1 Kronikas 5:20 - DAWAN BÎLA AISKA

²⁰ sakuna witin nani ra Dawan bui tâ baikan bamna, Agar uplika nani bara dakni nani kum kum Agar uplika wal asla takan kan nani ba sut ai mihta ra kauhan, kan war aiklabi kan piua ra witin nani Dawan ra makaban ai tâ baikbia dukiara, bara Dawan bui tâ baikan, witin nani Dawan ra kasak lukan ba mita.

1 Kronikas 5:20 ပူးပေါင်းရင်းမြစ်များ

Blasi Sturka 25:21

Rebeca ba biarapara sip luhpa baikras kan, bara Aisak ai maya dukiara Dawan ra ai pura sunan. Ai pura sunan ba Dawan walan bara Rebeca kwihra tiwan.

Blasi Sturka 49:19

“War aiklaklabra daknika kum bal aiklabi Gad pura lubia, sakuna witin pana aiklabi kli pura lui nina bliki wabia.

1 King Nani 22:32

War waginka kiaptinka nani Josafat kaikan ba ra, witin nani lukan Josafat ba Israel kingka, bara kutbi brin mahka aiklabaia. Ban sakuna Josafat hilp makabi ai pura winan,

1 Kronikas 5:21

Ningkara ai waihla nani daiwra nani ba brih wan, baha lika 50,000 kiamil nani, 250,000 sîp nani bara 2,000 biriku nani. Baha purkara, silak ra alki brih wan ba asla lika 100,000 upla nani kata.

1 Kronikas 5:22

Waihla nani ailal pali pruan kan, baha warkka ba Dawan wina kan ba mita. Bara bahara takaski iwi banhwan, alki brih wan piua ba kat.

2 Kronikas 13:18

Baku Israel luhpia nani ba, kasak umpira yaban takan baha piua ra, sakuna Juda uplika nani lika karna pali ai dara wali kata, kan Dawan ra kasak lukan ba mita, ai almukka nani Gâdka ba.

2 Kronikas 18:31

Bara war waginka lalka nani bui Josafat ba kaikan ba ra, lukan kasak pali baha sika Israel kingka, bara kutbi brin witin mapara aidrubi wih aiklabaia dukiara. Bamna Josafat ai pura winan hilp makabi, bara Dawan bui tâ baikan. Gâd bui baha nani ba ai tnaya wina sakan,

2 Kronikas 20:12

Wan Gâdka, ¿witin nani ra klala yaras ki? Kan yang nani karnika luha sni, baha nani suldiar kwâra tara bri ba mapara aiklabaia. ¡Yang nani daihra walras dîa daukaia; baha mita wan nakra man kat mai kaiki banhwisna!”

2 Kronikas 26:7

Dawan hilp munan filisteo nani mapara buaia, bara Arabia wina nani Gur-baal ra iwi kan ba bara meunita nani mapara sin.

2 Kronikas 33:13

Ai pura sunan bara Dawan walan ai makabanka ba bara kli Jerusalem ra yan balan, bara Manasés tânka brin ya ba Dawan Gâd sa.

Esdras 8:23

Bamna yawan plun piras baha sut ba dukiara, Gâd ra wan pura sunaia, bara witin ai yamnika wankbia.

Lawana Nani 37:39

Sakuna, kasakkira nani swaki sakaia ba, Dawan hilpka wina aula sa; trabil yua ra Dawan ba witin nani ai yukuwaika watla takisa.

Lawana Nani 37:40

Dawan bui witin nani ra tâ baikisa plapi swakwaia. Watawikira nani wina witin baha nani pri saki, swaki sakisa, kan baha nani witin wina ai kan kahbaia plikan bamna.

Lawana Nani 46:1

Dawan ba sika wan yukuwaika bara wan karnika sin; wan hilpka sa yawan pât bri ba piua ra.

Lawana Nani 9:10

Dawan, man mai kakaira nani ba, man ra kasak lukisa, mai pliki uplika nani ra, lulki swiras sma.

Impakan Sturka 17:11

Moses ai klahkla ba buki bri kan ba ra, Israel luhpia nani mita Amalec uplika nani ra pura lui kan. Sakuna Moses ai klahkla ba mâyara ikan ba ra, Amalec uplika nani ba mita Israel luhpia nani ra pura lui kan.

Sins Lâka 29:25

Upla ra uya sibrin briaia ba wan mina alkaia kiwka wan mangkisa, sakuna Dawan ra luki tniwi uplika ba laih purara bukan kabia.

Jirimaya 39:18

Mai ikaia luki nani ba mihta wina swaki mai sakamna. Pruras swak takma, man ba yang ra kasak lukram bamna. Yang, Dawan, kasak aisisna.’ ”

Daniel 6:23

Bamna king ba lilia pali takan, bara win Daniel ba layan nani watla wina sâkbia. Witin nani sakan, bara kaikan Daniel wîna ra insauhkan lupia kumi sin âpu kata, kan witin ai Gâdka ra kasak luki kan ba mita.

Nahum 1:7

Dawan ba yamni sa; pât bri uplika nani yukuwaika watla kum sa; witin ra luki uplika nani ba kan kahbisa.

Epesus 1:12

Witin baku daukan, baha mita yang nani pas tâura Kraist ra luki kainira diara briaia lukri ba, raya banhwi kamna Gâd ai prana tara ba tâwan mayunan kabia dukiara.

Jasua 10:14

Kainara bara ningkara sin baha yua baku âpu kata, Dawan upla kumi bîla baikra walan ba, kan Dawan ba Israel tâwan aiklabi kata.

Jasua 23:10

Man nani tilam wina upla kumi bui 1,000 nani sip kan yaka plapaia, kan Dawan Gad man nani tâmwan aiklaban, witin dîa pramis mai munan baku.

1 Samuil 19:15

Sakuna Saúl ai waitnika nani ba kli blikan wan Debit pliki, bara naha adarka witin nani ra yan: —¡Krikri ra kabia sin, sakuna baha wina saki yang ra bri bal, ikaia dukiara!

1 Samuil 7:12

Baha ningkara Samuil walpa tara kum brin, bara mark kum kaia mangkan Mispá bara Sen wal bilka ra, bara nina ba Eben-ézer mâkata, kan witin bila: “Nanara kat Dawan hilp wan munan sa.”