1 Pita 1:2 - DAWAN BÎLA AISKA

² Man nani ba Gâd Aisa mita bâk mai sakan sa patitara wina, dîa daukaia lukan ba kat. Spirit bâk man nani ba upla holikira nani mai daukan sa; witin ra ai bîla wali daukma dukiara, bara Jisas Kraist tâlia mita klin mai daukbia dukiara sin. Bamna, man nani ba yamnika nani bara kupia kumi lâka manis pali bri kama.

1 Pita 1:2 ပူးပေါင်းရင်းမြစ်များ

Aiseya 55:7

Saurakira ai yabalka ba yarka swibia, bara upla watawikira ba sin ai kupia lukra nani ba swibia; bara man nani lika Dawan ra kli tawi bal, witin nani umpira kaikan lâka bribia; yawan wan Gâdka ra, witinka wan saurka swi tikaia lâka tara bri ba.

Aiseya 65:22

Witin nani utla mâkbia apia, upla wala kra iwbia dukiara, witin nani sin mangkbia apia, upla wala baha wina pibia dukiara; kan dus nani rayaka yua bri ba baku, yang upliki nani rayaka yua sin yari bribia, yang upliki nani bâk saki briri ba ai mihta warkka nani liliaka ba bribia.

Aiseya 65:9

Yang daukamna Jekob ai kiamka nani briaia bara Juda ra upla bâra kabia yang ilki nani ra iwaia, bara yang mita bâk sakri nani ba tasba ba ai dukia bribia, yang duki dadaukra nani ba bahara iwbia.

Daniel 4:1

“Yang, king Nabucodonosor, brinki sa upla sut ba kupia kumi lâka bri pâwi kabia, nisan nani, upla nani bara bîla sât sât aisi ba naha tasbaya ra iwi nani ba.

Daniel 6:25

Bamna king Darío bui upla nani ra, nisan sâtka bani ra, bara bîla sât sât aisi ba sut ra ulbi naku win: “Kupia kumi lâka ba manis man nani ra kabia bara pâwanka ba sin,

Libait Lâka 1:5

Dawan mawanra bri sal bîp wainhka ba skiru ni ikbia; baha ningkara Eran luhpia prîs nani ba bal, tâlia prisantka ba Dawan ra yabia, bara baha ningkara, tâlia ba ni, altarka pura tnaya nani ba sin kir srikbia, upla nani tint watla ra bal, Dawan wal prawbia dimaia durka lama lata tani ra ba ra.

Matiu 24:22

Bara Gâd baha piua prahni daukras kaka, upla kumi sin swaki sakan kabia apia; sakuna witin bâk sakan nani ba latwanka ra prahni daukbia.

Matiu 24:24

Kan misaya kuninkira nani bara prapit kuninkira balbia; witin nani sain tara nani bara diara aihka nani daukbia upla ra kunin munaia dukiara, bara sip kaka, Gâd mita bâk sakan nani ba ra sin kunin munaia.

Matiu 24:31

Bara ai insalka nani blîkbia trumpit binka tara ni ai uplika bâk sakan nani ba pâsa mapa walhwal ba wina asla daukaia, tasba tâ kum wina tâ wala kat.

Mark 13:20

Bara Dawan mita baha piua ba kunhku daukras kaka, upla kumi sin swaki sakan kabia apia; sakuna ai uplika nani pliki sakan ba latwanka ra kunhku daukan sa.

Mark 13:22

Bamna kuninkira nani ba Misaya baku balbia, prapit baku sin, bara sain tara nani, diara aihka nani sin upla nani ra kunin munaia wisi, daukbia; bara sip kabia kaka, Gâd pali pliki sakan nani ra ban kunin munbia.

Mark 13:27

Witin ai insalka nani blîkbia, bara pâsa mapa walhwal ba wina, ai uplika pliki sakan nani ba asla daukbia, tasba tnata lâs ba wina, kasbrika pura lâs tnata ba kat sin.

Luk 18:7

¿Ban kra lukisma Gâd bui ai uplika nani bâk saki brin ba, kakna bara tihmia witin ra wini banhwi ba wapnika daukbia apia? ¿Hilp munaia ba wina wihka takaskbia lukisma ki?

Apastil Nani Sturka 15:18

Dawan naku wisa, witinka naha diara nani ban patitara piua ba wina swin ba kaikan.’

Apastil Nani Sturka 2:23

Blasi piua wina Gâd mita ai Luhpia ba ridi dauki dîa takaia kan ba pain kaiki si, man nani mihtam ra mangkan ba ra, witin ba silak ra mangkram, baha ningkara upla watawikira nani mihta ra mangki bri si dus prihni ra sabi ikram.

