1 Kronikas 29:11 - DAWAN BÎLA AISKA

¹¹ ¡Dawan, man dukiam sa tara kulkan lâka ba, karnika ba, prana ba, pura luan lâka bara king lâka ba sin! Kan kasbrika purara diara nani bâra ba, bara tasba ra bâra ba sut ba sin man dukiam atia sa, king lâka ba man dukiam sa, bamna man Dawan sika sut purkara sma.

1 Kronikas 29:11 ပူးပေါင်းရင်းမြစ်များ

Blasi Sturka 1:1

Kau diara wala nani sut paskras kan ba tâura, Gâd bui kasbrika pura ba bara tasba ba wal pas paskan.

Blasi Sturka 14:19

naha bîla nani aisi Ebram ra yamni munan: “Gâd Laih Purara iwi ba, kasbrika pura tasba sin papaskra ba mita yamni pali mai munbia.

Blasi Sturka 14:22

Sakuna Ebram pana Sodoma kingka ra naku win: —Gâd Laih Purara iwi ba ra yang mihti bukri, kasbrika pura bara tasba sin papaskra ba,

1 Kronikas 29:10

Baku bamna, Debit bui Dawan ra sin yamni pali win, upla nani sut mawanra, naha bîla nani aisi: “¡Dawan, yamni pali kama, wan aisika Israel Dawanka sma ba!

2 Kronikas 20:6

bamna naku winan: “Dawan, wan damika nani Gâdka, man sika kasbrika purara ba Gâdka, man nisan nani tâ brih wapisma, man mihtam ra sa karnika ba, upla kumi sin man mampara buras.

Nihimaya 9:5

baha ningkara Libait nani Jasua, Cadmiel, Binuy, Hasabnías, Serebías, Hodías, Sebanías bara Petahías sin buan bara win: “Bûi banhs, bara Dawan Gâdkam ra yamni wis ban kaia ra ban kabia. ¡Yamni wis ai nina pranakira mayunra sut pali wal kau purkara ba!”

Job 37:22

Gul lipanka ba lika yahbra tani wina takisa, Gâd mita king tara sibrinka ni kutban piua ra.

Lawana Nani 10:16

Dawan lika ban kaia Kingka sa; ¡idan nani ba, ai tasbaya wina saki lulkan kabia!

Lawana Nani 103:19

Dawan ai iwaika ba kasbrika pura ba kat mangkan, witin ai kingka lâka ba diara sut purara karnika brisa.

Lawana Nani 104:1

¡Dawan ra yamni sa wimni, kupi aiska ni! ¡Man nahki tara sma, Dawan bara yang Gâdki! Prana kwalka ra ingni wal dimisma;

Lawana Nani 145:1

Yang lika man karnikam dukiara aisamni, yang Gâdki bara yang Kingki; ninam ba mayunamni ban kaia ra ban.

Lawana Nani 145:6

Man bui diara karnakira nani, bara sibrinkira dukia daukram ba, aisi kabia, bara yang lika man diara tara nani daukram ba dukiara aisi kamni.

Lawana Nani 21:13

¡Dawan, karnikam ba brih bus! ¡Yang nani lawana aiwani, man pura luisma ba dukiara lilia dauki banhwi kamni!

Lawana Nani 29:4

Dawan bîla baikra lika karnika tara wal bin daukisa; Dawan bîla baikra karnika ba, wan purara sa;

Lawana Nani 46:10

“¡Man nani, yang mini ra bal kauhs! ¡Baku sin damra wals man nani, yang Dawan sna ba! ¡Yang sika nisan nani sut wihtka sna ba!”

Lawana Nani 47:9

Upla tara nani, nisan tara nani tilara, Ebraham Gâdka uplika nani asla takan,

Lawana Nani 57:11

Gâdki, man sika kasbrika purara ba wina kau purara sma. ¡Man pramna ba tasba aiska ba banhki takan!

Lawana Nani 57:5

Gâdki, man sika kasbrika purara ba wina kau purara sma. ¡Man pramna ba tasba aiska ba banhki takan!

Lawana Nani 57:6

Waihli nani ba, mini pruki kauhaika kum mangkan sa, lukanki ba kli ai nina ra tawbia wisi yabalki ra sin unta kum daukan sakuna witin nani tawi bahara kauhan.

Lawana Nani 89:11

Kasbrika pura bara tasba ba wal man dukiam sa, tasba aiska bara diara nani sut tasba ra ba man paskram sa.

Lawana Nani 97:1

¡Tasba aiska ba, liliam bas! ¡Kî dakura nani ailal ba sin lilia bas! ¡Dawan ba king sa!

