1 Kronikas 23:26 - DAWAN BÎLA AISKA

²⁶ Baha mita, Libait nani lika Dawan watla ba kli twilki taukaia apia, tempel ra bahara wark daukaia dukia nani ba sin apia.”

1 Kronikas 23:26 ပူးပေါင်းရင်းမြစ်များ

1 Kronikas 23:27

Baku bamna, Debit aisanka lâs nani ba kat, Libai kiamka nani mani yawanaiska kumi bri ba wina ai purara nina nani ulban,

2 Kronikas 35:3

Baha purkara sin Libait nani ra win, witin nani ba Israel luhpia nani sut smasmalkrika nani sa, bara ai wîna ba Dawan ra holi sa, bara naha lâka nani yan: “Lâ auhbaia watla ba ark holikira Salaman, Debit luhpia Israel kingka paskan ba ra bri si, tempel ra swis. Nanara wina lâ auhbaia watla ba kli man nani pamhpaya ra twilkma apia. Nanara mahka Dawan Gâdkam dukia dauki banhs, bara sin Israel ra, kan Dawan uplika nani sa bamna.

Kulki Kaikanka 4:15

Eran ai luhpia nani aikuki, holi pliska ra naha dukia nani sut ba pura prakbia. Bara utla ba mahka saki brih impakaia bubia ba ra, Quehat kiamka nani ba balbia baha twilki brih waia, sakuna diara holi ba kangbia apia, pruaia apia dukiara.

Kulki Kaikanka 4:49

Dawan mita Moses ra win ba baku kulkan kata, upla bani dîa ai warkka daukaia win ba kat, baha nani witin mita kulkan ba.

Kulki Kaikanka 4:5

Upla nani ba mahka yabal ra impakaia bûi banhbia ba ra, Eran ai luhpia nani wal bal, tint watla durka ra kwalka paman ba lanhki sâkbia, bara baha kwalka bani lâ nani auhban watla ba pura prakbia.

Kulki Kaikanka 7:9

Ban sakuna, Quehat luhpia kiamka nani ra lika wagin bara bîp sin yaras kata, kan witin nani lika diara holi nani ba ai pahpaya ra twilki kaia kan ba mita.

Kli Smalkanka 10:8

Baha piua wina, Dawan mita Libai kiamka ra bâk sakan Dawan lâka auhbaia watla ba brih waia, bara witin ai mawanra kaia mayuni ai nina ra yamni wiaia dukiara, naiwa yua kat ban dauki ba baku.