1 Kronikas 27:1 - DAWAN BÎLA AISKA

¹ Bamna Israel luhpia nani kumi bani, ai taya nani kat, war aiklaklabra daknika tara bara daknika sirpi nani kat, aiklaklabra wihtka nani kat nina nani ba ulbi sakan kata, naha nani king warkka dauki nani kan ba, war aiklaklabra daknika baiki sakanka nani asla wark dauki kan ba ai piua kat kati bani mani aiska ra. Daknika bani ba bri kata 24,000 aiklaklabra nani.

1 Kronikas 27:1 ပူးပေါင်းရင်းမြစ်များ

2 Samuil 23:8

Debit suliarka aiklaklabra kau pain nani nina ba naha nani sa: Is-bóset, Hacmoní wina ba, aiklaklabra yumhpika kau sibrin âpu nani ba wihtka, sanska kum ra upla 800 wal aiklabi, sut ikan langsa ni.

1 King Nani 4:27

Bara naha wihtka tara nani bui Salaman diara sut yabi kan. Baha nani sut Salaman tibilka ra iwaia aidrubi kan, kati bani aima kum, bara swin diara luha takras kata.

1 King Nani 4:7

Salaman lika wihta nani lalka 12 nani bri kan Israel aiska purara. Baha nani bui king ra main kaiki kan bara watla aiska ba sin. Kumi bani lâ bri kan mani kumi bani, kati kum ba king watla ra diara bri si auhbi kaia.

1 King Nani 5:14

baha nani ba Líbano ra bliki kan kati bani, ai piua kat 10,000 waitna nani, kati kum kaia dukiara, kati wâl ba lika ai watla ra kan. Bara Adoniram lika baha daknika nani lalka kata.

1 Kronikas 11:10

Naha nani sika Debit war aiklaklabrika kau yamni nani kan ba, kingka lâka tâ baiki kan ba Israel luhpia nani sut aikuki, asla king mangkaia dukiara, Dawan dîa aisin ba kat.

1 Kronikas 13:1

Debit war wihtka nani bara tâ brabrira nani sut aikuki aisi kaikan, wibia kaka war lalka tara nani sut aikuki.

1 Kronikas 26:32

Ai muihni nani aikuki, waitna nani kulkanka tara bri kan ba, asla lika 2,700 utla lalka nani bâra kata. King Debit bui sakan Ruben, Gad bara Manasés kiamka nani bakriki ba tâura aimakbia dukiara, Dawan warkka daukaia ra, baku sin king warkka nani daukaia.

1 Kronikas 27:2

Pas katka ra war aiklaklabra daknika baiki sakan pas ba lalka mangkan ba lika, Jasobeam, Zabdiel luhpia ba,

1 Kronikas 28:1

Debit Jerusalem ra Israel luhpia nani lalka nani ba sut asla daukan: kiamka bani lalka nani ba, war aiklaklabra daknika nani ai lalka bani aikuki, king dukia dauki kan ba, war aiklaklabra daknika tara lalka nani bara daknika sirpi lalka nani ba, tasba aiska pura kaiki nani, king bara ai luhpia nani bîpka main kaiki nani ba, waitna nani kulkanka kau tara bri ba, war aiklaklabra nani kau yamni nani ba sut sin asla daukata.

1 Kronikas 29:6

Bamna utla pamali lalka nani ba, Israel luhpia nani lalka nani ba, war aiklaklabra daknika tara nani lalka nani ba, daknika sirpi lalka nani ba bara king nasla nani pura kakaira nani ba, ai kupia aiska ni diara prisant sal yaban.

2 Kronikas 1:2

Bara Salaman bui Israel luhpia nani sut paiwan: suldiar lalka nani, wihta kau kulkanka bri nani ba bara pamali lalka nani Israel aiska ra wark kum tâura nani ba.

Impakan Sturka 18:25

Israel luhpia nani tila wina waitna nani kau sip nani ba bâk kulki sakan, bara witin nani ra karnika yaban, upla daknika nani purara lâ daukaia. Kumi ra upla 1,000 nani yan, wala ra upla 100 nani, wala ra upla 50 nani yan bara wala ra upla nani matawalsip yan lâka daukaia.

Miqueas 5:2

Bara man, Betlehem Efrata, Juda uplika tawanka nani tilara, tawan sirpi pali sma; ban sakuna, Israel wihtka tara ba man nani tilam wina bal takbia, witin ba kiamka kulkanka blasi pali yua wina aula sa.”

Kli Smalkanka 1:15

“Bamna man nani kiamkam tila wina waitna kau sinskira nani ba, bara pat wark dauki tânka bri nani sakram ba, yang bui witin nani ra karnika yabri, man nani puramra tâmra kaia. Tila nani ba, upla 1,000 tâ briaia yabri, wala nani 100 upla tâ briaia, wala ra 50 upla tâura kaia, bara wala nani ba upla matawalsip tâ briaia, baku sin kau wala nani ba kiamka 12 nani ra tâ briaia mangkri.

Jasua 23:1

Dawan mita piua ailal luan ra Israel luhpia nani ra yan ai waihla nani wal kupia kumi kaia, Jasua sin pat almuk kan ba ra,

1 Samuil 8:12

Tila nani ba 1,000 lalka kaia mangkbia, baku sin 50 nani lalka kaia sin mangkbia. Insla dadaukra daknika sin bribia, war ra aiklabaia dukia nani paskaia daknika sin sâkbia.