1 Kronikas 22:19 - DAWAN BÎLA AISKA

¹⁹ Bamna nanara, Dawan wan Gâd ba wal prawaia wilin pali taki banhs. Baku bamna, watla ba paski banhs bahara lâ nani ba swiaia, Dawan lâka auhbaia watla daukan ba bakska ba, bara dîa dîa dukia wala nani sunu kulkan ba, Dawan watla raya paskaia wisna ba ra bri si swibia.”

1 Kronikas 22:19 ပူးပေါင်းရင်းမြစ်များ

1 King Nani 5:3

“Man kaikisma yang papiki Debit mita Dawan ai Gâdka ra sip tempel kum mâki yaras kan, war nani ai tnaya kir aiklabi kan bamna, Dawan bui ai waihla nani yan ai mina mununhtara taiban ba piua kat.

1 King Nani 8:21

Bara sin Dawan lâka auhbaia watla kum sin paskri, bahara sika Dawan wan damika nani wal lâ daukan ba, Idsip tasbaya wina sakan ba piua ra.”

1 King Nani 8:6

Bara prîs nani Dawan lâka auhbaia watla ba tempel bilara plis holikira ba ra swin rayaka lilka tnawa mununhtara.

1 Kronikas 16:10

“Ai nina sunu bara pranakira ba dukiara liliam bas. ¡Dawan pliki uplika nani sma ba, kupiam liliam bas!

1 Kronikas 16:11

Dawan ba pliks, ai karnika ba sin; piua bani Dawan ba pliks.

1 Kronikas 22:7

Bara Debit Salaman ra win: “Luhpi, yang luki kapri Dawan Gâdki ra tempel kum mâki yaia.

1 Kronikas 28:9

Bamna man, luhpi Salaman, aisikam Dawanka ba kakaira taks, bara ai dukia dauks kupia kasak ni, kupiam pihni lâka ra, kan Dawan lika upla sut kupia tânka pliki kaikisa, bara dîa wan lukanka ra ba sut pali tânka brisa. Bara man bui witin ba plikma kaka sâkma, sakuna witin ba man swima kaka, witin bui ban kaia ra mai lulkbia.

2 Kronikas 20:3

Josafat sibrin takan bara witin Dawan ra tniwan. Bara maisa pakan Juda aiska ra plun wahwi ai pura sunbia,

2 Kronikas 5:7

Bara prîs nani Gâd lâka auhbaia watla ba, tempel bilara holikira pali pliska ba kat swin, bahara rayaka lilka nani tnawa mununhtara,

2 Kronikas 6:11

Baha purkara Israel luhpia nani wal Dawan lâ daukan lâka auhbaia watla ba sin, yang bahara swiri.”

Lawana Nani 119:2

Lilia pali sa, baha nani ai lâka bîla nani yamni bri ba, bara ai kupia aiska witin ra pliki ba,

Lawana Nani 14:2

Dawan kasbrika pura wina upla nani ra kaikisa, baha nani tilara diara tânka bri ba kum kaikaia, upla kum Gâd plikisa sapa.

Lawana Nani 27:4

Diara kumi yang bui Dawan ra makabisni, yang diara kumi baman plikisni, rayaki yua nani sut ra ai tempelka ra wih mayunaia, bara ai yamnika prana ba kaikaia.

Impakan Sturka 25:8

Yang dimi takaskaia watla sin kum man nani mâkma, bara yang bal muni witin nani tilara takaski kamna.

Aiseya 60:1

¡Jerusalem, bus! ¡Ingwi bas! Ingnikam pat balan; Dawan prana ba man puramra pat baiwan bamna.

Jirimaya 29:13

Man nani ai plikma bara ai sâkma, kan man nani kupiam aiska ni ai plikisma bamna.

Daniel 9:3

Bamna puri sunra bara makabanki ba sut, Dawan wan Gâdka ra aisari, plun piras, kwala almuk saura dimi, yamhpus ra sin iwi.

Hageo 1:5

Karnika sut alki brisna Dawanka ba, yang mai wisna: ¡Man nani daukankam ba laki pain kaiks!

Hageo 1:8

Man nani il nani tilara was, baha wina dus nani klaki bri bal, bara tempel ba kli raya mâki banhs, yang bahara âiyapah taki bâra yang praina ba mamrikamni.

Apastil Nani Sturka 11:23

Bernabé bahara wan ba ra, kaikan nahki Gâd upla nani ra ai yamnika yaban ba, bamna witin lilia kan. Bara mahka upla nani ra smalkan ai kupia aiska ni Dawan ra kasak lukaia tânka.

Apastil Nani Sturka 22:16

Bara nanara, ¿man dîa bîla kaikisma ki? Mahka, yas tahbi mai daukbia, Dawan nina kat luki, saurkam nani sut sikbi sakaia dukiara.’

Kli Smalkanka 4:29

Sakuna baha tilara Dawan Gâdkam ra pliks, kupiam aiska kira bara sulkam aiska kira, bara sâkma.