Apastil Nani Sturka 20:32

“Bara nanara, muihni nani, Dawan mihta ra mai mangkuna, ai latwanka lâka tara ba mihta ra sin. Witinka karnika tara brisa, sip sa maikka pâwaia spirit tani ra bara witin pramis maikan ba kat daukbia holikira sakan ba tilara.

Roman 1:5

Bara Jisas Kraist bâk, Gâd bui yang na witin ai apastilka baku ai blikan, witin ai nina sturka ba aisaia, nisan nani sut tilara witin ra kasak luki ai bîla wali dauki ba bâra kaia.

Roman 1:7

Bahamna man nani Rom ra iwi banhwisma ba sut ra mai ulbisni, Gâd latwan kaiki mai paiwan ba, witin bui ai uplika holikira kaia dukiara. Gâd wan Aisa bara Dawan Jisas Kraist mita yamni mai munbia bara kupia kumi lâka sin maikbia.

Roman 11:2

Kan tâ wina Gâd bui Israel luhpia nani ba ai uplika baku kaikan, bara nanara baha nani ba sip lulkbia apia. ¿Kaikras sma ki man nani, Ulbanka ra prapit Ilayas aisi ba, witinka mita Gâd ra ai pura sunra bâk Israel luhpia nani dahra sakan ba? Witin naku win:

Roman 11:28

Swaki sakan lâka tânka smalkanka ba mita lika, Ju nani ba Gâd wal ai waihla baku kulkan sa, man nani Ju apia nani ra sans maikaia; sakuna Gâd mita kau ban Ju nani ra latwan kaikisa, kan ai damika nani ba wina witin bâk saki brin.

Roman 15:16

Jisas Kraist dukia dadaukra baku Ju apia uplika nani tilara wark daukaia. Baha warkka ba lika Gâd sturka yamni swaki wan saki ba aisi smalkaia, Ju apia uplika nani ba Gâd ra prisant kumi baku yaka pain briaia dukiara, Spirit Holikira mita holi sakan bamna.

Roman 16:19

Upla sut kaikisa man nani nahki bîla pain wali daukram; baha ba mita yang uya lilia sna. Bamna yang brin ai daukisa man nani ba diara pain daukaia ridi taki kama, kuna diara saura daukaia lika apia.

Roman 16:26

sakuna nanara baha tânka ba param marikan sa prapit nani bâk Ulbanka mita, Gâd ban rayakira adarka ba kat. Naha dahra yukukan kan tânka na nisan sut ra param marikan sa, kasak lukbia bara bîla kat wali daukbia.

Roman 8:13

Kan man nani wînam brinka lâka kat raya kaia lukisma kaka, man nani lika pruma; sakuna wînam lâka ba Spirit mita ikbia kaka, man nani lika raya kama.

Roman 8:33

¿Ya sip kabia ki Gâd mita bâk sakan nani ba dahra kwahkaia? Gâd mita sika baha nani kasakkira kulki ba.

1 Korint 1:30

Sakuna Gâd pali mita man nani ba Kraist Jisas wal asla mai prakan sa, bara baku sin daukan Kraist ba wan sinska lâka kabia, yawan na pâtkas wan kulkan kabia, sunu kaia bara swak takan lâka sin bri kaia.

1 Korint 6:11

Man nani tilam wina tila nani ba baku nani kata. Sakuna man nani ba saurka wina pat klin mai sakan sa, holikira nani sin mai daukan sa, bara Dawan Jisas Kraist nina ba mita bara wan Gâdka Spiritka ba mita sin, kasakkira nani mai kulkan sa.

2 Korint 10:5

Baku bamna, dahra kwakwahkra nani, wan mapara babura nani bara ai prautka lâka ra Gâd tânka kaikaia wina wan takaski nani ba sut, yang nani mita bataki banhwisna. Wan wîna sinska lâka ba sut Kraist mihta ra mangkisna, witinka ba bîla wali daukbia dukiara,

Kli Smalkanka 7:6

Man nani ba tawan kum aihka mai sakan sa, Dawan Gâd dukiara. Tawan nani tasba ra ba wina Dawan bui bâk mai sakan, man nani ba tawan kum bâk sakan kaia.

Kolosi 3:12

Gâd lika man nani ra latwan mai kaikisa, baha mita witin bâk mai sakan, ai uplika mai briaia. Baku ba mita, naha sât prâka na dims: umpira kaikan lâka, latwan kaikan lâka, bawaia lâka, praut âpu lâka bara wihka bîla kaikaia lâka ba sin.

