1 Kronikas 28:9 - DAWAN BÎLA AISKA9 Bamna man, luhpi Salaman, aisikam Dawanka ba kakaira taks, bara ai dukia dauks kupia kasak ni, kupiam pihni lâka ra, kan Dawan lika upla sut kupia tânka pliki kaikisa, bara dîa wan lukanka ra ba sut pali tânka brisa. Bara man bui witin ba plikma kaka sâkma, sakuna witin ba man swima kaka, witin bui ban kaia ra mai lulkbia. အခန်းကိုကြည့်ပါ။ |
Man kasbrika purara ba wina walma, iwaikam ba wina. Bara tringsar nani dîa mangkbia ba kat dauki yama, baku ba ra tasba aiska ra iwi uplika nani ninam ba kakaira takbia, bara sibrinkam sin bribia, tawankam Israel luhpia nani baku baha tânka bribia. Bara tânka bribia, man ninam naha tempelka watla ra yang bui maikri ba ra mayuni ba.
Bara prapit Semaías ba Roboam ra wan bara baku sin Juda wihtka tara nani aikuki Jerusalem ra asla taki banhwan kan ba, Sisac dimi aula ba dukiara aisi banhwan kata: —Dawan bîla man nani bui witin ra lulki swiram ba mita, witin sin man nani mai lulki swin, bara nanara man nani Sisac mihta ra mai swisa.
Yang lika king ra suldiar nani aras uli nani ba makabaia swiri ai dauki kan, witin nani wan waihla nani ba mapara yabal ra wan kaina kahbi wan brih wabia dukiara, kan pat king ra wîri sa, yang nani Gâdki mita ya nani witin ra pliki ba aikuki sa, baku sin Gâd ba lulki swisa bara ai kupia baiwanka nani sin, baha nani uplika witin wina laihura taki nani ba mapara kahbisa.
Man was, Israel luhpia nani tâ uplika nani ba sut asla dauks bara witin nani ra wis: ‘Dawan ba, man nani damikam nani sut Gâdka ba, Ebraham, Aisak bara Jekob sut Gâdka ba, yang ra latan takan bara ai win witin lika man nani trabilkam tara ba sut kaikisa, Idsip uplika nani mita nahki saura mai muni ba.
Jisas aima yumhpa ra kli makabi walan: —Saiman, Jan luhpia, ¿man latwan ai kaikisma ki? Pita naha kat sari takan, kan Jisas naha kat aima yumhpa witin ra latwan kaiki sapa makabi walan bamna. Baku mika Saiman win: —Dawan, man diara nani sut ba kaikisma, bamna man kaikisma yang bui man ra latwan sna ba. Jisas bila: —Baku sa kaka, sîpki nani ba plun dakaks.
Kan yang naha tawanka ra wapi tauki kapri, man nani puram sunisma ba pliska nani ra sin, bara altar kum kaikri; bahara bîla nani ulban kan ba lika naku kata: ‘Gâd kum ra kaikras ba.’ Bamna pain sa, baha Gâdka man nani kaikras kuna puram suni mayunisma ba, baha pali Gâdka dukiara sika yang aisisna ba.