1 Pita 1:17 - DAWAN BÎLA AISKA

¹⁷ Man nani bui Gâd ra puram sunisma ba ra, witin ra “Aisa” mâkisma, witinka upla mawan kulki kira lâ daukras ba, kumi bani dîa daukan ba kat lâka daukbia bamna; ba mita man nani naha tasba ra iwisma piua aiska ba, witin ra sibrinkira kaia sma.

1 Pita 1:17 ပူးပေါင်းရင်းမြစ်များ

Blasi Sturka 47:9

Jekob pana witin ra win: —Nanara pat 130 mani brisna, bara tasba kumi wina ban tasba wala kat impaki watauki ban sna. Ban mani ailal pali lika briras sna, sakuna piua saura nani baman brisna. Damiki nani ai rayaka yua nani ra iwan ba yua nani praiska kat sin kau alkras sna.

1 Kronikas 29:15

Yang nani na man mamwanra upla tringsar bara mai kakaira sin apia, wan aisika nani wal baku; naha tasba purara yang nani rayaki ba dista kum baku sa, bîla kaikanka âpu pali.

2 Kronikas 19:7

Bara Dawan ra kulkanka yas, bara sin damra wali banhwi bas dîa daukisma ba, kan Dawan wan Gâdka ba, lâ kat daukras nani ra yamni kaikras, pâtkira nani ra ban swin kabia apia.”

Job 34:19

Witin mita naha tasba wihtka nani mawan kulkras sa, yuyakira ba kau kulkras sa, umpira ba wal, kan witin mita sika sut ra paskan ba.

Lawana Nani 39:12

“Yang puri sunra wals, Dawan, ¡inanki ba kiamam pri tniki wals! ¡Baku sin yang naikra laya nani kaiki sâp kapara! Yang na man ra tringsar kum baku sna; piawira kum lui auya baku, damiki nani lui wan baku.

Lawana Nani 89:26

Bara witin ai wibia: ‘Man ba yang Aisiki sma, yang Dawanki, swaki ai sakisma bara kaini kahbisma sin.’

Sins Lâka 14:16

Upla sinskira lika saurka ra sibrin lukisa, bara saura ba wina mahka taki auya, sakuna sinskas ba mapara, diara kumi sin tânka tara aihwa ba âpu sa.

Sins Lâka 28:14

Yamni pali sa, Dawan sibrinka brih ban luki uplika ba, sakuna ai kupia karna dauki ba uplika lika trabil ra kauhi dimbia.

Jirimaya 3:19

“Israel, luki kaikri man ba luhpi waitna baku mai briaia bara tasba pain pali kum maikaia, tasba ra kuntri kum kau pranakira ba. Yang lukri ba man ai wima yang lika man aisikam bara yang laima wima kli taki wama apia.

Sofonías 3:9

“Baha yua ba balbia ba ra, upla nani ba kasakka tânka bîla nani baman aisaia daukamni, bara upla sut yang ra ai pura sunbia, upla sut kumi baku warkki daukbia.

Matiu 16:27

Kan Upla Luhpia Waitna ba ai Aisika prana ra ai insalka nani kira balbia ba ra, upla bani ra dîa daukan ba mana aibapbia.

Matiu 22:16

Bara ai uplika tila nani, Herod uplika nani kira blikan Jisas ra wiaia: —Smasmalkra, yang nani pain kaikisna man ba kasak kat aisisma, bara upla nani aisi ba kulkras Gâd yabalka ba kat kasak smalkisma, kan man ba upla mawanka ba kulkras sma bamna.

Matiu 6:9

Baha mita, man nani naku puram suns: ‘Yawan Aisa kasbrika purara sma ba, ninam ba holikira kulkan kabia.

Roman 11:20

Aitani, sakuna baha nani kasak lukras kan ba tâwan klaki sakan, bara man lika ban bâra sma kasak lukram ba mita. Baku bamna, man mamyunpara, sakuna sibrinka lâka ni bri bas.

2 Korint 1:2

Gâd yawan wan Aisa wina bara Dawan Jisas Kraist wina sin ai kupia yamni lâka ba, ai kupia kumi lâka ba man nani puramra laikbia.

