1 Pita 1:8 - DAWAN BÎLA AISKA

⁸ Man nani lika Jisas Kraist ba namkra pali ni kaikras, ban sakuna, latwan kaikisma; man nani bui witin ra kasak lukisma, namkra ni kaikras sma sakuna; bara ba mita lilia tara bara pranakira sin brisma, bara liliaka tânka ba bîlam ni sin sip aisaras,

1 Pita 1:8 ပူးပေါင်းရင်းမြစ်များ

Yamni Kulki Lawana 1:7

Laitwankira, man ai wis, ¿anira sîpkam nani ba dakakisma?, ¿anira witin nani ba ris yabisma yu wan lal kat ba ra? ¿Dîa muni yang tanis wapi baman tauki mairka baku kaia sna, man uplikam wala nani sîpka lamara?

Yamni Kulki Lawana 5:16

Ai bîla ba kiawalaia damni pali sa: ¡witin ai wîna aiska ba, painkira pali sa! Naku sa laitwankira waitna ba, naku sa yang laitwankira ba, Jerusalem mairka nani.

Yamni Kulki Lawana 5:9

¿Man ra lamtwankira waitna ba, dîa bâk sakan baku brisa ki, mairin nani tilara kau painkira sma ba? ¿Dîa bâk sakan brisa, man lamtwankira ba, bara yang nani baku, swer taki pramis mai munaia sna ba?

Matiu 10:37

“Ya ya ai aisika ra, apia kaka ai yaptika ra yang purkira latwan kaikisa kaka, yang upliki kaia sip apia sa; baku sin, ya ai luhpia waitna, apia kaka ai luhpia mairin ra yang purkira latwan kaikisa kaka, yang upliki kaia sip apia sa.

Jan 14:15

“Bamna man nani latwan ai kaikisma kaka, lâika bîla nani ba wali dauki kama.

Jan 14:21

Bamna ani uplika lâika nani tânka brisa bara bîli kat wali daukisa kaka, witin param marikisa yang ra latwan ai kaikisa. Latwan ai kaiki uplika ra, Aisiki latwan kaikbia, bara yang sin latwan kaikamna, ban sin witin ra latan takamna.

Jan 14:24

Ani uplika latwan ai kaikras ba, yang dîa aisisna ba kat wali daukras sa. Yang wina man nani smalkanka walisma ba, yang duki apia sa, sakuna Aisa ai blikan ba dukia sa.

Jan 16:22

Baku sin, man nani nanara sari sma, sakuna yang kli bal mai kaikamna ba ra, man nani kupiam lilia pali kabia, liliaka kum upla kumi mita sin mai dakbi briras kabia ba.

Jan 20:29

Bamna Jisas bila: —Tamas, ¿man ai kaikram ba kat ra kasak lukisma? Yamni pali sa baha uplika nani ai kaikras sakuna kasak luki ba.

Jan 8:42

Bamna Jisas pana win: —Gâd ba kasak man nani aisikam kata kaka, latwan ai kaikaia katma, kan yang lika Gâd wina ai blikan nahara sni. Yang yakan balras, sakuna Gâd mita ai blikan.

Apastil Nani Sturka 16:34

Ningkara, witin nani ba ai watla ra bri si plun dakakan. Bara witin ai watla uplika sut aikuki lilia pali kan, nahki witin nani Dawan ra kasak lukaia lâka alkan ba dukiara.

Roman 14:17

Bamna Gâd King aimaki ba lâka lika piaia, diaia wal tânka apia sa, sakuna baha lika wan rayaka wapni briaia lâka sa, bara kupia kumi lâka bara lilia lâka Spirit Holikira bâk yawan bri ba tânka sika.

Roman 15:13

Bamna Gâd bui man nani ra bîla kaikaia lâka maiki ba, lilia bara kupia kumi lâka ni mai banhkbia, kan man nani sika witin ra kasak lukisma ba, bara bîla kaikanka sin uya maikbia Spirit Holikira karnika ba mita.

1 Korint 16:22

Ani uplika Dawan Jisas Kraist ra latwan kaikras kaka, witin ba lahtuban kabia. ¡Wan Dawanka, bal!

