1 Kronikas 25:6 - DAWAN BÎLA AISKA

⁶ Naha nani sut lilia binka dauki kan ai aisika bui tâ bri kan bamna, Dawan watla ra plit nani, drum, gitar nani bara lunglung tara nani kangbi kan. Asaf, Jedutún bara Hemán sin king lâ mangkan ba kat daukaia kata.

1 Kronikas 25:6 ပူးပေါင်းရင်းမြစ်များ

2 Samuil 6:5

Witin nani auya kan ba ra, Israel luhpia nani sut Debit aikuki lika, Dawan mawanra ai karnika aiska aiwani dans puli wapi kan bara arp, miusik awira, arp tara, drum sirpi pruki, maraka singbi, pân pruki banhwi kan.

1 King Nani 10:12

Bara dus painkira nani brih balan ba wal, king mita Dawan tempelka barandika ba paskan, bara baku sin king watla, bara sin arp sâtka nani paskan ba sin miusik pulaia. Upla kaikras baha dusa painkira nani brih wan baku naiwa kat.

1 Kronikas 15:16

Baku sin, Libait tâ bri uplika nani ra Debit bui win, ai kiamka nani ba tila wina aiwawanra nani sâkbia, lilia binka daukaia dukia nani kira, tramhtram tara nani, lunglung tara nani, plit sirpi nani bara ai âuyapah kira kangbia bara lilia tukinka kabia.

1 Kronikas 15:19

Aiwawanra nani Hemán, Asaf bara Etam lika, bras plitka nani ba ni bin daukaia witin nani ai warkka kan.

1 Kronikas 15:22

Quenanías, Libait nani lalka ba, impaki taukaia dukia nani lalka kata, witin sika tâ bri kata, kan witin bui tânka pain bri kata.

1 Kronikas 23:5

bara 4,000 wala ba lika dur aihwawakra nani mangkan, 4,000 wala ba lilia binka daukaia dukia nani ba warkka yan, Dawan ra lawana aiwani mayunaia, Debit bui baku daukaia win ba kat daukan.

2 Kronikas 20:28

Witin nani Jerusalem ra wan ba ra, gitar tara nani, sirpi nani bara trumpit nani binka dauki Dawan tempelka ra diman.

2 Kronikas 23:13

Bahara king bâra ba kaikan, bâra bûi kan ai uplika nani aikuki get dimaika ba kat. Ai tnaya ra lalka wala nani bâra kan, lawana binka dauki nani bara upla nani ba uya lilia kan, tâ brih mayuni lawana nani aiwani kan. Bamna Atalía ba ai prâka nani kalki ai bîla tara winan: —¡Waihla lâka! ¡Waihla lâka!

2 Kronikas 29:13

Elisafán kiamka nani wina, Simrí bara Jehiel; Asaf kiamka nani wina, Sakaraya bara Matanías;

2 Kronikas 29:25

Ezequías sin Dawan tempelka ra Libait nani ba swin singbaia dukia ba singbi kaia, Debit bara prapit Gâd wal lâ dauki win ba baku, king warkka ra prapit Natán win ba baku, kan baha lâka ba Dawan bui yaban, Gâd ai prapitka nani aisi bâk.

Nihimaya 11:17

Matanías, Micaías luhpia waitna kan ba, Zabdí luhpia waitna kan ba, Asaf luhpia waitna kan ba, witin sika aiwawanra daknika tâ brabrira kata, bara tingki bîla nani aiwani, pura sunra dauki ba yua ra yabi kan; Bacbuquías, ai taika nani tilara sekan ba, bara Abdá, Samúa luhpia waitna kan ba, Galal luhpia waitna kan ba, Jedutún luhpia waitna kan ba.

Nihimaya 12:24

Libait nani wihtka nani ban naha nani kata: Hasabías, Serebías, Jasua, Binuy bara Cadmiel, bara ai pânika nani ba lika aikuki witin nani ai warkka kan ba Dawan ra mayuni tingki wiaia, Debit, Gâd waitnika dîa win kan ba kat daukan, witin nani kumi bani ai piua ba kat ai warkka daukaia.

Nihimaya 12:46

Kan Debit bara Asaf wal piua patitara ba wina, witin nani aiwawanra ba tâ bri kan lawana nani aiwanaia, mayunra nani dauki Gâd ra tingki wiaia dukiara.

Lawana Nani 68:25

Aiwawanra nani ba, tâura wapi aiwanisa, miusik kakangbra nani ba lika ninara wapisa, bara tiara lupia nani ba lilapas ra, drum sirpi ba singbi banhwisa.

Epesus 5:19

Man nani pana pana walkam wal Pura Sunra Lawana nani baman aisi bas, spirit lawana nani aiwani bas, bara kupiam aiska kira ni Dawan ra aiwani mayuni bas.

Kolosi 3:16

Kraist smalkanka ba, man nani kupiam nani ra aiska pali banhwan kabia. Sins lâka sut ni pana pana smalki kupiam krauki banhwi bas. Pura Sunra Lawana nani, mayunra lawana nani bara lawana holikira nani ba sin, kupiam aiska Gâd ra tingki wih aiwani bas.