1 Pita 2:1 - DAWAN BÎLA AISKA

¹ Baha mita man nani saurka ba sut mahka swis; kunin lâka kli daukaia apia, kunin daukanka nani mahka swiaia, tuman lâka bara nina sauhki aisanka sâtka nani sut sin.

1 Pita 2:1 ပူးပေါင်းရင်းမြစ်များ

Job 36:13

Upla watawikira nani ai kupia ra lawi pali banhwisa, priskan banhwisa sakuna hilp makabia apia.

Lawana Nani 32:2

Lilia pali sa ai lukanka saura briras uplika ba, witin watawika lâka daukan mana ba, Dawan sin witin ra kulkras.

Lawana Nani 34:13

Ban kaka, twisam ba saura aisapara, unam nani sin kunin lâka aisaia ba wina sâks.

Lawana Nani 37:1

Kupiam sauhkpara watawikira nani diara dauki ba kaiki, man sin saura dadaukra nani ra tumpara.

Lawana Nani 73:3

Prautkira nani bara watawikira nani ra tumri, nahki ai tâura pâwi bamna.

Sins Lâka 14:30

Wan âuyapah kaia lâka ba, wan wîna aiska rayaka sa, sakuna tuman lâka ba wan dusa kat dimi auya.

Sins Lâka 24:1

Man upla watawikira nani ra tumpara; baha nani wal kaia sin plikpara;

Sins Lâka 24:19

Saura dadaukra nani ba dukiara kupiam sauhkpara, upla watawikira nani dukiara sin tumpara,

Sins Lâka 3:31

Upla kupias nani ra tumpara, witin dauki ba tnata luki sin daukaia lukpara.

Aiseya 2:20

Upla nani gul ni bara silbar ni bahara mayuni kaia paskan ba, aidulka nani ba, baha yua ra, matis nani ra bara sakangki nani ra lulki yaban kabia.

Aiseya 30:22

Bâra lika lilka nani daukram ba, silbar ni lalaubi paskram ba tâski kulkma, lilka nani karbi daukram prâka nani gul ni slilki daukram ba sin. Bara baha nani ba tnaya ra lakma kwala tâski wan âuya warbi ba baku; witin nani ra wima: latara taki was.

Matiu 15:7

¡Kuninkira nani! Prapit Aiseya man nani tânkam pain aisin, witin naku ulban ba ra:

Matiu 23:28

Man nani sin baku sma; purak lika upla nani mawanra pain baku sma, sakuna kupiam bilara lika, kunin bara watawan lâka man banhki sa.

Matiu 24:51

bara kau pât saura pali ba yabia, bamna kuninkira nani pâtka ba aikuki wauhbia. Bâra mika witin inbia, ai napa nani sin arkbia.

Matiu 7:5

¡Man kuninkira! Man namkra ra yuya tara ba pas sâks, bara baku lika sip kama pain kaiki, muihkam nakra ra tâski yuya ba sakaia.

Mark 12:15

Sakuna Jisas baha nani kuninka ba kaiki kan, bara witin nani ra naku win: —¿Dîa kan man nani traiki kaikisma? Lalah mâ kum sal aik yang kaikaia.

Luk 11:44

“¡Alai pali kabia man nani ra! Kan man nani lika raiti yukuwan ra ba baku, upla mita purak ai dara walras wapi lui ba baku sma.

Luk 12:1

Baha piua ra upla tausin ailal bal asla taki kan, bara ban upla ailal mita pana pana taibi kan. Baku bamna, Jisas ai disaipilka nani ra naku smalki win: “Man nani aman kaiki bas parisi nani kuninka ba dukiara, kan baha ba îs baku sa.

Luk 6:42

Bara man tânkam briras sma kaka namkra ra dus tara brisma ba, ¿nahki sip kama muihkam ra wiaia: ‘Muihki, ai swis namkra ra diara yuya ba sakamna’? ¡Kuninkira! Namkra ra dus tara ba pas sâks, bara baku lika sip kama pain kaikaia, bara muihkam nakra ra diara yuya sirpi bâra ba sakaia.

Jan 1:47

Jisas kaikan Natanael ai lamara aula kan, bara witin dukiara naku win: —Kaiks Israel waitnika pali kum aula ba, witinka ra kunin âpu ba.

Roman 1:29

Rausauhkan lâka sâtka nani sut ba ni banhwan sa lâ saura nani, gridi lâka bara lukanka saura, tuman lâka bri nani, upla âikra, unsasabra, kunin mamunra nani, saura dadaukra, bara upla nina aisasara.

1 Korint 14:20

Muihki nani, tuktan sirpi nani baku luki kapara. Saura daukaia mapa ra lika tuktan nani baku bas, sakuna lukankam mapa ra lika upla almuk nani baku bas.

