1 Kronikas 25:1 - DAWAN BÎLA AISKA

¹ Bamna Debit bara prias watla ra wark lalka nani ba bui Asaf, Hemán bara Jedutún kat luhpia nani wahbi sakan, bara witin nani sika prapit kabia wisi arp, drum, plit sirpi nani pruki kira ni, naha waitnika nani sika baha warkka dukiara sakan kan ba.

1 Kronikas 25:1 ပူးပေါင်းရင်းမြစ်များ

1 King Nani 10:12

Bara dus painkira nani brih balan ba wal, king mita Dawan tempelka barandika ba paskan, bara baku sin king watla, bara sin arp sâtka nani paskan ba sin miusik pulaia. Upla kaikras baha dusa painkira nani brih wan baku naiwa kat.

2 King Nani 3:15

Ban sakuna, ¡nanara man nani miusik papulra kumi bri sal aik! Bara miusik papulra ba kau kangbi kan ba ra, Dawan karnika ba Ilaidsa purara balan,

1 Kronikas 12:28

bara Sadoc wal sin, waitna wahma, kupia karna, taika nani wina 22 lalka nani aikuki.

1 Kronikas 13:8

Debit bara Israel luhpia nani sut aikuki, Dawan kainara wapi ai tâ baiki srutwi puli auya kan, lilia binka sât sât dauki auya kan, arp nani, gitar, gitar tara nani, drum sirpi pruki, pân pruki ban, trumpit sin puhbi banhwi kan.

1 Kronikas 15:28

Baku natka ra Israel luhpia nani sut bui Gâd lâka auhbaia watla ba brih auya kata. Lilia wini, sîp aringka puhbi, trumpit nani bara plit sirpi nani binka kira, bara tramhtram tara, arp binka sut ba wal.

1 Kronikas 23:2

bara Israel lalka nani, prîs nani bara Libait nani sut asla daukan.

1 Kronikas 25:2

Asaf luhpia nani wina: Jacur, Josep, Netanías bara Asarela. Witin nani ra tâ bri kan ba lika aisika Asaf kata, bara witin sika dahra aisinka nani param saki wi kata, king adarka ba kat.

1 Kronikas 25:3

Jedutún luhpia matlalkahbi nani ba: Guedalías, Serí, Aiseya, Simí, Hasabías bara Matatías. Witin nani tâ bri kan ba lika aisika Jedutún, witin bui dahra aisi smalki wi kan, arp kangbia ni Dawan ra tingki wih mayunaia dukiara.

1 Kronikas 25:9

Lat ba lulki kaikan bara naku ra takaskan kata, kumi wina yawanaiska pura walhwal ba kat: Josep Guedalías Zacur Isrí Netanías Buquías Aiseya Matanías Simí Azarel Hasabías Subael Matatías Jeremot Hananías Josbecasa Hananí Malotí Eliatá Hotir Guidalti Mahaziot Romamti-ézer. Kumi bani ai muihni bara ai luhpia kat ba ra 12 upla nani banhwi kata.

1 Kronikas 6:16

Libai luhpia nani ba naha nani kata: Guersón, Quehat bara Merarí.

1 Kronikas 6:33

Ai luhpia nani aikuki bâra kan ba lika naha nani kata: Quehat kiamka nani wina, aiwawanra Hemán ba, baha ba Joel luhpia kan, witinka na Samuil luhpia kan,

1 Kronikas 6:39

Hemán aihkika tani ra ai taya Asaf ba swin, witinka na Berequías luhpia kan, witinka na Simá luhpia kan,

1 Kronikas 6:44

Hemán smihka tani ra ai taya Merarí baikan nani ba bri si swin: Etán, witinka na Quisí luhpia kan, witinka na Abdí luhpia kan, witinka na Maluc luhpia kan,

1 Kronikas 9:33

Baku sin aiwawanra nani bâra kan, Libait nani tilara lalka kan ba, witin nani ba takaski kan Dawan watla bilara, rum kum ra; wark wala nani daukras pali kan, witin nani ba kakna bara tihmia baha warkka ra ban kan ba mita.

2 Kronikas 23:1

Mani 7 alkan ba ra war tâ uplika sut Joiadá mita paiwan, baha ba naha nani kata: Azarías, Jeroham luhpia ba, Ismael, Johanán luhpia ba, Azarías, Obed luhpia ba, Maaseías, Adaías luhpia ba, bara Elisafat, Zicrí luhpia ba, bara naha nani na yan ai aslika daknika baku takan.

2 Kronikas 23:13

Bahara king bâra ba kaikan, bâra bûi kan ai uplika nani aikuki get dimaika ba kat. Ai tnaya ra lalka wala nani bâra kan, lawana binka dauki nani bara upla nani ba uya lilia kan, tâ brih mayuni lawana nani aiwani kan. Bamna Atalía ba ai prâka nani kalki ai bîla tara winan: —¡Waihla lâka! ¡Waihla lâka!

2 Kronikas 23:18

Baha ningkara Joiadá bui Dawan tempelka ra main kakaira nani mangkan, bara prîs nani bara Libait nani adarka munhtara mangkan, baha nani ra Debit bui Moses lâka ra ulban ba baku mangkan ba Dawan warkka daukaia dukiara, baku ba ra piua nani sin kulki saki yan, Dawan ra sakripaiska nani dauki yabaia, witin nani sin lilia aiwani kaia, dîa Debit win ba kat.

