1 Kronikas 22:11 - DAWAN BÎLA AISKA

¹¹ Bamna nanara, luhpi, Dawan ba man wal kabia bara tâm baikbia Dawan Gâdki tempelka kumi mâkaia, witin aisin ba kat man bui daukma.

1 Kronikas 22:11 ပူးပေါင်းရင်းမြစ်များ

1 Kronikas 28:20

Bamna Debit bui Salaman ra win: “Kupiam karna bris bara karna bas, wark ba mihtam ra bris. Si bripara, swapni sin takpara. Kan Dawan Gâdki ba man wal kabia, witin yakan mai lulki swibia apia, tempel warkka ba sut dauki tnata alkma ba kat.

2 Kronikas 1:1

Salaman, Debit luhpia ba, Dawan wina tâ baikanka brin, witin ai kingka lâka ba karna bri kaia dukiara, bara ai karnika ba tara pali takan kata.

2 Kronikas 6:10

“Bara Dawan witin dîa ai pramiska aisin ba daukan. Baku bamna, yang aisiki Debit watlika briri, bara Israel kingka iwaika sin briri, bara Dawan Israel Gâdka ba tempelka kum mâkri sa.

Aiseya 26:12

Dawan, man bui yawan ra wan kupia kumi lâka ba wankma; kan man sika yawan wan warkka nani sut daukisma.

Matiu 1:23

“Tiara aihwa ba kwihra tiwbia, bamna ai luhpia waitna kum sâkbia, ai nina ba Imaniuel mâkbia” (baha tânka lika: “Gâd yawan wal sa”).

Matiu 28:20

Bara smalki banhs dîa dîa man nani ra adar maikri ba bîla wali kaia. Bamna kaiki bas yang na man nani aikuki yu bani kamna, tasba tnata kat.

Roman 15:33

Kupia kumi Gâdka ba, man nani sut wal kabia. Baku kabia.

2 Timoti 4:22

Dawan Jisas Kraist man wal kabia, bara Gâd mita man nani sut ra yamnika maikbia. Baku kabia.

1 Samuil 17:37

Layan bara wingku tara nani asmala wina Dawan ai dakbi pri ai sakan ba, baku sin baha filisteo mihta wina ai dakbi pri ai sâkbia. Bara Saúl bila win: —Ban kaka, was, Dawan ba man wal wabia.

1 Samuil 20:13

sakuna papiki saura mai munaia lukisa kaka, Dawan bui yang ra klala karna aikbia maisam paki hilp mai munrika âmyapah plapi swak takras sma kaka. ¡Bara sin Dawan hilp mai munbia, papiki ra hilp munan ba baku!