1 Kronikas 29:16 - DAWAN BÎLA AISKA

¹⁶ “Bamna Dawan, wan Gâdka, naha diara ailalka yang nani asla daukri na man wina baman sa, baha dukia nani wal yang nani tempel kum man ninam ra daukaia dukiara nâra banhwisni; baha sut ba man wina sa bara man dukiam sa, bara man ninam ra tempel ba mâkbia.

1 Kronikas 29:16 ပူးပေါင်းရင်းမြစ်များ

1 Kronikas 29:14

¿kan yang na ya, bara upliki nani ba sin ya kan, baku sip kan ba man ra ai kupia aiska ni diara maikaia? Bamna diara sut ba man dukiam sa, man wina dîa wankram ba wina man ra maiki banhwisna.

1 Kronikas 29:15

Yang nani na man mamwanra upla tringsar bara mai kakaira sin apia, wan aisika nani wal baku; naha tasba purara yang nani rayaki ba dista kum baku sa, bîla kaikanka âpu pali.

1 Kronikas 29:17

Dawanki, yang kaikisna man upla kupia tânka pliki kakaira sma, bara kupia wapnikira ba man yamni kaikisma; baha mita yang kupi wapnikira ni naha diara nani na maikri sa, bara nanara man uplikam nani nahara asla taki banhwan na, liliakira pali wal diara maikan sa.

2 Kronikas 31:10

bara Azarías prîs tara ba, Sadoc taika wina ba, witin aisin: “Dawan tempelka ra prisantka nani bri balan ba wina, yawan plun piaia aitani brisa, kau manis pura takaskisa; kan Dawan bui ai uplika nani ra yamni munan bamna.”

Lawana Nani 24:1

Tasba aiska na Dawan tasbaya sa, diara bilara bâra ba sin; tasba ra diara nani ai rayaka bri ba sin sut.

Oseas 2:8

“Sakuna witin aisaras kan yang wina plawar, wain, batana laya yabi kapri; yang sika silbar, gul ailal yabi kapri ba, witin baha brih, ai gâdka bahki nani lilka paski kan ba.

Hageo 2:8

“Silbar bara gul ba sut yang duki sa.

Luk 19:16

Pas ba bal, naku win: ‘Kingki, man lalahkam lika kau aima matawalsip prais pura sakri sa.’