1 Pita 1:6 - DAWAN BÎLA AISKA

⁶ Naha dukiara man nani lilia brisma, ban kra aitani kabia, piu wiria pan traika kaikanka ailal pâtka brima.

1 Pita 1:6 ပူးပေါင်းရင်းမြစ်များ

Lawana Nani 119:28

Wîni latwanka ba mita, naikra laya taki ba wal ban katwisni, ban bapi buisna man pramiskam ba kat.

Lawana Nani 119:75

Dawan, yang kaikisni, baha lâ nani man aisi daukram ba kasakka lâka sa, bara kasak sa, yang sari brisna ba ra.

Lawana Nani 34:19

Upla yamni baman dauki ba, pât uya wahwisa, sakuna Dawan mita baha pâtka nani sut ba wina pri sakisa.

Lawana Nani 35:10

Lukanki aiska wimni: “Dawan, ¿ya ba man wal baku wala bâra sa? Karna nani, umpira nani ra pri sakisma. Baha nani witin wal kau karna nani ba, baha nani ra taibi dakbi ba.”

Lawana Nani 69:20

Saura ai win ba mita, kupi ba sut sauhkan sa; lukanki ba swapni sakan bara karniki sin âpu takan. Bamna yang bahki man plikri upla kum, latwan ai kaiki maisi nihkbia dukiara.

Lawana Nani 9:14

Bara baku yang, Jerusalem getka nani ra, tasba aiska ra wimna man mayunra briaia aitani sma, yang lilia pali sna swaki ai sakram bamna.

Lawana Nani 95:1

Man nani sut bal, liliakira Dawan ra aiwanpi; aiwanpi wan kan kakahbra, bara wan Swaki Sasakra ra.

Aiseya 61:10

¡Yang Dawan ra nahki lilia sna! Gâdki ra kupi lilia ni banhwan sa, witin swaki sakan lâka bri ba yang ra aikan bamna, ¡pura luan lâka ni ai srukan! Yang na wahma kum ai maya briaia ai kraunka bapan ba baku sna, apia kaka tiara kum ai maya briaia gul ni skahkan ba baku sna.

Aiseya 61:3

Saion ra, sari bri banhwi nani ba ra, kraun kum yabaia yamhpus ra iwi ba watlika ra, ini ba watlika ra lilia kaia isintka yabamna, bîla kaikanka âpu ba watlika ra mayuni aiwanaia lawana nani, witin nani nina ba “pura lalura dusa nani” mâkan kabia. Dawan mita ai prana ba marikaia mangkan nani ba.

Matiu 11:28

Warkkam bara karbankam mita mai swapkan nani ba, sut yang ra bal bara yang mita maikamna ris briaia.

Matiu 26:37

Bara Pita bara Sebedi luhpia wâl ba kat brih wan, bara mahka sari tara daukan.

Matiu 5:12

Liliam pali bas, man nani âmyapah sin bas, kan kasbrika purara mamna tara kum bâra sa bamna, kan baku sin upla saura nani mita prapit nani ra rausauhkan baha nani kainamra bâra kan nani ba ra.

Luk 1:47

yang kupi sin lilia sa Gâdki Sasakra ra.

Luk 10:20

Sakuna, pirit saura nani man nani bîlam wali ba ra wisi lilia taki kapara, sakuna ninam nani ba kasbrika purara ulban sa bamna, liliam bas.

Luk 2:10

Sakuna insal ba bila: “Man nani si bripara, kan yang bui man nani ra sturi pain kum mai wiaia balri, naha na upla sut mapa ra lilia tara kabia.

Jan 16:22

Baku sin, man nani nanara sari sma, sakuna yang kli bal mai kaikamna ba ra, man nani kupiam lilia pali kabia, liliaka kum upla kumi mita sin mai dakbi briras kabia ba.

Jan 16:33

Naha dukia sut na mai wisni, yang wal asla kama ba mita kupia kumi lâka ba bri kama. Naha tasba ra man nani ban pât wahwaia kama; kuna kupiam karna bri bas, kan yang mita tasba na pura luri sa.

