1 Pita 1:1 - DAWAN BÎLA AISKA

¹ Yang Pita, Jisas Kraist apastilka, naha wauhkataya ulbisna baha nani ai tasbaya ra iwras, tasba wala nani ra wi ba, Ponto, Galesha, Capadocia, Asia bara Bitinia tasbaya nani ra aihka aihka iwi nani ba ra.

1 Pita 1:1 ပူးပေါင်းရင်းမြစ်များ

Ester 3:8

Bara Amán bui king Asuero ra win: —Tawan kumi bâra sa, man king tara tasbayam aiska ra dakwi tawi iwisa; bara ai lâka nani ba sin aihka sa, tawan uplika nani lâka ba wal. Baha purkara sin, king tara lâka nani ba sin kulkras sa, bara baku swika raya kaia ba king tara mapara aitani apia sa.

Lawana Nani 44:11

Sîp nani baku, sîp âikra nani mihta ra wan mangkram; idan nani tilara sin wan yakabram.

Isikiel 6:8

Sakuna yang daukamna man nani kum kum lika baha nani tila wina raya kaia, sakuna mai yakaban kaia nisan nani tilara.

Libait Lâka 26:33

Man nani ra yakabrira mai daukamni, nisan wala nani tilara, sord ba taya wina saki ninam blikamni; tawankam ba upla iwras tasbaya daukamni, bara tawankam nani ba kriwi tiwan kabia.

Matiu 10:2

Naha sika apastil 12 ba nina: Pas ba Saiman, ai nina wala Pita, bara ai muihni Andru; Jems ai muihnika Jan wal, witinka nani Sebedi luhpia;

Matiu 24:22

Bara Gâd baha piua prahni daukras kaka, upla kumi sin swaki sakan kabia apia; sakuna witin bâk sakan nani ba latwanka ra prahni daukbia.

Matiu 4:18

Jisas Galili lakunka unku wapi kan bara waitna wâl kaikan baha nani ai muihni kan; kum nina ba Saiman, ai nina wala Pita, bara wala ba lika Andru. Witin nani inska âialkra kan, bara ai iliska ba liura lulki kan.

Luk 18:7

¿Ban kra lukisma Gâd bui ai uplika nani bâk saki brin ba, kakna bara tihmia witin ra wini banhwi ba wapnika daukbia apia? ¿Hilp munaia ba wina wihka takaskbia lukisma ki?

Jan 11:52

bara Ju nani nisanka tâwan baman apia, sakuna Gâd luhpia nani laihura yakaban nani ba sut asla daukaia mata sin.

Jan 7:35

Bamna Ju nani pana pana tawi makabi wali kan: —¿Naha na anira waisa ki, sip wal prawras kabia wi ba? ¿Apia kaka Ju nani ra waisa, tringsar nani tilara yakabrira iwi ba ra, idan nani ra smalkaisa?

Apastil Nani Sturka 18:2

Bahara witin Ju waitna kum wal prawan, ai nina Áquila kata; witin ba Ponto tasbaya ra aisubi takan. Áquila lika ai maya wal bisi pali Italia kuntrika wina balan kata, kan king Claudio mita Ju nani sut Rom tawanka wina kangbi sakan kan bamna, witin nani sin baha wina takan. Bara Pal wan witin nani ba kaikaia.

Apastil Nani Sturka 18:23

Bahara yu tila nani luan, ningkara kli taki impakan plis wala nani ra, Galesha ra bara Frigia ra sin; bahara iwi kristian nani sut tâ baiki kan.

Apastil Nani Sturka 19:10

Baha ba dauki kan mani wâl prais, bara Asia tasbaya ra iwi nani ba sut Dawan Jisas sturka ba walan, Ju nani bara Ju apia nani sin.

Apastil Nani Sturka 6:9

Prias watla uplika nani tila, nina alba kan pri takan nani mâki ba, Cirene wina nani ba sin, Alejandría wina bara Cilicia tasbaya wina bara Asia kuntrika wina nani ba sin, witin nani mahka Stiben wal blahwi kan.

