1 Kronikas 29:12 - DAWAN BÎLA AISKA

¹² Yuyakira lâka ba bara prana ba sut lika, man wina aula sa, man karnikam mununhtara aiska brisma, man mihtam ra sa, karnika bara sip lâka ba sin, man mihtam ra sa karnika lâka bara diara sut ra karnika yaia ba.

1 Kronikas 29:12 ပူးပေါင်းရင်းမြစ်များ

1 Kronikas 29:13

Bamna nanara wan Dawanka, yang nani aiwani mamyuni ninam ba prana dauki banhwisna,

2 Kronikas 1:12

maikisni sins lâka bara diara tânka kaikaia sinska nani; baha purkara yuya ailal maikamni, diara wala nani sin ailal, prana aiska ba sin bara kulkanka lâka sin, man kainamra king nani bâra kan ba sin briras kan ba, man ninamra aula nani ba sin bribia apia.”

2 Kronikas 16:9

Kan Dawan kasak pali kaikisa naha tasba ra dîa taki nani ba, bara sin witin ra bîla kaikanka bri nani ra, tâ baikisa ai kupia aiska ni. Naha kat man saura daukram sinskas baku, baha mita naiwa wina ai kainara war kau karna brima.”

2 Kronikas 20:6

bamna naku winan: “Dawan, wan damika nani Gâdka, man sika kasbrika purara ba Gâdka, man nisan nani tâ brih wapisma, man mihtam ra sa karnika ba, upla kumi sin man mampara buras.

2 Kronikas 32:29

Baha purkara tawan tara nani paskan, daiwan daknika wala nani sin, kan diara kukan ailal Gâd bui witin ra yan.

Job 42:10

Job ai pânika nani dukiara ai pura sunan ba ningkara, Gâd mita ai dukia nani kan ba kli yan kainara kata ba baku, kainara bri kan ba wal kau aima wâl prais.

Job 9:19

¿Karnika lâka bri ba plikaia? Witin ba kau karnika brisa ¿Lâ ra balaia paiwaia? ¿Bara ya mita munka bal lâ mawanra bubia?

Lawana Nani 103:19

Dawan ai iwaika ba kasbrika pura ba kat mangkan, witin ai kingka lâka ba diara sut purara karnika brisa.

Lawana Nani 28:8

Dawan ba ai uplika nani karnika sa, witin hilp munisa baha ai kingka bâk sakan ba.

Lawana Nani 29:1

Dawan ra mayuns, kasbrika laih purara, ingnika sâtka nani sut bâra sma ba; man nani bui Dawan karnika prana ba mayuns.

Lawana Nani 29:11

Dawan lika ai uplika nani ra karnika yabisa; Dawan lika ai uplika nani ra kupia kumi lâka ni yamni munisa.

Lawana Nani 62:11

Kau aima kumi walri naha Gâd aisin ba: karnika ba, bara latwan lâka ba witin ai dukia sa.

Lawana Nani 62:12

Bara witin lawi upla bani ra mana yabisa dîa daukan ba tânka kat.

Sins Lâka 10:22

Dawan yamni wan muni ba yuyakira wan sakisa; witin wal aikuki, sari lâka prakras sa.

Sins Lâka 8:18

Yang yabisna diara kukan manis briaia bara mayunra ba sin, mayunra tara bara pâwanka sin.

Smasmalkra 5:19

Diara wala ba, baha nani sut ra Gâd mita kukanka bara yamnika yabi ba, karnika sin yabisa baha wina piaia bara diaia, witin ai dukia ba; baha sut ba Gâd prisantka sika.

Aiseya 40:29

Swapan bara witin mita karnika yabisa, karnika âpu pali takan ba ra sin witin mita kli karnika ailal yabisa.

Aiseya 43:13

Yua nani bal takaia kau kainara, yang Dawan pat bâra kapri, upla wala âpu sa yang mihti wina pri mai sakaia. Baha yang daukisna ba, upla âpu sa baha slingbaia.”

Aiseya 45:24

Bara witin nani aisabia: ‘Pura luanka ba Dawan ra baman bâra sa, karnika ba sin.’ Misbara sut ai kaiki nani ba sut witin nani swira takan kabia.

Aiseya 46:10

Blasi pali wina maisa pakisna diara aula dukiara; bara blasi pali ba kan kaia ra wina sin diara nani kau daukras kan ba dukiara sin yang wisna. Yang wisni: Smalkanki bîla nani ba ban bâra kabia, bara diara nani want sna ba daukbia.

Daniel 2:20

naha bîla nani aisi: “Gâd nina ba ban kaia ra yamni kulkan kabia, kan sins lâka bara karnika ba man brisma bamna.

Daniel 6:26

bara lâ mangki maisa pakisna, yang kingki tasbaya ra upla nani sut Daniel Gâdka ra bawan kabia, bara kulkan kabia sin. “Kan witin lika Gâd rayakira sa, bara witin ba ban kaia ra sa, ai king lâka ba sauhki tikan kabia apia, ai karnika ba sin tnata âpu sa.

Matiu 28:18

Bara Jisas witin nani lamara bal, naku win: —Karnika sut yang ra aikan sa, kasbrika purara bara tasba ra.

Jan 19:11

Bamna Jisas pana win: —Man lika yang purira karnika kumi sin âpu kaia kapram, Gâd mita maikras kata kaka. Sakuna ya mita man mihtam ra ai mangkan ba sika, saurka kau tara brisa man ba wal.

Epesus 3:16

Aisa ra puri sunisna ai prana kukanka ba wina, Gâd ai Spiritka ba ni man nani ra karnikam bara dîa daukaia karnika sin maikbia,

Epesus 3:20

Bara Gâd ra mayunan kabia, witin lika sip pali sa yawan dîa makabia ba bara wan kupia ra luki ba sut kau pura luki daukaia, ai karnika yawan ra wark dauki ba ni.

Kli Smalkanka 8:18

Dawan Gâd ra kupiam krauks, briaia dukiara witin karnikam maikan, damikam nani wal lâ aisi daukan ba man nani baku daukaia.

Pilipai 4:13

Diara sut mapara karnika brisni, Kraist mita karnika aiki ba mita.

Kolosi 1:11

Yang nani Gâd ra makabisna, witin ai karnika pranakira ba ni man nani sut karnakira mai sâkbia, baku mika diara sut ra liliakira bapi bûi, wihka sin bîla kaiki kama.

Jasua 4:24

Baku upla nani tasba aiska ra wali tânka bribia, Dawan karnakira ba nahki diara dauki ba, bamna man nani piu sut Dawan Gâd ra pain kulkan lâka ba yabi kama.”

Param Marikanka 11:17

naku aisi: “Dawan Gâd, man karnika sut brisma ba, man ban sma ba, ban katma ba, bara balaia sma ba, yang nani tingki mai wisna, karnikam tara ba brih mahka king aimakram bamna.