1 Pita 1:7 - DAWAN BÎLA AISKA

⁷ Kan man nani kasak lukankam lâka ba, gul baku sa; baku bamna pauta ni trai munan kaia sa, pain, apia kaka, saura sapa kaikaia dukiara. Ani kasak lukanka lâka baha traika kaikan ra bapi bubia kaka, gul purkara kau mana tara sa; bara gul ba lika âpu takisa. Bamna, kasak lukankam lâka baku trai munan kabia ba ra, Jisas Kraist param takbia ba ra, man nani lika brima mayunra lâka, prana bara pain kulkan lâka ba.

1 Pita 1:7 ပူးပေါင်းရင်းမြစ်များ

Job 23:10

Mini lulkanka bani witin kaikisa, tâinka pliki kaikbia kaka, aihwa kamna gul aihwa ba wal baku.

Job 28:1

Silbar sakaia tasbaya ba bâra sa, bara gul kau pain aihwa daukaia watla ba sin.

Lawana Nani 17:3

Man bui yang lukanki nani ra dimram, tihmia ra bal aihwaki ai kaikatma; tâinka aihwa sapa plikatma, bara diara saura nani yang ra sakras katma; sturi aisaia apia nani ba, yang aisaras.

Sins Lâka 16:16

Sins lâka alki briaia ba, kanra yamni sa gul pain briaia ba wal. Diara tânka brih, lukaia lâka pliki briaia ba sin, silbar wal kanra yamni sa.

Sins Lâka 17:3

Gul bara silbar ba pauta ra angki kaikisa; sakuna upla lukanka ba lika, Dawan mita laki kaikisa.

Sins Lâka 8:19

Yang yabisna dukia ba lika kau yamni sa silbar kau painkira ba wal, yang yaia wisna ba kau yamni sa, silbar painkira ba wal.

Smasmalkra 5:14

Kan wark saura daukbia ba wal sip sa, baha kukanka sut tikaia; bara witin luhpa kum bribia kaka, ningkara diara swiaia âpu kabia.

Aiseya 48:10

Yang sunu mai sakri, sakuna silbar ra dauki ba baku lika âpu, sakuna kubus tara ra baku pât wahwaia.

Jirimaya 48:36

Baha mita Moab pura mata yang kupi ai mamna lulkisa, Quir-heres uplika nani pura mata sin upla bikaia plutka puhbi ba baku, witin nani diara ailal kukan ba âpu daukan.

Jirimaya 9:7

Ba mita yang, Dawan, karnika sut brisna ba, mai wisna: ¿Kau dîa wala yang upliki nani ba wal daukaia sip sna? ¡Pauta ra kiski tâski âpu daukaia sna!

Malaquía 3:3

Dawan bal iwbia prîs nani Libai kiamka nani ba sunu daukaia, silbar bara gul slaslilkra nani pauta klauhan ra kiski tâskika saki ba baku. Baha kat lika witin nani daukaia kata ba baku dauki si, prisantka nani Dawan ra brih balbia.

Kulki Kaikanka 5:28

Ban sakuna, mairin ba tâski takras, pâtkas klin sa kaka, witin ai luhpia pain baiki kabia.

Matiu 19:28

Jisas witin nani ra win: —Man nani ra kasak pali mai wisna, Upla Luhpia Waitna ba ai king iwaika pranakira ra iwbia ba ra, diara nani sut raya daukan kabia piua ra, Upla Luhpia Waitna ai iwaika pranakira ra iwbia bara man nani nini blikram ba sin king iwaika 12 nani ra iwma, Israel kiamka 12 ba lâka daukaia dukiara.

Matiu 25:21

Dawanka ba bila: ‘Pain; man ba alba pain bara yamni sma. Man ba diara wiria wal kasak kapram bamna, diara ailal mihtam ra mangkamna. Bal dimi, yang wal lilia bris.’

Matiu 25:23

Ai dawanka ba mita win: ‘Upla pain; man ba alba pain bara yamni sma. Diara wiria lupia wal kasak kapram bamna, yang mita kau diara ailal mihtam ra mangkamna. Bal dimi, yang wal lilia bris.’

