1 Kronikas 29:14 - DAWAN BÎLA AISKA

¹⁴ ¿kan yang na ya, bara upliki nani ba sin ya kan, baku sip kan ba man ra ai kupia aiska ni diara maikaia? Bamna diara sut ba man dukiam sa, man wina dîa wankram ba wina man ra maiki banhwisna.

1 Kronikas 29:14 ပူးပေါင်းရင်းမြစ်များ

Blasi Sturka 28:22

Naha walpaya playa bapanka kum bapi swisna na, naha na Gâd watla kabia; bara diara nani sut aikisma ba wina, mânka matawalsip bani ba wina, mânka kumi ba man ra maiki kamna piua sut ra.”

Blasi Sturka 32:10

Kupiam yamnika, kupiam pihni lâka nani sut man bui yang ra daukram ba, baha yamnika nani ba yang briaia aitani apia sna. Jordan awala na yang lui wari, bara brih waia dus kumi baman mihti ra bri katna. Bara nanara yang luhpi nani ailal pali, kiamp wâl pitka kat brisna.

2 Samuil 7:18

Bara king Debit bal diman tint watla ra Dawan lamara wal aisaia, bara aisin: “Dawan, ¿yang na ya sna ki, bara yang taiya nani ba sin ya, man mita yang nani na naha kat ai bri balaia?

1 Kronikas 17:16

Bamna king Debit lika Dawan mawanra dimi wan wal aisaia, bara win: “Dawan wan Gâdka, ¿yang na yamna, watla uplika ba sin yamna kan ki, naha pliska kat ai bri balram ba?

1 Kronikas 29:13

Bamna nanara wan Dawanka, yang nani aiwani mamyuni ninam ba prana dauki banhwisna,

1 Kronikas 29:15

Yang nani na man mamwanra upla tringsar bara mai kakaira sin apia, wan aisika nani wal baku; naha tasba purara yang nani rayaki ba dista kum baku sa, bîla kaikanka âpu pali.

1 Kronikas 29:16

“Bamna Dawan, wan Gâdka, naha diara ailalka yang nani asla daukri na man wina baman sa, baha dukia nani wal yang nani tempel kum man ninam ra daukaia dukiara nâra banhwisni; baha sut ba man wina sa bara man dukiam sa, bara man ninam ra tempel ba mâkbia.

1 Kronikas 29:9

Bamna upla nani ba lilia takan kan upla nani ailal ai kupia aiska ni diara yan bamna, upla nani ba Dawan ra ai prisantka yan. King Debit sin uya lilia takan.

2 Kronikas 2:5

Yang tempel watla mâkaisna ba tara kaia sa, kan wan Gâdka ba tara sa, gâd wala nani ba wal.

Lawana Nani 115:1

Dawan, maiyunpara, mayunra ba man bris, yang nani ra lika apia mayunra ba man bris, ¡man latwankam lâka ba mita bara man kasakkam lâka tânka ba wal!

Impakan Sturka 3:11

Bamna Moses bila Gâd ra win: —¿Yang na yamna sna ki king fero mawanra waia, bara Israel luhpia nani ba Idsip wina brih sakaia?

Daniel 4:30

naku win: “¡Kaiks nahki Babilon ba tara sa! Yang karniki tara ba wal paskri Babilon tasbaya lalka baku bâra ba lika, yang tara sna ba tânka naika piua ra kaikbia ninira aula nani ba.”

Hageo 2:8

“Silbar bara gul ba sut yang duki sa.

Roman 11:36

Kan diara nani sut ba Gâd wina aula, witin paskan bara witin dukiara baman sa. ¡Prana kabia Gâd ra, ban kaia ra! Baku kabia.

1 Korint 16:2

Wik bani yua pas pali ra, man nani kumi bani lalah wiria tnaya ra laki swiaia sma, dîa pura sakan ba praiska kat; bamna baha ba suni bri bas, bara baku mika yang balamna ba ra, man nani lalah plikaia apia kama.

2 Korint 3:5

Yang nani karniki ni diara daukaia sip sna ba mita lika apia sika; sakuna, Gâd ba mita sika yang nani diara sut daukaia sip sna ba.

Kli Smalkanka 16:10

wik bilara Dawan Gâdkam ra mayunra yabaia, lilia nani dauks, bara Dawan Gâdkam yamnika nani maikan ba kupiam wina witin mawanra bri balma.

Kli Smalkanka 16:17

Ban sakuna, kumi bani prisantkam nani Dawan Gâdkam yamni mai munan ba wina brih wama.

Pilipai 2:13

kan Gâd mita sika man nani ra brinka yamni nani ba maikisa, bara baku kat daukaia sin hilpka maikisa, ai kupia lâka yamni ba kat.

Jems 1:17

diara pain bara kasak nani ba, kasbrika pura ba wina balisa; Gâd kasbrika pura ingnika nani paskan ba mita wankisa. Gâd lika piua bani ban kaia ra ban bâra sa, bara witin mita dista kumi ni sin yawan ra wan madiskras sa.

Param Marikanka 4:10

almuk 24 ba witin mawanra ai lula krikuya, bara ban kaia ra raya iwi ba ra ai pura suni mayunisa, bara king iwaika mawanra ai kraunka nani ba mangki, wisa: