1 Pita 1:25 - DAWAN BÎLA AISKA

²⁵ sakuna Dawan bîla ba lika ban kaia ban kaia ra sa.” Bara naha sika swaki sakan sturka yamni bîla man nani ra mai smalkan ba.

1 Pita 1:25 ပူးပေါင်းရင်းမြစ်များ

Lawana Nani 102:12

Sakuna man, Dawan, ban kaia ra king aimakisma, ¡man ninam ba ban kaia ra luki bri kabia!

Lawana Nani 102:26

Baha nani sut ba yu kum âpu takbia, sakuna man lika bâra ban kama. Baha nani sut ba kwala aisawi lui baku lubia; ¡man bui lakma, bara lakan kabia, prâk kum daiki wala dimi ba baku!

Lawana Nani 119:89

Dawan, man bîlam ba ban kaia ra sa man bîlam ba kasbrika purara ba, kat bapan sa.

Aiseya 40:6

Bîla baikra kum aisisa: “Wins”, bara yang pana makabi walri: “¿Dîa dukiara yang bîli baikra tara winamna?” “Upla bani ba twi baku sa, ¡bara ai prana sut ba sin twi ra tangni prana ba baku sa!

Aiseya 40:8

Twi ba lâwisa, tangni ba srawisa, sakuna yawan wan Gâdka bîla ba ban bâra sa ban kaia ra.”

Matiu 5:18

Kan kasak man nani ra mai wisna, kasbrika purara bara tasba na kau ban kabia piua ra, mark lupia kumi, bîla sainka lupia kumi sin lâ ba wina sâkbia apia, dîa dîa takaia ba takbia kat.

Luk 16:17

“Sakuna kau swapni sa kasbrika pura bara tasba ba lui waia, lâ wina ulban markka lupia kumi aimakras kabia ba wal.

Jan 1:1

Tasba na kau paskras kan ba ra, Bîla ba pat bâra kan. Bîla ba Gâd wal kan, bara witin sika Gâd kan ba.

Jan 1:14

Baha Bîla ba upla takan, bara yang nani tilira iwan. Bamna yang nani ai prana ba kaikri, baha prana Aisa Luhpia kumi baku Gâd wina brin ba.

1 Korint 2:2

Kan man nani tilamra katna piua, diara wala kaikaia ai daukras kan, Jisas Kraist tânka baman, bara kau pali lika, witin dus prihni ra saban ba.

Epesus 2:17

Kraist bal upla sut ra kupia kumi sturka yamni ba smalkan, man nani laihura nani katma ba sut ra, bara Ju nisanka sut, Gâd lamara kan nani ra sin.

Epesus 3:8

Gâd uplika sirpi nani sut tilara, yang na kau sirpi pali sna; sakuna Gâd mita ban adar aikan, Kraist yuyaka sip kulki sakras ba, Ju apia uplika nani ra smalkaia.

Taitus 1:3

bara nanara, ai piua pali ba kat, baha ba latan wan marikan sa, ai bîla blikan ba bâk. Baha ba yang mihti ra mangkan sa, bara Gâd wan Sasakra adarka mita yang aisi smalkri.

Hibru Nani 6:5

Witin nani lika Gâd bîla painkira ba, bara naika balaia tasbaya karnika ba sin pat brih trai kaikan sa.

1 Pita 1:12

Sakuna Gâd mita baha prapitka nani ra latan marikan ai warkka ba; witin nani ai dukia lika apia kan, sakuna yawan wan dukia kan ba. Bamna nanara, naha sim dukia sika man nani ra maisam pakan ba. Sturi yamni bîla twatwilkra nani, witinka nani Spirit Holikira kasbrika pura wina blikan ba karnika ni aisan ba mita, naha kasakka sturka nani mai win sa. Naha dukia nani lika insal nani pali sin tânka ba kaikan daukisa.

1 Pita 1:23

Bamna man nani kli aisubi takram sa, aisikam upla ba wina lika apia, kuna Gâd bîla raya iwi ban kaia ra bâra ba wina mika.

1 Pita 2:2

Tukta swap lupia bisiura aisubi takan baku, plun mai dauki ba, spirit tialka laya pali ba pliks, bara baha bâk di pâwma, bara swak takan lâka ba brima.

2 Pita 1:19

Naha sika prapit nani mita smalkanka ba kau karna dauki ba. Man nani baha smalkanka ba uya pain walisma. Lamp kumi tihmu pliska kumi ra ingwi ba baku sa smalkanka ba, yu baiwka, titan slilmika ba kupiam nani ra dimi ingbia kat.

1 Jan 1:1

Diara nani sut mahka tâ krikan piua ra pat paskan bâra kan ba dukiara man nani ra ulbisna, yang nani kiaima ni dîa walri ba bara naikra ni dîa kaikri ba. Kan yang nani naikra pali ni kaikri bara mihti pali ni sin alki banhri. Baha sika Raya kaia Bîla ba.

1 Jan 1:3

Bamna dîa yang nani kaikri bara walri ba, baha tânka man nani ra param saki aisisna, baha mita man nani lika yang nani wal asla kama, sim yang nani kasak pali Gâd Aisa bara ai Luhpia Jisas Kraist wal asla sna ba baku.

Param Marikanka 14:6

Bara yang insal wala kum kasbrika pura ba lilapas kat pâli tauki kan kaikri. Naha lika ban kaia ra smalkanka kum bri kan, tasba ra iwi uplika nani ra smalkaia, nisan sât bani ra, taika bani ra, bîla sât bani ra, upla nani sut ra sin.