1 Kronikas 27:25 - DAWAN BÎLA AISKA

²⁵ Adiel luhpia Azmávet ba king lalahka ba ai mihta ra bri kan, bara Janatan Ozías luhpia ba lika insla warkka lalahka ba ai mihta ra bri kan, tawan tara, sirpi bara piarkika nani ra, baku sin aihwawakra watla nani ba.

1 Kronikas 27:25 ပူးပေါင်းရင်းမြစ်များ

Blasi Sturka 41:48

Bara baha 7 mani ba Josep plun nani ba sut apahki brin Idsip tasbaya aiska ra. Tawan tara nani bani ra plun ba kuki suni kan. Tawan tara kumi bani ra insla nani wina, plun nani dâki brih watla ra auhbi suni swi kan.

2 Samuil 23:31

Abí-albón, Arbata wina ba; Azmávet, Bahurim wina;

2 King Nani 18:15

Bahamna Ezequías ba mita silbar Dawan watla ra bâra kan ba bara king lalahka auhbaika ra bâra kan ba sut wal asla praki yaban.

1 Kronikas 27:24

Joab ba mahka tâ krikan kulkanka ba, ban sakuna danh daukras swin, kan baha tâka mita Israel purara klala balan. Ba mita dîa kulkan ba, king Debit ulban wauhkataya ra ulbi mangkras kan.

1 Kronikas 27:26

Bara insla warkka dauki nani ba tâura kan Ezrí, Quelub luhpia ba.

1 Kronikas 28:1

Debit Jerusalem ra Israel luhpia nani lalka nani ba sut asla daukan: kiamka bani lalka nani ba, war aiklaklabra daknika nani ai lalka bani aikuki, king dukia dauki kan ba, war aiklaklabra daknika tara lalka nani bara daknika sirpi lalka nani ba, tasba aiska pura kaiki nani, king bara ai luhpia nani bîpka main kaiki nani ba, waitna nani kulkanka kau tara bri ba, war aiklaklabra nani kau yamni nani ba sut sin asla daukata.

1 Kronikas 29:6

Bamna utla pamali lalka nani ba, Israel luhpia nani lalka nani ba, war aiklaklabra daknika tara nani lalka nani ba, daknika sirpi lalka nani ba bara king nasla nani pura kakaira nani ba, ai kupia aiska ni diara prisant sal yaban.

2 Kronikas 16:2

Bara Dawan tempelka ra king watla ra gul bara silbar nani kukan ba, Asá bal baha nani sut sakan, bara dukia nani ba Ben-hadad, Siria kingka ra blikan, witin Damaskus ra iwi kan. Bara king ra naha bîla sin blikan:

2 Kronikas 26:10

Baha purkara upla iwras tasbaya ra tawer nani paskan, liwanhta nani sin salhkan tasba langni nani ra, waitna nani bri kan unta ra wain nasla warkka dauki kan baha ba il pliska nani ra, kan witin insla warkka dadaukra kan bamna.

Impakan Sturka 1:11

Nanara Idsip uplika nani ba, wark nani pura kakaira mangkan, Israel luhpia nani ra yaka wark karna taki kaia dukiara. Witin nani ra munan tawan wâl paskan: Pitón bara Ramsés. Naha tawanka wâl na sika plun mâ nani apahki suni briaika pliska bri kan ba king fero mita mâkan ba, witin lika Idsip kingka ba.

Jirimaya 41:8

Tila wina waitna matawalsip baman ikras swak takan, bara baha nani bal Ismael ra win: —Pliskam ai ikpara; yang nani plawar, barli mâ, batana laya, nasma sin insla ra yukuki brisna. Bara Ismael baha wali waitnika nani ba ikras swin.