2 Korint 5:6

Bahamna, piua bani ban baha kat, yang nani kupi mangki lukisna. Yawan kaikisa, wan wîna tara ra kau raya iwi ba piua ra, utla ba wina laihura banhwisa, wiaia kaka, yawan ba Dawan wal sin asla apia sa;

2 Korint 7:1

Baku bamna, muihki laitwankira nani, naha sika pramiska nani yang nani brisna ba. Bamna wan wîna bara wan spiritka sut ba tâski âpu klin bri kap; bara Gâd sibrinka ra, yawan na aiska holikira takaia sa.

2 Korint 7:11

Sarka lâka man nani wauhram ba lika, Gâd pain kaikan ba tânka kat sa; ¡bara nanara dîa baha wina takan ba kaiks! Diara briaia dukiara kupiam wilin sakan, bara dîa dauki banhram ba dukiara sin tânka aisaia; baha mita kupiam sauhki banhwan bara sibrin sin mai dingkan. Kuna ningkara man nani ai kaikan mai daukan, bara ridi pali kapram ya saura daukan ba klala yaia. Naha diara sut na tilara, man nani latan marikram pâtkira mai kulkaia tânka âpu sa.

Galesha 2:6

Sakuna baha tâ uplika nani baku kulkan kata ba mita, smalkanka raya kumi sin yang ra aikras; witin nani dîa ai tânka ba yang maipara diara apia, kan Gâd lika upla mawan kulki lâ daukras sa.

Epesus 1:17

Makabisni wan Dawan Jisas Kraist Gâdka ra, Aisa pranakira ba, witin mita sins lâka spiritka maikbia, bara sip kama witin param takan ba tânka pain kaikaia, bara witin ra sin kau kakaira kaia.

Epesus 3:14

Baha tâwan Aisa mawanra luli krikisna,

Epesus 6:9

Bara man nani, alba dawanka nani sma ba, trai kaiks baha sim natka ra albikam nani ba yarka warkkam dauki kaia, taiban lâka âpu kira. Kupiam krauki bas, man nani wih alba nani wal Dawankam kasbrika purara ba mihta ra sma, bara witin lika upla kumi ba upla wala wal aihka baku kulkras sa.

Kli Smalkanka 10:17

kan Dawan man nani Gâdkam ba, Gâd nani gâdka sa, bara Dawan nani dawanka sa. Witin lika Gâd kum ai karnika ba silp brisa, karnakira, sibrinkira pali sa, upla mawanka kulkras, prisant mana sin sip atki briras;

Pilipai 2:12

Baku bamna, muihki laitwankira nani, piu bani man nani wal kapri bara bîli kat wali dauki kapram ba baku, nanara laihura sna ba ra, kau bîli wali dauki banhwi bas. Ban Dawan warkka taki bas, bawikira lâka brih bara sibrinkira sin, swaki mai sakan lâka briaia dukiara;

Kolosi 3:25

Sakuna ya saura daukisa kaka, ai saurka lâka mana ba bribia, kan Gâd lika upla kumi ba upla wala wal aihka kulkras sa.

Hibru Nani 12:28

Gâd king aimaki lâka wanki ba lika sip nikbras sa. Baku bamna, kaisa yawan tingki wiaia, bara Gâd ra wan pura suni mayunaia witin brin dauki natka ba kat, wan sulka mayunra ni bara kulkanka ba ni sin;

Hibru Nani 4:1

Baku bamna, Gâd yawan ra pramis wan munan ba witin ai riska ra dimaia, wan dara wali kaia sa, ban man nani tilam wina kumi kra sip dimras kabia dukiara.

1 Pita 2:11

Laitwankira nani, man nani ra bik takisna, man nani naha tasba ra impapakra tringsar nani baku, wan wîna brinka nani wan sulka mapara aiklabi ba, dauki banhpara.

1 Pita 3:15

kuna kupiam nani ra Kraist ra Dawan kulki bas. Piu sut ridi bas, man nani diara bîla kaikanka brisma ba, ya ya mita tânka ba mamkabi walbia kaka, klir pali saki wiaia; sakuna baha ba bawikira bara kulkan lâka dauki bas.