1 Kronikas 4:10 - DAWAN BÎLA AISKA

¹⁰ Jabés Dawan ra ai pura suni, naku win: “Mamkabisna yamni ai munma bara sin tasba pîs tara kum aikma, hilp ai muns bara saura wina swaki ai sâks, baku mika yang pât wahwamna apia.” Bara dîa makaban ba kat Dawan bui yan.

1 Kronikas 4:10 ပူးပေါင်းရင်းမြစ်များ

Blasi Sturka 12:2

Bara man kiamkam wina yang nisan tara kum daukamni, yamni mai munamni, ninam tara daukamna, man ba yamnika kum kama upla wala nani dukiara.

Blasi Sturka 12:8

Baha wina bahara wiria takaski si kli impakan, Betel ilka untika lalmika tani ra wan; bahara ai tintka watla bapan. Betel ba muna tani ra tawan, Ai tawanka ba lalma tani ra. Baha wal lila kat altar wala kum paskan, bahara witin Dawan nina mâki ai pura sunan.

Blasi Sturka 28:20

Bara Jekob naku pramis dauki aisin: “Âu, nanara Gâd ba yang wal impakanki ra wabia kaka, witin yabalki ra main ai kaiki ai bri wabia kaka, bara plun piaia, kwala dimaia sin aikbia kaka,

Blasi Sturka 28:21

bara siknis âpu pain kli aisiki watla ra tawi balamna kaka, bâra mika Dawan ba yang Gâdki kabia.

Blasi Sturka 32:26

Bara waitnika bui witin ra win: —Ai swis, pat lalma kahban bamna. Sakuna Jekob pana witin ra win: —Yang mai swimna apia, man yamnikam aikras sma kaka.

Blasi Sturka 32:27

Waitna ba witin ra makabi walan: —¿Man ninam ba dîa? Jekob pana win: —Yang nini Jekob.

Blasi Sturka 32:28

—Ninam Jekob ba, ban baku mâki kabia apia. Nanara wina man ninam ba Israel mâkan kabia, kan Gâd wal bara upla wal sin aitwaki man ban pura luram bamna.

Blasi Sturka 33:20

Baha ningkara witin bahara altar kum sin paskan, altarka nina ba “Gâd ba Israel Gâdka” mâkan.

Blasi Sturka 48:16

bara insalka diara saura nani sut yang ra aula ba wina swaki ai saki ba, witin nani ba mita naha tukta nani ra yamni munbia. Tukta nani na tâka mita yang nini ba upla sut kau ban luki kabia, yang aisiki nani Ebraham, Aisak nina ba sin, witin nani ai luhpia nani ailal bribia bara tasba ra daknika tara nani takbia.”

1 Kronikas 16:8

“¡Dawan ra tingki wi banhs! ¡Ai nina mâki wins! Ai uplika nani ra yas kaikbia ai warkka nani ba.

1 Kronikas 4:11

Quelub, Suhá muihnika ba, Mehír aisika kan; Mehír ba Estón aisika kan;

1 Kronikas 4:9

Upla nani bui Jabés ra kau kulkanka lâka yabi kan muihnika nani ba wal, baha mita yaptika bui nina Jabés mâkata, kan witin bila: “Kasak pali latwan uya wauhri ba mita witin ba baiki sakri.”

Job 12:4

Yang na pâtkas sunu sna sakuna, piua wala ra Gâd makabanki nani ba wali kan, upliki nani mita lika laiwaska kikisa.

Lawana Nani 119:173

Man mihtam ba mahka hilp ai munbia, man wan smalkram lâka nani bâk sakri bamna.

Lawana Nani 121:7

Dawan diara saura sut wina yamni mai bri kabia; man rayakam sin witin kaina kahbisa.

Lawana Nani 145:19

Witin ra luki banhwi ba brinka kat, witin daukbia: witin nani wini yaba sin walbia, bara swaki sâkbia.

Lawana Nani 21:4

Ai rayaka man wina makaban, witin ra yaram, rayaka yari kaia ban kaia ra sin.

Lawana Nani 51:12

Aikrika kli âiyapah takamni swaki ai sakram liliaka ra; spiritkam kunin âpu ba ni ai alki bas,

Lawana Nani 51:8

Âuyapah bara lilia lâka wal ai banhs; kli lilia lâka ra kupi ba raya dauks, kan kupi ba krikram sa.

Lawana Nani 55:16

Yang lika Gâd ra winamni; bara Dawan ba swaki ai sâkbia.

Lawana Nani 65:2

Bamna pura sunra ba walisma. Tasba aiska ba man ra aula.

Lawana Nani 72:17

¡King nina ba ban kaia ra ban bâra kabia! ¡Ai sturka ba wan yu ingnika baku kabia! Nisan nani sut tasba aiska ra ba witin wina yamnika bribia. Bara nisan nani sut ba wibia lilia pali sa.

Lawana Nani 99:6

Moses bara Eran wal, ai prîska nani tilara sa, Samuil lika nina mayuni ba tilara sa. Dawan wali kan witin nani hilp pliki makabi kan piua ra.

Sins Lâka 10:22

Dawan yamni wan muni ba yuyakira wan sakisa; witin wal aikuki, sari lâka prakras sa.

Sins Lâka 30:8

bahki lâka wihki kunin aisi bîla ba wal yang wina laihura saki brih was, bara umpira kaia sapa, lalahkira kaia sapa, wâlsut aikpara; yang pati yu bani briaia praiska ba kat baman aik.