Luk 12:33

Dîa brisma ba sut wauhi atks, bara umpira nani ra diara yas. Lalahkam watla nani dauki bris sip almuk takras ba, bara kasbrika purara yuyakam sip luras ban kaia ra ba suni bris, bahara sika âimplikra sip dimras, bara yula nani sin sip sauhkras ba.

Luk 17:30

Baku kabia Upla Luhpia Waitna balbia piua ra.

Jan 12:26

Bamna upla kumi yang duki daukaia want sa kaka, witin nini blikaia sa; bara anira sna pliska ba ra, yang duki dadaukra ba sin bâra kabia. Bamna upla kumi yang duki daukisa kaka, Aisiki mita prana daukbia.

Jan 5:44

¿Nahki man nani kasak lukma, kan man nani ba kumi mita wala ra tawi pana pana mayunra ba brisma, bara Gâd kumi baman ba wina mayunra aula ba lika pliki banhras sma?

Apastil Nani Sturka 8:20

Pita bila: —Man lalahkam ba wal pât kat wama, Gâd mita yabi dukia ba lalah ni atkaia lukisma bamna.

Roman 2:10

Ban sakuna, yamni dauki nani ra Gâd mita yabia, mayunan lâka, pain kulkan lâka bara kupia kumi lâka sin, Ju nani ra pas, bara Ju apia nani ra sin.

Roman 2:29

Ban sakuna, kupia tani wina ba sika Ju pali ba, bara Aisa sainka kasak pali ba lika wan kupia dukia sa; baha ba wauhkataya ulban lâka ba apia, kuna Spirit lâka sa. Naha dauki uplika ba upla mita tânka ba pliki kaikbia apia, sakuna Gâd mita lika.

Roman 2:7

Gâd mita raya ban kaia lâka yabia, ani uplika nani wark painkira daukisa, bara mayunra, pain kulkan lâka wal pliki ba;

Roman 8:19

Paskanka aiska Gâd daukan ba brin pali dauki ai kainara lukisa, Gâd luhpia nani ra param takaia nani ba kaikaia.

1 Korint 3:13

Upla bani warkka ba lâ daukan yua ra latan kaikbia; kan baha yua ba pauta klauhan wal kabia, bara pauta klauhan ba mita upla bani dîa sât warkka daukan sapa tânka trai kaikbia.

1 Korint 4:5

Baku bamna, piu kau kan ba ra diara nani ba lâka aisi dauki kapara. Dawan bal, tihmu ra yukukan dukia nani ba ingni ra brih sâkbia ba, bîla kaiki bas. Dawan mita upla nani ai kupia ra dîa daukaia luki ba sut latan sâkbia. Bâra mika, upla bani mayunra briaia ba kat, Gâd wina bribia.

Jems 1:12

Ani uplika traika kaikanka trabilka mapara kasak luki bapi bûi ba, yamni pali sa; kan witin baha mapara kasak bapi bubia ningkara, raya kaia lâka ba kraun kum baku witin ra prisantka yaban kabia. Baha sika Gâd mita pramis munan, witin mita latwan kaiki uplika nani ra.

1 Pita 1:13

Baha mita, man nani dîa daukisma ba pain luki bas, bara rayakam ba pain bri bas. Gâd ai latwanka tara ba mita, Jisas Kraist balbia bara yamnika nani maikaia ba kat kainamra bîla kaiki bas.

1 Pita 1:5

Bara man nani lika Gâd ra kasak lukan lâka brisma ba mita, witin ai karnika ni kainam kahbisa, swaki sakan lâka, tnata piua nani ra param marikaia wisi ridi dauki bri ba, man nani alkma ba kat.

1 Pita 2:4

Baku bamna, man nani, Dawan lamara bal, walpa rayakira kum baku. Upla nani mita Kraist ba lulki swin, kuna Gâd mapa ra lika walpa bâk saki brin kum sa, bara mana tara brisa.

1 Pita 2:7

Man nani kasak lukisma ba mampa ra lika, baha walpaya ba mana tara pali brisa; sakuna kasak lukras nani ba mapa ra lika, Ulbanka ra naku aisi na tnata alkisa: “Utla mâmakra nani mita lulki swin walpaya ba, kau rayaka wihtka walpaya takan sa.”