Apastil Nani Sturka 14:22

Baha pliska nani ra kristian nani sut ra tâ baikan, ban sin smalki kupia kraukan kasak lukan lâka ra bapi bûi kabia, bara sin win Gâd king aimaki tasbaya ra dimaia kaka, pât nani wahwaia sa.

Roman 12:12

Naika diara briaia sma ba dukiara liliam bas; pât wahwisma ba ra, kupiam alki takaski bri bas. Piu bani puram sunaia lâka ba swipara.

Roman 5:11

Bara naha baman lika apia, kuna wan Dawan Jisas Kraist ba mita yawan lika Gâd ra lilia pali sa, kan Kraist ba mita yawan na Gâd wal kupia kumi wan daukan sa bamna.

Roman 5:2

Kasak lukan ba mita Kraist bâk yawan lika Gâd lamara balan, ai yamnika briaia dukiara. Bara naha yamnika sika yawan bapi na, bara lilia sa naika Gâd prana ba wan dukia briaia ba mita.

Roman 9:2

piu bani sarka lâka tara kum brisna, kupi ra sin latwan kum ban brisna,

2 Korint 4:17

Kan pât nani nahara wahwi ba lika diara wirha apia bara isti luisa, bara tnata ra prana ban kaia ba manis pali wankisa.

2 Korint 6:10

Yang nani sari bri baku, kuna piua bani lilia sna; yang nani lika umpira, sakuna upla ailal yuyakira daukisna; ban kra yang nani diara âpu baku sna, sakuna diara sut bri banhwisna.

Galesha 5:22

Sakuna Spirit ai warkka dauki ba lika: latwan kaikaia, lilia kaia, kupia kaia lâka, kupia alki takaski kaia, latwan lâka bri kaia, kupia yamni kaia, kasakka lâka briaia,

Pilipai 2:26

Witin ba man nani sut mai kaikan daukisa, bara uya lukisa witin ba siknis sa sturka wali banhram ba dukiara.

Pilipai 3:3

Kan yawan sika kasak pali Aisa sainka brin, yawan nani Spirit bâk Gâd ra wan pura suni mayuni ba, bara yawan Kraist Jisas ra bamna sika lilia banhwisa. Yawan lika wan wîna tara ra dauki dukia ba ra kasak lukras.

Pilipai 4:4

Man nani piu bani ra, Dawan ra liliam bas. Yang kli wisni: ¡Liliam banhwi bas!

1 Tesalonaika 1:6

Bamna man nani ba yang nani daukri baku, bara Dawan daukan ba baku sin daukram; bara pât kasak wahwi kapram, ban sakuna sturi yamni ba Spirit Holikira mita lilia maiki kan ba wal bri katma.

Jems 1:2

Muihki nani, man nani traika kaikanka nani wina trabil sât sât brima ba ra, lilia kaia sma.

Jems 1:9

Wan muihni kum bawan lâka bri ba, Gâd mita purara bukbia, bara ai âuyapah kabia;

Jems 4:9

Man nani sari taks, ini yahwi bas; kikisma ba yarka inan lâka ra tawbia, lilia lâka ba sari ra tawbia.

1 Pita 3:17

Kau pain sa yamni daukan tâwan pât wahwaia, Gâd baku want sa kaka, saura daukan tâwan pât wahwaia ba wal.

1 Pita 4:7

Diara nani sut tnata yua ba pat baila sa. Baha mita, man nani sinskam yamni brih aihwaki bas bara kasak wilin pali puram suni bas.

1 Pita 5:10

Sakuna piu wiria pât wauhram kabia ningkara, Gâd mita man nani ba aihwakira, dutki pali, karna kasak pali mai daukbia. Baha sim Gâdka sika yamnika nani sut wanki ba, bara ai prana ban kaia bara wan dukia briaia wan paiwan sa, Jisas Kraist wal asla.

1 Samuil 2:1

Ana naku ai pura sunan: “Dawan, yang kupi ra man ra lilia tara brisni, kan man karniki raya aikisma. Waihli nani mapara aisaia sip sna, kan man tâi baikram bamna. ¡Âu, yang lilia sni!