Aiseya 41:10

Si bripara, kan yang lika man wal sna; dring prupara, kan yang lika man Gâdkam sna. Karna mai daukisna, piua bani hilp mai munamna. Piu bani tâm baikamna mihti aihkika pura luan lâka bri ba wal.

Aiseya 41:17

“Kupia kriwan umpira nani ba, lî plikisa, sakuna sip lî sakras. Diran daukan man ai twisa nani ba sut lâwan sa; sakuna yang, Dawan ba witin nani ra walamni, yang lika Israel Gâdka lulki swimna apia.

Jirimaya 33:3

Yang ra ai wins bara pana mai aisamna, diara tânka tara nani dahra prakan tânka nani ba, man tânka briras sma ba mamrikamni.

Matiu 26:75

Bâra mika Jisas win ba ai kupia tanh krawan: ‘Kau kalila aiwanras kaka, aima yumhpa yang ra ai kaikras wima.’ Bara Pita baha wina taki, sari pali inan.

Matiu 6:13

Traika kaikan tilara ban wan swipara, sakuna saura ba wina dakbi wan sâks.’

Luk 19:42

naku win: “Man kaikram kata, naiwa piua kupia kumi lâka dukiara dîa pali want sma ba; sakuna nanara baha sut ba yukukan sa, bara man sip kaikras.

Jan 10:28

Yang baha nani ra raya ban kaia lâka ba yabisni, bamna witin nani sin prubia apia ban kaia ra raya kabia, baku bamna upla kumi sin âpu sa baha nani ba mihti wina dakbi briaia.

Jan 21:17

Jisas aima yumhpa ra kli makabi walan: —Saiman, Jan luhpia, ¿man latwan ai kaikisma ki? Pita naha kat sari takan, kan Jisas naha kat aima yumhpa witin ra latwan kaiki sapa makabi walan bamna. Baku mika Saiman win: —Dawan, man diara nani sut ba kaikisma, bamna man kaikisma yang bui man ra latwan sna ba. Jisas bila: —Baku sa kaka, sîpki nani ba plun dakaks.

Apastil Nani Sturka 3:26

Bamna Gâd ai Luhpia Jisas pruan wina kli bukan ba ra, witin ba man nani ra pas blikan man nani ra yamni mai munaia, man nani kumi bani saurkam nani ba swiaia bara kupiam lakaia.”

Roman 12:9

Latwan kaiks kasak tânka ra wal pana pana. Saura lâka ba misbara kaiks, kuna diara pain ba nina blîks.

Roman 16:19

Upla sut kaikisa man nani nahki bîla pain wali daukram; baha ba mita yang uya lilia sna. Bamna yang brin ai daukisa man nani ba diara pain daukaia ridi taki kama, kuna diara saura daukaia lika apia.

1 Korint 1:2

Korint tawanka ra wan muihni nani, Gâd sertska uplika nani ba ra ulbisna, witinka nani Kraist Jisas wal asla ba mita Gâd uplika holi takan ba. Gâd bui man nani ba holikira nani kaia mai paiwan sa, ani anira wan Dawan Jisas Kraist nina mâki, witin ra wini uplika nani ba aikuki, witinka lika baha nani Dawanka bara yawan Dawanka sin ba.

Epesus 1:3

Wan Dawan Jisas Kraist Aisika bara Gâd ba sin, witin ra mayunpi, kan yawan Kraist wal asla takan ba ra, witin bui Spirit yamnika sât sât ni yamni wan munan kasbrika pura tasbaya nani ra.

Epesus 3:20

Bara Gâd ra mayunan kabia, witin lika sip pali sa yawan dîa makabia ba bara wan kupia ra luki ba sut kau pura luki daukaia, ai karnika yawan ra wark dauki ba ni.

Epesus 4:30

Gâd Spiritka Holikira ba sarka paskpara, kan man nani aihka saki mai muni baha sim Spiritka Holikira ni, Gâd dukia kaia wisi sîl mai mangkan sa, aiska mai swaki sakan kaia yua witin maikbia ba kat.

2 Timoti 4:18

bara witin sin saurka sut wina dakbi ai sâkbia bara kasbrika purara ba ai kingka lâka bara swaki ai saki ai brih wabia. ¡Witin ra prana ba yaban kabia, ban kaia ban kaia ra! Baku kabia.

Param Marikanka 3:19

Yang lika latwan kaikisna bara uplika sut ra lawi daukisni, wapni sin daukisna. Baku bamna, man kasak bas bara kupiam sin laks.

1 Samuil 1:17

Elí pana aisi, win: —Kupiam kumi was; man makabram ba sut Israel Gâdka mita maikbia.

1 Samuil 1:20

Bara baku Ana kwihra tiwan, piua aimakan kat ai luhpia waitna kum brin, bara nina ba Samuil mâkata, kan witin mita Dawan ra makaban kata.

1 Samuil 1:26

Bara Ana bui win: —Padin ai muns, dawanki, sakuna man kau ban raya sma ba baku, yang aisisna ba kasak pali sa, yang sika baha mairka nahara Dawan ra puri suni katna ba man lamamra.

1 Samuil 1:27

Dawan ra makabri luhpa waitna kum aikaia, bara witin bui yang ra naha aikan.