1 Kronikas 28:8 - DAWAN BÎLA AISKA

⁸ “Bamna Israel luhpia nani, daknika aiska mawanra, bara Dawan wan wali ba, man nani Dawan Gâdkam lâka nani ba alki bris, bara naha tasbaya yamni na ban prapati kum baku swima luhpiam nani dukiara.

1 Kronikas 28:8 ပူးပေါင်းရင်းမြစ်များ

1 Kronikas 28:7

Bara ai kingka lâka ba ban kaia ra daukamna, bamna witin sin dîa lâ mangkri ba aiska daukbia kaka, naiwa yua ra ba baku.’

1 Kronikas 28:9

Bamna man, luhpi Salaman, aisikam Dawanka ba kakaira taks, bara ai dukia dauks kupia kasak ni, kupiam pihni lâka ra, kan Dawan lika upla sut kupia tânka pliki kaikisa, bara dîa wan lukanka ra ba sut pali tânka brisa. Bara man bui witin ba plikma kaka sâkma, sakuna witin ba man swima kaka, witin bui ban kaia ra mai lulkbia.

Esdras 9:12

Bara yang nani luhpi mairin nani ba, witin nani luhpia waitna nani wal maya baikamna apia wiram, baku sin luhpi waitna nani ba baha nani luhpia mairin nani wal maya baikamna apia wiram, witin nani aikuki sin kupia kumi lâka dauki, yamnika briaia lâka daukamna apia wiram, bara baku mika tawan ba karna kaia. Bara tasba ritska wina pi kamna wiram, bara wan luhpia nani ra prapatika yama piu bani ra ban kaia ra.

Lawana Nani 119:27

Diara tânka briaia ba ai smalks, man lâmka bîla nani ba nina blikaia, baku mika warkkam aihkakira nani dukiara kupi wal aisamni.

Lawana Nani 119:4

Man adarkam wankisma, lâmka nani smalki wankram ba, yang nani baha nani ban pali bri dauki kaia.

Lawana Nani 119:44

Smalkankam nani ba alki daukaia brin ai daukisa, ¡piua bani ban kaia ra ban kabia!

Impakan Sturka 23:13

“Diara nani sut yang mai wîri ba kat dauki bas. Bara aikrika, gâd wala nani kumi sin dukiara man nani unam nani wina walamnara.

Sins Lâka 13:22

Upla yamni ba ai dukia kukanka ai mula nani dukia swisa, sakuna saura dadaukra ai yuyaka manis bri ba, upla kasakkira nani dukia suni swisa.

Sins Lâka 3:1

Luhpi waitna, smalkanki nani ba âmya tiwbiara; bara kupiam ra yarka lâika bîla nani ba alki yamni bribia,

Aiseya 34:16

Dawan wauhkataya ra pliki kaiks, bara aisi kaiks witin nani kumi nina mâkras swi luan sa sapa; kumi sin ai maya briras ba âpu sa; kan witin ai bîla aisin, adar yan; bara baha nani sut ba ai spiritka ni asla daukbia.

Apastil Nani Sturka 10:33

Baha mita mahka blikri man mai plikaia, bamna man aitani pali balram. Nanara yang nani sut nahara banhwisni Gâd mawanra, man ra Dawan mita dîa maikka aisama ba walaia.

Apastil Nani Sturka 17:11

Naha Juka nani na kau upla painkira nani kan Tesalonaika nani ba wal. Witin nani ai kupia aiska ni Dawan bîla ba brin kan, bara yu bani Ulbanka nani ba tânka pliki kaiki kan, diara nani aisi kan ba kasak sapa.

Kli Smalkanka 27:1

Moses bara Israel almukka bui upla nani ra naha lâka yan: “Naiwa naha adarka nani maikuna na dauks.

Kli Smalkanka 29:10

“Naiwa man nani sut Dawan Gâdkam mawanra asla taki banhwisma: Israel kiamka masraka bani, almuk nani, wihta nani, Israel luhpia nani sut,

Kli Smalkanka 29:15

ban sakuna wala nani naiwa mawanra bara lamara âpu nani ba aikuki sin.

Kli Smalkanka 4:1

“Israel luhpia nani, nanara wals lâ nani mai smalkatna ba. Bara trai kaiks, kuntrika ba yus munaia, man nani damikam ra win Dawan Gâdkam wina maikaia win ba.

Kli Smalkanka 4:26

Yang naiwa kasbrika purara bara tasba ra sin witniski brisni, Jordan baila wala kuntrika ra dimma ba ra man nani pat pali pruma. Baha tasbaya ra piua wihka raya kama apia, sakuna âpu pali mai daukbia.

Kli Smalkanka 4:6

Trai kaiki bara dauks, baku lika man nani tilamra sinskira bara diara tânka brabrira nani bâra ba, upla mai kaikbia. Baku mai kaiki bara mai wibia: ‘Naha nisanka na sinskira sa bara diara tânka sin brisa mai wibia.’

Kli Smalkanka 5:32

Baku bamna trai kaiks, Dawan man nani Gâdkam bui adar maikan ba, baha wina tnaya ra tawpara.

Kli Smalkanka 5:33

Dawan Gâdkam yabal mamrikan ba baha nina blîks, yamni wama dukiara, mani ailal sin raya kama tasba man dukiam maikaia win ba ra.

Jasua 24:20

Man nani bui witin ba swi si, bara gâd wala nani dukia daukma kaka, Dawan ba pana saura mai munbia, bara sut sauhki mai tikbia, witin bui man nani ra diara pain manis daukan sa kuna.