1 Kronikas 22:15 - DAWAN BÎLA AISKA

^15-16 Baha sut purkara, man wark uplika ailal pali brisma, walpa warkka tânka bri nani ba, walpa ni utla paskaia tânka bri nani, tat ni utla paskaia tânka bri nani, wark sât sât daukaia tânka yamni bri uplika nani lika sip kulkras pali, gul, silbar, bras bara ayan warkka lan nani ailal pali. Baku bamna, mihtam ba wark ra dingks, bara Dawan tâm baikbia.”

1 Kronikas 22:15 ပူးပေါင်းရင်းမြစ်များ

2 Samuil 5:11

Baha mita Hiram Tiro kingka ba, ai lengstarka ba Debit ra blikan, baha purkara utla mâmakra bara walpa tara klaklakra nani sin blikan, witin nani yalam dusa nani brih wan, bara King Debit iwaika watla ba mâkan.

1 King Nani 7:14

witin ba Neftalí kiamka wina piarka mairin kumi luhpia waitna, papika ba bras warkka dauki kan. Witin ba Tiro wina kan, bamna Hiram lika bras warkka daukaia sinska lâka tânka ni banhwan kata. Witin Salaman ra balan, bara dîa warkka bri kan ba sut dauki yan.

1 Kronikas 22:14

Bamna kaiks, yang Dawan watla ba mâkaia dukiara wark karna pali takri sa; gul 3,300 ton kuki swiri, 33,000 ton kuki swiri silbar, baha purkara bras nani bara ayan nani ba lika sip kulkaia apia prais. Baku sin tat bara walpa nani ridi daukri sa, man kau prakma dukiara.

2 Kronikas 2:6

Ban sakuna, ¿ya pali ba sip sa tempel watla kum mâkaia, kasbrika purara ai yahpika wal sip alki briras? ¿Bara yang na ya sna, tempel kum mâkaia ban kra kîa yamni angki kulkaia baman dukiara?

2 Kronikas 2:7

Bamna ai blîks waitna kum sip sa kaka gul, silbar, bras bara ayan warkka daukaia; baku sin kwala balianta, pauni bara paura sasipra kaka, witinka sin sip kabia lilka sâtka nani paskaia, papaskra nani yang brisna ba wal, witin nani Juda bara Jerusalem ra ba, yang aisiki Debit bui wark yan nani ba.

Impakan Sturka 28:6

“Lama prakaika ba gul ni daukan kabia, mapla blu, balianta, pauni, linin ai mihta ni pitban ba,

Impakan Sturka 35:32

witin diara paskaia lilka ba daukbia gul ni, silbar ni bras ni sin daukaia,

Impakan Sturka 35:35

witin nani ra diara karbi lilka nani daukaia sinska lâka ba yan kata, bara kwala mamaia sinska sin, kwala paura kwala balianta, kwala pauni pali, bara linin kwalka sin, bara diara wala nani ai mihta ni mamaia warkka sâtka nani daukaia sinska sin yaban.