1 Pita 4:12

Muihki laitwankira nani, traika kaikanka tara nani man nani puramra aula ba dukiara aihka lukpara; baha ba diara tringsar kum mai takuya baku lika luki kapara.

1 Pita 4:13

Sakuna, Kraist pât wahwanka ba wal asla kumi wahwaia sma ba dukiara liliam banhwi bas, bara baku sin witin balaia prana ba kaikma ba ra, man nani lilia pali kama.

1 Pita 5:1

Nanara man nani daknikam tilara almuk nani bâra ba kupia kraukanka yabisni, kan yang na sin witin nani wal baku almuk kum sna. Yang na Kraist pât wahwanka nani witniska sna, bara naika takaia prana ba witin nani wal aikuki asla brimna.

2 Pita 1:1

Yang Saiman, Pita, Jisas Kraist dukia dadaukrika bara apastilka sna. Naha wauhkataya man nani ra mai ulbisna, man nani kasak lukan lâka manakira ba alki bri banhram sa, yang nani brisna baku, kan wan Gâdka bara wan Sasakra Jisas Kraist ba, kasakkira sa bamna.

2 Pita 1:4

Naha dukia nani tila bâk pramis nani sin wan munan, bara baha nani ba uya tara bara manakira pali sa; bamna baha sim pramiska nani bâk, sip kama Gâd tânka ba man nani briaia, bara brinka saura nani naha tasba ra tâski lâka bri balan ba wina swakwaia.

2 Pita 3:14

Baha mita, muihki laitwankira nani, naha diara nani bîla kaikisma ba ra, dîa sip sma ba kat trai kaiki bas; bara Gâd bui man nani mai kaikbia ba ra, kupia kumi, tâski âpu bara pâtkas nani kama.

Judas 1:24

Gâd kumi baman bara swaki wan Sasakra ba, karnika brisa main mai kaikaia kauhmara sîa, witin ai mawan pranakira ra maikka buma tâski âpu liliakira. Gâd ra mayunan kabia, tara kulkan lâka karnika bri ba lâka, bara lâ wihtka kaia aitani kulkan lâka ba sin, wan Dawan Jisas Kraist bâk patitara piua ba wina, nanara bara ban kaia ra. Baku kabia.

Param Marikanka 1:7

¡Kraist ba kasbrika nani tilara balbia! Upla sut mita witin ba kaikbia, ai wîna tara dus prihni ra saban uplika nani sin. Tasba aiska uplika nani witin kaiki sari bri inbia. Âu, baku kabia.

Param Marikanka 2:10

Pât wahwaia sma ba si bripara; kan man nani tilam wina kum kum ba dibil mita silak ra mangkbia, sut traikam kaikaia dukiara; bara yu matawalsip man nani pât wahwaia kama. Bamna pruma ba kat kasak bas, bara yang raya kaia kraunka ba maikamna.

Param Marikanka 3:10

Ban bapi buaia lâika ba ban bri kapram, baha ba mita tasba aiska ra trabil balaia piua ba wina ban pain mai bri kamna; baha trabilka ba lika tasba ra iwi uplika sut ra traika kaikbia sa.

Param Marikanka 3:18

Baha mita, man ra mai smalki mai wisni, yang wina gul pauta ra pain pali slilkan ba atkma, bara baha mita kasak pali yuyakira kama. Yang wina sin kwala pihni atks, bara wînam kwala âpu swiram kira ba dimaia. Yang wina sin wan nakra saika atks, bara namkra diara kaikaia sip kama.

1 Samuil 2:30

Baku bamna, Dawan, Israel Gâdka ba, man bara tamya nani sin ban kaia ra ai dukia dauki kabia win ba, nanara wisa: ‘Yang aisari ba baku ban kabia apia, sakuna ya pain ai kulki ba baha uplika ra yang mita sin pain kulkamni, bara bahki ai kulki nani ba swira daukan kaia lâka ra mangkamni. Yang, Dawan, baha kasak aisisni.