Apastil Nani Sturka 8:4

Lalukra nani plis plis ra plapan ba mita ani anira wan ba ra swaki sakan sturka yamni ba smalki kan.

1 Korint 16:19

Asia tasbaya sertska nani man nani ra ai lakula mai blikisa. Áquila bara Priscila wal, bara witin nani watla ra daknika asla taki ba mita sin, kristian lakula uya mai blikuya.

2 Korint 1:8

Muihki nani, brinki sa man nani kaiki kama, nahki pât nani Asia ra yang wauhri ba. Baha lika trabil tara pali kan, wan karnika âpu praiska wan daukan kan, bara ban sin yang nani lukri, yang nani ba raya kamna apia.

Galesha 1:2

Bamna yang, bara wan muihni nani yang wal nani ba mita sin, naha wauhkataya na ulbisna, Galesha tasbaya ra serts nani bâra ba sut ra.

Epesus 2:12

Baha piua man nani ba Kraist luha katma, Israel nisanka wina laihura kapram, bara Gâd bui Israel nisanka wal lâ nani bara pramis daukan ba sin kakaira apia katma. Naha tasba ra diara kumi sin kainamra bîla kaikras, Gâd sin luha iwi nani katma.

Epesus 2:19

Baha mita, man nani lika upla tringsar nani ai tasbaya pali ra iwras ba sâtka lika apia, sakuna man nani sut lika Gâd uplika nani wal aikuki sim kuntrika uplika nani sma. Man nani ba Gâd watla suliarka nani sma.

Kli Smalkanka 28:64

Dawan mita nisan bani tilara yakabi mai lakbia, tasba tâ kum wina tâ wala ba kat; bahara upla wala nani gâdka, dus ni bara walpa ni paskan ba ra mayuni kama, man nani sin apia bara damikam nani sin kaikras kan ba gâdka ra.

Kli Smalkanka 32:26

“Yang luki kaikri kan laihura yakabi swiaia, bara naha tasba lukanka wina sin diki sakaia.

Kli Smalkanka 4:27

Dawan mita kiamka wala nani tilara mai yakabia, bara man tilam wina kulki baman raya kabia.

2 Timoti 1:15

Man kaikisma Asia tasbaya ra iwi nani ba sut ai swih plapan; baha nani tilara Figelo bara Hermógenes sin.

Hibru Nani 11:13

Witin nani sut Gâd mita diara nani pramis munan kan ba briras ban prui banhwan; sakuna kasak lukan lâka bri nani kan bamna, dukia nani ba laih wina kaikan, bara kasak luki, ai âuyapah pali lakula win. Baku ai tânka ba latan saki aisi kan, witin nani ba naha tasba ra tringsar nani bara impapakra nani kan ba.

Jems 1:1

Yang, Jems, Gâd bara Dawan Jisas Kraist dukia dadaukra, Israel kiamka 12 tasba aiska ra yakaban nani ra lakula wisna.

1 Pita 2:11

Laitwankira nani, man nani ra bik takisna, man nani naha tasba ra impapakra tringsar nani baku, wan wîna brinka nani wan sulka mapara aiklabi ba, dauki banhpara.

2 Pita 1:1

Yang Saiman, Pita, Jisas Kraist dukia dadaukrika bara apastilka sna. Naha wauhkataya man nani ra mai ulbisna, man nani kasak lukan lâka manakira ba alki bri banhram sa, yang nani brisna baku, kan wan Gâdka bara wan Sasakra Jisas Kraist ba, kasakkira sa bamna.

Param Marikanka 1:11

bara yang ra ai win: “Dîa dîa kaikma ba sut wauhtaya kum ra uls, bara 7 serts Asia ra ba ra blîks, baha ba naha nani sa: Epesus, Esmirna, Pergamum, Tiatira, Sardes, Filadelfia, bara Leodisia.”