1 Kronikas 23:5 - DAWAN BÎLA AISKA

⁵ bara 4,000 wala ba lika dur aihwawakra nani mangkan, 4,000 wala ba lilia binka daukaia dukia nani ba warkka yan, Dawan ra lawana aiwani mayunaia, Debit bui baku daukaia win ba kat daukan.

1 Kronikas 23:5 ပူးပေါင်းရင်းမြစ်များ

1 King Nani 10:12

Bara dus painkira nani brih balan ba wal, king mita Dawan tempelka barandika ba paskan, bara baku sin king watla, bara sin arp sâtka nani paskan ba sin miusik pulaia. Upla kaikras baha dusa painkira nani brih wan baku naiwa kat.

2 King Nani 7:10

Bara witin nani balan bara tawan dimaika ra aihwawakra nani ra winan, bara witin nani ra win: —Yang nani Siria uplika nani kiampka ra wari upla kumi sin âpu kan bahara, sakuna upla sin aisaras sa, ban sakuna aras nani ba lika wilkan ba kat sa, biriku nani ba sin wilkan ba kat sa, bara twilkaia watla nani ba dîa dîa bâra kan ba, baha kat ban sa upla kangbras.

1 Kronikas 16:38

Baku sin Obed-edom ba sin bahara swin, witin wal tauki uplika nani wina 28 nani, Obed-edom wal, Jedutún luhpia, bara Hosá, baha nani ba dur aihwawakra nani baku.

1 Kronikas 16:4

Debit bui Libait nani wahbi sakan Gâd lâka auhbaia watla mawanra wark dauki kaia, witin nani bui tâ briaia, kulkanka yabaia ba dukiara tingki wiaia, Dawan Israel Gâdka ra mayunaia ba sin.

1 Kronikas 23:30

Baha purkara, witin nani yu bani, titan bara tutni tempel ra kaia kan, Dawan ra tingki wiaia mayunaia dukiara,

1 Kronikas 9:33

Baku sin aiwawanra nani bâra kan, Libait nani tilara lalka kan ba, witin nani ba takaski kan Dawan watla bilara, rum kum ra; wark wala nani daukras pali kan, witin nani ba kakna bara tihmia baha warkka ra ban kan ba mita.

2 Kronikas 20:28

Witin nani Jerusalem ra wan ba ra, gitar tara nani, sirpi nani bara trumpit nani binka dauki Dawan tempelka ra diman.

2 Kronikas 35:15

Asaf kiamka aiwawanra nani ba, baha nani sin ai pliska ra banhwi kan, Debit lâ mangkan ba kat, baku sin Asaf, Hemán bara Jedutún, diara kakaira ba, king warkka uplika ba. Dur kaina suni nani ba ai durka bani ra kan, kumi sin ai pliska swih waras kata, kan witin nani wark daukaia kan ba Libait nani daukan, kumi bani sakripaiska ba.

2 Kronikas 8:14

Prîs nani ai awarka daukan, ai warkka daukaia dîa ai aisika Debit daukata baku, bara Libait nani ai warkka kat Dawan ra mayuni kan, bara prîs nani ra tâ baiki kan, dîa dauki ba sut ai piua kat. Baku sin dur main kakaira nani dur bani ra ai adarka kat aihwaki kan, baku sika daukan Gâd waitnika ba.

Esdras 7:7

Jerusalem ra Israel luhpia nani dakni kum wal, baha nani tilara kan prîs nani, Libait nani, aiwawanra nani, tempel durka main kakaira nani, bara tempel ra wark taki nani ba sut aikuki balan. Baha piua ra, witin king Artajerjes ba pat king aimakan wina 7 mani bri kata.

Nihimaya 7:73

“Bara prîs nani, Libait nani, tempel durka aihwawakra nani, aiwawanra nani, tawan uplika nani, tempel warkka dadaukra nani, bara Israel luhpia nani sut ba, ai tawanka nani kat iwi banhwan.” Kati 7 luan kat, Israel luhpia nani pat ai tawanka nani ra bal takaskan kata.

Lawana Nani 87:7

Aiwani bara dans puli nani ba wisa: “Yang waitla ba man ra sa.”

Aiseya 64:10

Man tawankam holikira nani ba, upla iwras tasbaya daukan sa, Jerusalem ba sauhkan bîla baman swin sa.

Emus 6:5

Debit lika Dawan mayunaia lawana nani aiwani, mayunra binka sât dauki kan ba baku, man nani sin miusik pulaia dukia bra nani sât sât paskisma.