2 Korint 1:22

Bara witin ai sîlka ba ni mark wan mangkan sa, bara Spirit Holikira ba wan kupia ra mangkan, naika yawan diara briaia ba tukinka baku.

2 Korint 12:4

bara witin ba Paradais kat brih wan, bahara bîla baikra tânka sip briras ba walan, bara baha tânka sip upla kumi ra sin wiaia adar âpu kan.

2 Korint 4:18

Bamna wan nakra kaiki diara bâra ba kaikras sa, sakuna sip kaikras dukia ba ra kaikisa; kan diara nani yawan kaiki ba lika ban kaia dukia apia sa, kuna sip kaikras dukia ba lika ban kaia ra ban sa.

2 Korint 5:7

bamna yang nani lika kasak lukan lâka mita taukisna, wan nakra ni kaiki ba mita lika apia.

2 Korint 9:15

¡Gâd ra tingki wip, kan witin diara uya tara pali wankan sa, sip aisi tnata alkaia apia praiska kat!

Galesha 5:22

Sakuna Spirit ai warkka dauki ba lika: latwan kaikaia, lilia kaia, kupia kaia lâka, kupia alki takaski kaia, latwan lâka bri kaia, kupia yamni kaia, kasakka lâka briaia,

Galesha 5:6

Bara yawan Kraist Jisas wal asla sa kaka, Aisa sainka bribia, apia kaka briras kabia sin, sut ba bahki sa. Kasak lukan lâka briaia ba lika kau pain sa, bara kasak lukanka lâka mita sika upla sut aikuki latwan iwaia tânka wanki ba.

Epesus 3:19

Bahamna, puri sunisna baha latwanka lâka tânka ba man nani brima, baha tânka ba kau tihu sa tânka wala sut kaikan wan dauki ba wal, bara baha mita Gâd latwanka lâka ni aibanhwan pali kama.

Epesus 6:24

bara Gâd mita wan Dawan Jisas Kraist ra, latwan kaiki uplika nani sut ra yamni munbia, latwan lâka kum sip aihka takras ba wal.

Pilipai 1:25

Naha mapara yang wilin sna, bara kaikisna kau man nani wal kamna, kau tâmra waia, man nani kasak lukankam lâka ra kau lilia bri kaia hilp mai munaia dukiara.

Pilipai 3:3

Kan yawan sika kasak pali Aisa sainka brin, yawan nani Spirit bâk Gâd ra wan pura suni mayuni ba, bara yawan Kraist Jisas ra bamna sika lilia banhwisa. Yawan lika wan wîna tara ra dauki dukia ba ra kasak lukras.

Pilipai 4:4

Man nani piu bani ra, Dawan ra liliam bas. Yang kli wisni: ¡Liliam banhwi bas!

Hibru Nani 11:1

Bamna kasak lukan lâka bri kaia ba lika, yawan diara briaia bîla kaiki ba kasak pali luki kaia baha ba bribia, bara diara nani kaikras ba sin kasak pali kaikan kan baku lukaia sa.

Hibru Nani 11:27

Kasak lukan lâka mita, Moses ba king kupia baiwanka sîa âpu Idsip tasbaya wina taki wan, kan witin dîa daukaia lukan ba kat ban kata, upla mita Gâd ra sip kaikras ba witin kaiki kan baku.

1 Pita 1:6

Naha dukiara man nani lilia brisma, ban kra aitani kabia, piu wiria pan traika kaikanka ailal pâtka brima.

1 Pita 2:7

Man nani kasak lukisma ba mampa ra lika, baha walpaya ba mana tara pali brisa; sakuna kasak lukras nani ba mapa ra lika, Ulbanka ra naku aisi na tnata alkisa: “Utla mâmakra nani mita lulki swin walpaya ba, kau rayaka wihtka walpaya takan sa.”

1 Pita 5:4

Baku bamna, Sepad Wihta ba balbia ba ra, man nani kraun pranakira kum brima, bara baha ba lika ban kaia ra sip srawi luras ba.