1 Kronikas 22:14 - DAWAN BÎLA AISKA

¹⁴ Bamna kaiks, yang Dawan watla ba mâkaia dukiara wark karna pali takri sa; gul 3,300 ton kuki swiri, 33,000 ton kuki swiri silbar, baha purkara bras nani bara ayan nani ba lika sip kulkaia apia prais. Baku sin tat bara walpa nani ridi daukri sa, man kau prakma dukiara.

1 Kronikas 22:14 ပူးပေါင်းရင်းမြစ်များ

1 King Nani 10:14

Mani bani Salaman gul ai mihta ra alki kan ba sika 25 ton, naha tilara kulkras kan

1 King Nani 7:47

Bara Salaman uya lukras kata, diara nani bras ni daukan ba paun munaia, ailal pali kan ba mita.

2 King Nani 25:16

Utla playa tara wâl ba dukiara lika bara lî alkaia watla tara king Salaman mita paskan kan ba tempel ra, baha lika sip apia kan bri waia, kan uba wirha kata; baha wirhika ba sip kulki sakras kan.

1 Kronikas 22:15

Baha sut purkara, man wark uplika ailal pali brisma, walpa warkka tânka bri nani ba, walpa ni utla paskaia tânka bri nani, tat ni utla paskaia tânka bri nani, wark sât sât daukaia tânka yamni bri uplika nani lika sip kulkras pali, gul, silbar, bras bara ayan warkka lan nani ailal pali. Baku bamna, mihtam ba wark ra dingks, bara Dawan tâm baikbia.”

1 Kronikas 22:3

Baku sin dur nani sabaia dukiara, Debit silak tatwa nani ailal asla daukan, bras dukia nani sin ailal,

1 Kronikas 29:2

Yang karniki aiska ni Dawan tempelka paskaia dukiara gul, silbar, bras bara ayan nani ridi daukri sa. Silak nani ba sabaia ra yus munbia dus ba diara nani dus ni daukaia dukiara, walpa sangni ba walpa sangni ni daukaia dukiara, walpa manakira ba walpa manakira ni daukaia dukiara, walpa siksa nani ba diara nani walpa siksa ni daukaia dukiara, bara walpa manakira sât sât ba bara walpa pihni lipi ba sâtka sin ailal pali ridi daukri sa.

Jirimaya 52:20

Baha playka tara wâl ba sika lî watla tarka tara pali ba playka nani ba, bîp wainhka 12 lilka bras ni paski playka ba daukan, baha playka tara wâl ba karnika alki kan, baha sika Salaman mita win tempel ra paskan, laya watla wirhika ba wan wiras sa.

Kulki Kaikanka 7:85

Silbar ni paskan baulka bani ba 60 paun bri kan, bara gul plitka ba lika 48 auns bri kata. Sut ba ra, silbar baulka nani bara gul plitka nani ba 26,400 ‘‘gramo’’ bri kan, plis holikira paun kulkaika bri kan ba natka kat.

2 Korint 8:2

Witin nani trabil manis brin ba mita tânka ba pliki pain kaikan sa, bara baha nani lilia pali sa. Witin nani umpira pali sa, sakuna ai prisantka ai kupia aiska ni diara hilp munan yuyakira kan baku.