2 Kronikas 23:9

Bara Joiadá ba war kiaptin bani ra yan langsa nani, ai kaina kahbaia dukia nani, king Debit bri kan dukia nani kata ba, baha nani sut ba Dawan tempelka bilara kata.

2 Kronikas 29:13

Elisafán kiamka nani wina, Simrí bara Jehiel; Asaf kiamka nani wina, Sakaraya bara Matanías;

2 Kronikas 29:14

Hemán kiamka nani wina, Jehiel bara Simí, bara Jedutún kiamka nani wina, Semaías bara Uziel.

2 Kronikas 31:2

Baha ningkara Ezequías bui prîs bara Libait nani ra warkka yan, piua kat ai warkka natka daukbia ba kat upla bani dîa warkka daukaia kan ba daukbia, sakripais angkbia bara kli Dawan wal ai uplika takaia ba, bara wih Dawan ra mayunaia, tempel durka ba kat ai warkka dauki kaia.

2 Kronikas 34:12

Tempel watla kli paski nani ba ai warkka kasak yamni dauki kan, bara warkka tâura kan ba lika Libait nani Jáhat bara Abdías kata, Merarí kiamka nani, baku sin Sakaraya bara Mesulam, Quehat kiamka nani, baha nani ba diara sut lalka nani kata. Sim baku witin nani ba diara twatwilkra nani tâura kata, bara dîa warkka sut daukaia ba mariki kata. Libait nani ba miusik papulra nani kata, sturi âiulbra nani bara baku sin dur aihwawakra nani.

2 Kronikas 35:15

Asaf kiamka aiwawanra nani ba, baha nani sin ai pliska ra banhwi kan, Debit lâ mangkan ba kat, baku sin Asaf, Hemán bara Jedutún, diara kakaira ba, king warkka uplika ba. Dur kaina suni nani ba ai durka bani ra kan, kumi sin ai pliska swih waras kata, kan witin nani wark daukaia kan ba Libait nani daukan, kumi bani sakripaiska ba.

2 Kronikas 5:12

Libait nani aiwawanra ba sut Asaf, Hemán bara Jedutún, ai luhpia nani aikuki bara ai taika wala nani kira, linin kwalka dimi bara singbaia nani brih aiwani bin dauki bara altar lalmika tani ra bûi kan. Witin nani wal kan 120 prîs nani, baha nani sut trumpit puhbi kan.

2 Kronikas 8:14

Prîs nani ai awarka daukan, ai warkka daukaia dîa ai aisika Debit daukata baku, bara Libait nani ai warkka kat Dawan ra mayuni kan, bara prîs nani ra tâ baiki kan, dîa dauki ba sut ai piua kat. Baku sin dur main kakaira nani dur bani ra ai adarka kat aihwaki kan, baku sika daukan Gâd waitnika ba.

Esdras 2:41

Aiwawanra nani Asaf kiamka nani wina, 128.

Esdras 6:18

Baha ningkara prîs nani ba ai piua kat wark dauki kaia warkka ba yaban, Libait nani ba sin dîa dauki kaia ba warkka ba marikan, Gâd mayunra warkka Jerusalem ra dauki kaia, Moses wauhkataya ra dîa ulban ba tânka kat.

Nihimaya 11:17

Matanías, Micaías luhpia waitna kan ba, Zabdí luhpia waitna kan ba, Asaf luhpia waitna kan ba, witin sika aiwawanra daknika tâ brabrira kata, bara tingki bîla nani aiwani, pura sunra dauki ba yua ra yabi kan; Bacbuquías, ai taika nani tilara sekan ba, bara Abdá, Samúa luhpia waitna kan ba, Galal luhpia waitna kan ba, Jedutún luhpia waitna kan ba.

Nihimaya 12:24

Libait nani wihtka nani ban naha nani kata: Hasabías, Serebías, Jasua, Binuy bara Cadmiel, bara ai pânika nani ba lika aikuki witin nani ai warkka kan ba Dawan ra mayuni tingki wiaia, Debit, Gâd waitnika dîa win kan ba kat daukan, witin nani kumi bani ai piua ba kat ai warkka daukaia.

Nihimaya 12:27

Jerusalem tawanka walpaya kutbanka ba liliaka daukaia yua aimakan ba ra, Libait nani ani anira bâra kan nani ba sut pliki, Jerusalem ra brih balan mayunaia, aiwanaia, pân taya nani binka daukaia, arp pulaia, bara drum kungbi lilia daukaia dukiara.

Lawana Nani 81:2

Drum kangbi aiwani banhwi bas, arp kangbi bara drum tara sin kangbi kira.

Lawana Nani 81:3

Kati raya yua balbia ba ra, trumpit kangbi bas; bara kati tilwan yua ra sin, baha sika yawan lilia tara daukaia yua;

Isikiel 40:44

Tempel kutbanka ba bilara, sakuna get nani bilara ba bîla lika, lata tani ra, rum wâl bâra kan, kum ba yahbra tani getka ba lamara kan, wala ba waupasa tani getka lamara, baha durka wina yahbra tani ra kaiki kan.

1 Samuil 10:5

Baha ningkara Guibeá Gâd dukia ba ra wama, bahara filisteo aiklaklabra nani bâra ba sin kaiki luma. Bara tawan ba dimaia lamara wama ba ra, prapit nani dakni kum sakripais daukaia watla wina aula spirit diman ba wal prawma. Witin nani aula ba kainara upla nani arp kangbi, drum pruki, plut puhbi bara gitar puli kabia.