2 Tesalonaika 2:13

Muihki nani, Dawan mita latwan mai kaikan ba, yang nani lika piu bani man nani dukiamra Gâd ra tingki wiaia sna, kan patitara piua wina, Gâd mita bâk mai sakan sa, man nani pas sika swak takan lâka briaisma ba, Spirit Holikira karnika bâk Gâd uplika pali mai daukbia, bara kasak tânka ra kasak lukram ba mita sin.

2 Timoti 2:10

Baha mita sika, yang diara sut mapara ban bapi buisni, Gâd mita bâk saki brin uplika nani painka dukiara, bara baku mika ban kaia ra swaki sakan lâka pranakira yawan Kraist Jisas wal asla mita bri ba, witin nani sin alki banhbia dukiara.

Taitus 1:1

Yang Pal, Gâd dukia dadaukra, Jisas Kraist apastilka sna, ba mita naha bîla ulbisna. Yang na witin mita ai blikan sa, Gâd mita bâk saki brin uplika nani kasak lukanka lâka ba hilp munaia; bara witin nani ba sin, Gâd ra luki kaia tânka kasak ba kakaira taki banhbia dukiara,

Hibru Nani 10:22

Baha mita, kaisa yawan wan kupia tânka kunin âpu bara kasak lukan lâka sin kasak pali brih, Gâd lamara waia; kan witin mita wan kupia nani ba klin daukan sa, yawan ba saurka dukiara pâtkira banhwisa lukbia apia dukiara, bara wan wîna tara nani ba lî tâski âpu ni sikban sa.

Hibru Nani 11:28

Kasak lukan lâka mita Moses ba Insal luan Yua Liliaka ba dauki, adar yan tala ba dur nani ra srikbi, prura insalka ba Israel luhpia nani luhpia tawahkia kumi ra sin ikbia apia dukiara.

Hibru Nani 12:24

Man nani lika Jisas lamara balram sa, witinka ba lâ raya daukan ba hilpka witin aimaki ba; witin ai tâlia laiki srikban ba ra sin, baha mita Abel tâlia ba purkara kau diara pain nani wan aisi ba.

Hibru Nani 5:9

Witinka ra aiska aihwa daukan kan ba ra, witin ba ban kaia ra swaki sakan lâka kârma laya takan, ai bîla wali dauki nani sut dukiara;

1 Pita 1:14

Luhpia kiama lihni nani baku bas, bara kau Gâd ra kakaira apia katma ba ra, brinka karna nani bri kapram ba, kli daukpara.

1 Pita 1:19

man nani ba Kraist tâlia manakira ni pri mai sakan, witinka sîp ai taya ra watawan âpu bara tâski sin âpu baku kan ba.

1 Pita 1:20

Kraist lika Gâd mita kau tasba paskras kan wina naha dukia mata bâk saki brin kata; kuna naha piua nani tnata ra, witin latan takan man nani painkam ba dukiara.

1 Pita 1:22

Nanara man nani, kasak tânka sturka ba bîla wali daukram ba mita, sulkam nani sunu daukram sa, wan muihni nani ra kasak pali kunin âpu latwan kaikaia dukiara. Baku bamna, pana pana walkam ra latwan kaikaia sma, kupiam aiska bara karnikam aiska ni sin.

1 Pita 2:9

Sakuna man nani sika kiamka kumi bâk saki brin ba, king prîska nani ba, nisan holikira kum, Gâd uplika nani pali. Bara baha ba baku sa, man nani bui Gâd warkka aihkakira nani ba saki aisama dukiara, witinka mita man nani tihmu tila wina saki, ai ingnika aihka painkira ra dimma wisi mai paiwan ba.

2 Pita 1:2

Yamnika manis pali bara kupia kumi lâka wal man nani brima, Gâd bara wan Dawan Jisas Kraist wal ra kakaira bara tânka brisma ba tâka ba mita.

2 Jan 1:1

Yang, serts almukka sna ba, Gâd mita bâk ai sakan; bara wan kristian daknika bâk sakan uplika nani sut ra laikula blikisna. Witin nani ra kasak pali latwan kaikisni, bara yang baman apia, kuna diara kasak tânka ba kakaira takan nani sut mita sin.

2 Jan 1:13

Muihkam luhpia nani, witinka nani ra Gâd mita bâk saki brin nani ba mita sin, ai lakula nani mai blikisa.

Judas 1:2

Bamna man nani lika yamni kaikan lâka, kupia kumi bara latwan lâka manis pali bri banhs.