Lawana Nani 97:9

kan man Dawan Laih Purara iwisma ba, man tasba aiska ba purara sma, bara man kau purara sma, Gâd bahki nani sut ba wal.

Lawana Nani 98:1

¡Man nani bui Dawan ra lawana raya kum aiwans, kan witin diara aihka daukan bamna! ¡Kan witin pura luanka ba alkan sa, karnika tara bara ai klahkla ba wal!

Lawana Nani 99:1

¡Dawan ba king sa! ¡Witin ai iwaika ba kirubin nani purara brisa! Nisan nani ba tatatwi kabia, tasba aiska ba sin.

Aiseya 12:4

Bara man nani baha yua ra aisama: Dawan ra aiwans, ai nina ra puram suns, upla nani tilara ai warkka daukan dahra ba tara dauks, âmya ra bri bas witin ai nina ba diara sut tilara purara pali bukan sa.

Aiseya 42:5

Dawan Gâd ba, kasbrika pura nani papaskra sa, witin sin baha nani slihbi saki ba; witin sika tasba ba paskan bara witinka ra sin pâwi ba, rayaka yabi bara wingka puhbra sin yabisa, upla nani iwi nani ra, ai dukia dadaukra ra wisa:

Aiseya 66:1

Dawan aisisa: “Kasbrika pura ba, yang iwaiki watla bara tasba ba, yang mini nani kahbaika sa. ¿Anira sip sa utla kum mâki aikaia? ¿Anira sip sa ris briaia pliska kum dauki aikaia?

Jirimaya 27:5

Yang karniki tara ba param mariki tasba na paskri, upla nani, daiwan nani diara sut bilara ba sin, bara yaura baha yabaia lukisna ba ra yabisna.

Daniel 2:20

naha bîla nani aisi: “Gâd nina ba ban kaia ra yamni kulkan kabia, kan sins lâka bara karnika ba man brisma bamna.

Daniel 4:3

¡Nahki ban tara sa, ai warkka aihka nani bara ai tukinka nani ba sin! Ai king lâka ba ban kaia ra ban kabia, ai karnika ba ban kabia kiamka nani wina ban kiamka wala nani ba kat.

Daniel 4:30

naku win: “¡Kaiks nahki Babilon ba tara sa! Yang karniki tara ba wal paskri Babilon tasbaya lalka baku bâra ba lika, yang tara sna ba tânka naika piua ra kaikbia ninira aula nani ba.”

Daniel 4:32

Upla nani tila wina taki daiwan nani tilara takaskma; bîp wainhka nani baku mani 7 twi pi kama, Gâd baman nisan nani sut purara karnika bri ba tânka brima ba kat, bara witin sika naha tasba ra, ya king kaia ba mangkisa.”

Matiu 6:13

Traika kaikan tilara ban wan swipara, sakuna saura ba wina dakbi wan sâks.’

1 Timoti 1:17

Baha mita, ¡ban kaia ra yawan prana bara mayunra yabi kap; ban kaia Kingka ra, witin sip pruras ba, sip wan nakra ni kaikras ba, bara Gâd kumi baman ba! Baku kabia.

Hibru Nani 1:3

Witin sika Gâd prana ingnika ni ingwi ba; witin sika Gâd lilka talia aihwa pali ba, bara witin sika ai bîla karnakira ni, diara nani sut dihbi alki bri ba. Witin ba wan saurka nani wina sikbi wan sakan ningkara, Gâd king iwaika lama pali kat wih kasbrika purara iwan.

Jasua 3:11

Man nani kaiki bas, tasba aiska Dawanka upla wal lâ daukan lâka auhbaika watla ba pas man nani tâura Jordan lubia.

Jasua 3:13

Prîs nani Dawan lâka auhbaia watla ba twilki wabia, bara upla sut ai mina liura dingkbia ba ra, awala kla wina aubi ba takaskbia plis kumi ra.”

Param Marikanka 11:15

Insal matlalkahbi pura kumika ba ai trumpitka puhban, bara kasbrika pura ba wina bîla baikra tara nani wali banhwan. Baha nani naku aisi kan: “Naha tasba kingka lâka ba nanara wan Dawan dukia sa, ai Kraistka dukia sin, bara witin ban kaia ra king aimaki kabia.”

Param Marikanka 19:1

Naha ningkara, upla ailal bîla baikra tara kasbrika purara aisi kan, yang walri: “¡Dawan nina ba mayunan kabia! Swaki sakan lâka ba, prana ba bara karnika ba, wan Gâdka dukia sa.

1 Samuil 15:29

Kan Gâd ba sika Israel prana, witin kunin aisaras, kli ai kupia lakras, witin ba upla apia sa kli ai kupia lakaia.