1 Kronikas 29:10 - DAWAN BÎLA AISKA

¹⁰ Baku bamna, Debit bui Dawan ra sin yamni pali win, upla nani sut mawanra, naha bîla nani aisi: “¡Dawan, yamni pali kama, wan aisika Israel Dawanka sma ba!

1 Kronikas 29:10 ပူးပေါင်းရင်းမြစ်များ

Blasi Sturka 32:28

—Ninam Jekob ba, ban baku mâki kabia apia. Nanara wina man ninam ba Israel mâkan kabia, kan Gâd wal bara upla wal sin aitwaki man ban pura luram bamna.

Blasi Sturka 33:20

Baha ningkara witin bahara altar kum sin paskan, altarka nina ba “Gâd ba Israel Gâdka” mâkan.

1 King Nani 8:15

Bara win: “Dawan ba yamni pali kabia, witinka Israel Gâdka ba, papiki Debit ra aisin ba, witin bui aiska sut daukan bamna. Bara witin ra win:

1 Kronikas 29:11

¡Dawan, man dukiam sa tara kulkan lâka ba, karnika ba, prana ba, pura luan lâka bara king lâka ba sin! Kan kasbrika purara diara nani bâra ba, bara tasba ra bâra ba sut ba sin man dukiam atia sa, king lâka ba man dukiam sa, bamna man Dawan sika sut purkara sma.

1 Kronikas 29:20

Ningkara Debit upla nani ra win: “Nanara Dawan Gâdkam ra yamni wis.” Bamna upla nani sut bui Dawan ai aisika nani papaskrika ra yamni win; ningkara ai lal makupi banhwan bara Dawan king ra sin mayunan.

1 Kronikas 29:9

Bamna upla nani ba lilia takan kan upla nani ailal ai kupia aiska ni diara yan bamna, upla nani ba Dawan ra ai prisantka yan. King Debit sin uya lilia takan.

2 Kronikas 31:8

Ezequías bara wihta nani aikuki wan diara nani kwahkan ba kaikaia, witin nani Dawan ra yamni win, Israel luhpia nani ra sin.

2 Kronikas 6:4

bara win: “Dawan ba yamni pali kabia, witinka Israel Gâdka ba, papiki Debit ra aisin ba witin bui aiska sut daukan sa, naku win ba ra:

Esdras 7:27

Bamna Esdras naku ai pura sunan: “Dawan ba yamni pali kabia, wan aisika nani Gâdka ba, witin mita king kupia ra mangkan, Dawan watla Jerusalem ra ba pain kulkaia.

Nihimaya 8:6

Bara Esdras bui Dawan ra mayunan, Gâd karnika sut bri ba ra yamni pali win, bara upla nani sut ba ai mita nani buki win: “Baku kabia, baku kabia.” Baha ningkara, witin nani bawikira Dawan ra mayunan, ai mawan nani tasba ra makupi.

Lawana Nani 138:1

Tingki mai wimni, Dawan, yang kupi aiska kira ni, lawana man ra aiwanamni gâd nani mawanra.

Lawana Nani 146:2

Yang Dawan ra mayunamni, yang raya sna ba yua nani ra; Dawanki ra lawana aiwanamna yang kau raya sna ba piua ra.

Lawana Nani 22:26

Taiban ra uplika nani sma ba plun pis, man nani aibanhwisma ba kat; man nani bui Dawan plikisma ba, witin ra mayuns, bara mani ailal raya kama.

Lawana Nani 57:6

Waihli nani ba, mini pruki kauhaika kum mangkan sa, lukanki ba kli ai nina ra tawbia wisi yabalki ra sin unta kum daukan sakuna witin nani tawi bahara kauhan.

Lawana Nani 89:52

Dawan ba yamni pali kabia ban kaia ra. ¡Baku kabia!

Aiseya 63:16

¡Man sika yang nani aisiki! Ban kra, Ebraham yawan wan kaikras wibia kaka, Israel sin yawan ra wan lukras kabia kaka, man, Dawan, man sika wan aisika; patitara wina man sika, yang nani sasakriki.

Isikiel 3:12

Ningkara Gâd karnika ba mita ai bukan, bara bin tara kum yang ninira ba walri tasba nikbi baku takan, Dawan prana tara ba ai pliska ba wina buan ba ra.

Daniel 2:20

naha bîla nani aisi: “Gâd nina ba ban kaia ra yamni kulkan kabia, kan sins lâka bara karnika ba man brisma bamna.

Daniel 4:34

“Ai piua win ba aimakan ba ra, yang Nabucodonosor, naikra kasbrika purara bukri bara laila saura takan kan ba wina rawri, bara Gâd Laih Purara yaba ra yamni pali wîri, mayunra din yabri naha bîla nani ba wal: ‘Karnikam ba ban kaia ra ban kabia; kingkam lâka ba kiamka kum wina kiamka wala nani ba kat ban kabia.

Matiu 6:9

Baha mita, man nani naku puram suns: ‘Yawan Aisa kasbrika purara sma ba, ninam ba holikira kulkan kabia.

Luk 11:3

Yu bani, yang nani aitani piaia praiska plun aiki bas.

Roman 1:7

Bahamna man nani Rom ra iwi banhwisma ba sut ra mai ulbisni, Gâd latwan kaiki mai paiwan ba, witin bui ai uplika holikira kaia dukiara. Gâd wan Aisa bara Dawan Jisas Kraist mita yamni mai munbia bara kupia kumi lâka sin maikbia.

Roman 8:15

Bamna Spirit man nani briram ba lika alba kaia spiritka apia sa kli sibri kaia; sakuna Spirit kumi Gâd luhpia wan dauki ba sika briram ba. Bara naha sim Spiritka na mita sika yawan wini ba: “¡Yang Aisiki!”

Epesus 1:3

Wan Dawan Jisas Kraist Aisika bara Gâd ba sin, witin ra mayunpi, kan yawan Kraist wal asla takan ba ra, witin bui Spirit yamnika sât sât ni yamni wan munan kasbrika pura tasbaya nani ra.

Kli Smalkanka 32:3

“Dawan nina dukiara aisi smalkamni: ¡yawan wan Gâdka tara ba tânkam brima!

Pilipai 4:20

Wan Gâdka ra bara Aisa ra mayunan kabia, ban kaia ban kaia ra. Baku kabia.

2 Tesalonaika 2:16

Wan Dawan Jisas Kraist pali mita bara Gâd wan Aisa, witinka ai yamnika ra latwan wan kaikan ba, ban kaia ra maisa nihkra wankan ba, bara bîla kaikanka yamni kum sin wankan sa,

1 Timoti 1:17

Baha mita, ¡ban kaia ra yawan prana bara mayunra yabi kap; ban kaia Kingka ra, witin sip pruras ba, sip wan nakra ni kaikras ba, bara Gâd kumi baman ba! Baku kabia.

1 Pita 1:3

Yawan wan Dawan Jisas Kraist Aisika bara Gâd ba sin, witin ra mayunpi. Kan witin umpira kaikan lâka tara bri ba mita, rayaka raya kum wankan sa, Jisas Kraist pruan wina kli buan ba bâk. Naha na wan kanra diara bîla kaikaia lâka rayaka kum wankisa,

Param Marikanka 5:12

bara ai bîla baikra karna ni aisin: “¡Sakripais daukan Sîp Luhpia ba aitani sip sa pura aimakan karnika nani sut ba briaia, sins lâka ba, baha kukan ba, pain kulkan lâka ba, prana ba bara mayunra ba sin!”