1 Korint 5:8

Baku bamna, wan lilia yua tara ba daukpi, brit îs almuk bri ba wal lika apia, saurka lâka bara tâski lâka îska ba, sakuna îs âpu britka ba wal mika, sunu lâka bara kasak tânka britka ba wal.

2 Korint 12:20

Bamna si brisna man nani mai kaikaia wamna ba ra, yang brin ai dauki ba baku ban kra mai kaikamna apia, bara man nani ai kaikaia brin mai dauki ba baku kra ai kaikma apia. Si brisna ban kra man nani tilamra aiklaban nani, tuman lâka nani, kupia baikan lâka nani, wînam kat man lukan lâka nani, tatuskaia lâka nani, nina aisanka nani, praut lâka nani bara inipis lâka nani sut sin bâra kabia.

Epesus 4:31

Kupiam tahplika nani sut ba mahka swis, brinka saura nani, kupiam baiwanka nani, bara upla ra pura wini swira daukaia lâka nani, bara diara saura bani sut ba mahka swis.

1 Tesalonaika 2:3

Kan yang nani dîa aisi mai smalki katna ba lika swakwanka âpu kan; bara tâski lâka wal aisi smalkras katna, upla ra sin baha ni kunin munaia lukras kapri.

1 Timoti 3:11

Sim baku hilpa mairin nani ba kulkanka bri uplika nani kaia sa, upla dahra kwakwahkra kaia apia, witin nani ba ai rayaka wapni bri kabia, bara diara sut mapa ra kasak kaia sa.

Taitus 2:3

Baku sin, serts almukka mairin nani ra wis, upla wal kulkan lâka ra iwaia, upla dahra kwahki kabiara, bara bla tatakra kabia apia. Witin nani ba diara pain ba kat smalkaia sa,

Hibru Nani 12:1

Baha mita, yawan lika witnis ailal kutbi kir wan brisa. Baku bamna, dîa dîa yawan mapara wirha wan muni ba bara saurka mita wan blaki ba sin tnaya ra laki swip, bara wan kainara plapaia yabalka bri ba ban bapi buaia lâka ni plapi kap.

Jems 1:21

Baku bamna, tâski lâka, saurka lâka ailal ba sut swi si, bara bawan lâka ra sturi painkira kupiam ra mangkan ba alki bris. Kan baha sturka yamni ba lika, swaki mai sakaia karnika brisa.

Jems 3:14

Sakuna man nani kupiam ra tuman lâka tahpla pali brisma ba ra, wînam dukiara sin diara nani daukisma kaka, sinskam ba dukiara wînam ra tara lukpara, kan baha ba kasak lâka mapara kunin aisisma, apia sin wisma.

Jems 4:11

Muihki nani, pana pana man nani saura aisapara. Ya ai muihni mapara saura aisi, lâka sin aisi dauki kaka, witin lika Gâd lâka mapara saura aisisa; bara lâ wihtka aimakisa. Bara man nani bui Gâd lâka mapara aisisma kaka, lâ bîla wali daukaia katma watlika ra, lâ wihtka ni aimakisma.

Jems 4:5

Diara bâra ba mita Ulbanka ra wisa: “Gâd mita baha Spiritka wan tilara yan iwi ba ra, tâwan lawi latwan pali kaikisa.”

Jems 5:9

Muihki nani, pana pana brukwanka bripara, baku lâmka daukbia apia; kan Gâd, witinka Wihta aimaki ba, dur lama kat buisa.

1 Pita 2:16

Upla pri nani baku iwi bas; kuna pri lâmka ba wal saura lâka pura prakaia lika yus munpara. Sakuna Gâd napakanka nani baku iwi bas.

1 Pita 2:22

Kraist ba saurka kumi sin daukras; upla kumi ra sin kunin munras kan.

1 Pita 3:10

Bamna Ulbanka ra naku wisa: “Ani uplika ai rayaka yua nani sut ra lilia bara âuyapah kaia want sa kaka, witin ai twisa ba wilkaia sa saura aisaia apia, bara kunin nani aisi ba sin mahka swibia.

1 Pita 4:2

kau naha tasba ra kabia piua ra, upla wîna brinka nani kat kli daukaia apia, kuna Gâd kupia lâka kat lika iwi kaia.

1 Pita 4:4

Nanara idan ba man nani bui witin nani ra baha taniska lâka kan uya dauki ai yula kahbras sma bamna, aihka lukisa, bara ba mita ninamra saura aisisa.

Param Marikanka 14:5

Ai bîla nani ra kunin kumi sin sakras kan; witin nani na pât âpu sa, Gâd king iwaika mawanra.