba bara karnika ba sin, ban kaia ra witin dukia kabia! Baku kabia.

Param Marikanka 20:6

Yamni pali bara holikira sa, baha nani naha pruan wina pas buanka tilara bubia nani ba. Prura wala ba witin nani purara karnika kumi sin âpu sa; ban sakuna, witin nani Gâd bara Kraist wal baku nani kabia, bara witin wal mani 1,000 king aimaki kabia.

Param Marikanka 3:12

Ani uplika nani sip muni pura lubia ba, yang baha nani ra Gâdki tempelka ra walpa bapanka baku daukamna, bara baha wina kli taki wabia apia ban kaia ra. Witin nani ra Gâdki nina ba ulbamna, Gâdki tawanka nina ba sin, baha ba Jerusalem raya kasbrika purara ba wina bara Gâdki wina aula ba. Witin nani ra sin nini raya ba ulbamni.

Param Marikanka 5:10

Witin nani ba wal king tasbaya kum prîs nani daukram, wan Gâdka warkka daukaia dukiara, witin nani tasba ra karnika alki bri kaia.”