1 Kronikas 3:15 - DAWAN BÎLA AISKA

¹⁵ Josías luhpia nani ba naha nani kata: Tawahkia ba, Johanán; ningkara ba, Joaquim; yumhpika ba, Sedequías; bara walhwalka ba, Salum.

1 Kronikas 3:15 ပူးပေါင်းရင်းမြစ်များ

2 King Nani 23:31

Joacaz ba king aimakan piua ra 23 mani bri kan, bara Jerusalem ra kati yumhpa king aimakan. Ai yaptika nani ba Hamutal mâki kan, witin ba Jirimaya Libná wina kata ba luhpia mairin.

2 King Nani 23:34

Baha purkara, king fero Necao ba mita Josías watlika ra, Eliaquim ba king mangkan ai aisika watlika ra. Bara ai nina ba Joaquim mâkan, bara Joacaz ba lika Idsip ra brih wan bâra ban pruan.

2 King Nani 24:17

Bara Babilon kingka ba mita Joaquín watlika ra, ai tubani Matanías ba king mangkan, bara ai nina kata ba Sedequías mâkan.

1 Kronikas 3:16

Joaquim luhpia nani ba Jeconías bara Sedequías kata.

2 Kronikas 36:1

Tawan uplika nani ba Joacaz, Josías luhpia ba brih Jerusalem ra king mangkan ai aisika watlika ra.

2 Kronikas 36:10

Bara mani tara bal diman ba piua ra, king Nabucodonosor mita adar yaban Babilon ra brih wabia, Dawan tempelka ra diara nani yus muni dukia nani kau manakira nani ba wal, bara Sedequías ba Juda bara Jerusalem kingka mangkan, witin Joaquín taika kan ba.

Jirimaya 1:3

Baku sin Josías luhpia waitna Joaquim Juda kingka kan ba piua ra sin Dawan bui witin ra aisin, bara baku ban aisi kan Sedequías Josías lupia waitna ba 11 mani Juda kingka aimaki kan piua ba kat; bamna wibia kaka baha manka ra kati 5 aimakan ba katka ra sika Jerusalem uplika nani ba priski tasba wala ra brih wan ba.

Jirimaya 22:18

Bamna Dawan Joaquim, Josías luhpia waitna Juda kingka ba dahra aisisa: “Witin prubia ba sarka inaia upla âpu kabia. Upla kumi sin âpu kabia pura mata ini aisaia: ‘¡Alai, muihki! ¡Alai, laikra! ¡Alai, Dawan! ¡Alai, king tara!’

Jirimaya 24:8

“Sakuna Sedequías, Juda kingka ra, wihta tara nani bara Jerusalem uplika nani ra, baha kuntrika ra takaski, Idsip ra iwan ba ra lika kwah mâ aisawan ra kaiki baku kaikamna, saura bri bara piaia sin sip apia ba baku.

Jirimaya 26:1

Joaquim, Josías luhpia waitna ba Juda ra king mangkan ba ra, Dawan Jirimaya ra aisin

Jirimaya 37:1

Nabucodonosor, Babilon kingka ba mita, Sedequías, Josías luhpia waitna ba Juda kingka baku mangkan, Jeconías, Joaquim luhpia waitna ba watlika ra.