1 Kronikas 29:15 - DAWAN BÎLA AISKA

¹⁵ Yang nani na man mamwanra upla tringsar bara mai kakaira sin apia, wan aisika nani wal baku; naha tasba purara yang nani rayaki ba dista kum baku sa, bîla kaikanka âpu pali.

1 Kronikas 29:15 ပူးပေါင်းရင်းမြစ်များ

Blasi Sturka 21:34

Bara Ebraham piu wihka filisteo nani tasbaya ra iwan.

Blasi Sturka 23:4

—Yang na tringsar impapakra kum, man nani tilamra nâra iwisna, ban sakuna man nani bui yang ra tasba pîs kum ai atks mayi bikaia dukiara.

Blasi Sturka 28:4

Bara Ebraham ra yamnika yabaia win yamnika ba, man ra bara kiamkam nani sut ra maikbia. Naha tasbaya nanara man nâra iwisma na, nanara lika tringsar baku iwisma na, man nani tasbaya na dawanka nani kama. Kan witin Ebraham ra baku yabaia pramis win bamna.”

Blasi Sturka 36:7

Witin nani wâlsut ba ai yuyaka ailal bri kan bamna, bahara tasba sirpi ra aikuki asla iwi kaia sip apia kan. Baha purkara, twi ailal âpu kan daiwan nani sut pata pain yabaia.

Blasi Sturka 47:9

Jekob pana witin ra win: —Nanara pat 130 mani brisna, bara tasba kumi wina ban tasba wala kat impaki watauki ban sna. Ban mani ailal pali lika briras sna, sakuna piua saura nani baman brisna. Damiki nani ai rayaka yua nani ra iwan ba yua nani praiska kat sin kau alkras sna.

1 Kronikas 29:14

¿kan yang na ya, bara upliki nani ba sin ya kan, baku sip kan ba man ra ai kupia aiska ni diara maikaia? Bamna diara sut ba man dukiam sa, man wina dîa wankram ba wina man ra maiki banhwisna.

1 Kronikas 29:16

“Bamna Dawan, wan Gâdka, naha diara ailalka yang nani asla daukri na man wina baman sa, baha dukia nani wal yang nani tempel kum man ninam ra daukaia dukiara nâra banhwisni; baha sut ba man wina sa bara man dukiam sa, bara man ninam ra tempel ba mâkbia.

Job 14:10

Ban sakuna, upla ba lika prura saika âpu ban pruisa, pruya ba ra, ¿anira auya?

Job 14:2

Upla ba tangni kumi baiwi, ai prana saki si kli srawi ba baku sa; mukus kum bal taki si kli âpu taki ba baku sa.

Job 8:9

Yawan nani lika nahwala uplika sa, bara diara tânka briras; wan yua nani na tasba ra lui auya dista kumi baku.

Lawana Nani 102:11

Yui nani ba dista kum baku lui wata; twi baku lâwi luan sa.

Lawana Nani 119:19

Yang na tringsar kum sni naha tasba ra; man lâmka bîla nani ba, yang wina yukukpara.

Lawana Nani 144:4

Upla ba wan wingka puhbra kumi baku sa; upla raya ba dista kumi baku lui auya sa.

Lawana Nani 39:12

“Yang puri sunra wals, Dawan, ¡inanki ba kiamam pri tniki wals! ¡Baku sin yang naikra laya nani kaiki sâp kapara! Yang na man ra tringsar kum baku sna; piawira kum lui auya baku, damiki nani lui wan baku.

Lawana Nani 39:13

Ai kaiki kapara, ai swis wiria lupia wingki puhbamna, kau pruras raya sna ba ra.”

Lawana Nani 90:9

Kasak sa, wan rayaka nani sut ba lui auya, man lawankam ba mita; wan manka nani ba sin lui auya, wingka puhbra kum baku.

Smasmalkra 6:12

Ya kaikisa, dîa kau yamni kabia upla ba dukiara, ai yua bahki nani kulki baman bri ba tilara, baha ba wan rayaka sa. Ai yua nani ba dista baku lui auya, ¿ya sip sa wiaia, naha tasba ra witin prubia ningkara diara takaia ba?

Libait Lâka 25:23

“Tasba atki uplika ba lukbia, tasbaya ba ban kaia ra witin ai dukia kabia. Man nani tasbaya ba ra wapi taukaia baman kama man wamtla ra baku.

Jems 4:14

sakuna man nani kaikras sma yauhka ba dîa takbia sapa. ¿Bara upla rayaka ba, dîa sa ki? Mukus kum wiria man taki si, ba wina lap tiwi ba baku sa.

1 Pita 2:11

Laitwankira nani, man nani ra bik takisna, man nani naha tasba ra impapakra tringsar nani baku, wan wîna brinka nani wan sulka mapara aiklabi ba, dauki banhpara.