1 Kronikas 21:26 - DAWAN BÎLA AISKA

²⁶ bara baha pliska ra Dawan altarka kum paskan, bara sakripais angki daukan, kli wal uplika takaia sakripaiska sin daukan. Ningkara Dawan ra mayunan, bara Dawan pana aisin, pura wina pauta klauhan blikan sakripais angkaia pliska ba kat.

1 Kronikas 21:26 ပူးပေါင်းရင်းမြစ်များ

1 King Nani 18:24

Ningkara man nani gâdkam nina mâki wini banhs, bara yang sin Dawan nina mâki winamna, ¡bara ani gâdka pauta bâk ai tânka wan marikbia ba, baha ba rait Gâd kabia! Bara upla nani sut win: —¡Baha ba aitani pali aisaram sa!

1 King Nani 18:38

Bara Dawan Gâd wina pauta klauhan bal iwan, bara aiska angkaia wînka ba aman, pauta ba, walpa nani ba, bara tasba yamhpuska nani, bara lî plapaika ra lî kan ba sut âpu lâwan.

1 Kronikas 21:27

Ningkara Dawan bui ai insalka ra win, sordka ba kli watlika ra mangkbia.

2 Kronikas 3:1

Salaman Dawan watla ba mâkaia tâ krikan Jerusalem ra, Moria ilka ra, bahara sika Dawan ba Debit ra latan takan ba, witin ba Salaman aisika; Debit bui baha pliska ra ridi daukan Dawan watla ba mâkaia, wibia kaka Ornán Jebús uplika ba pliska kum kata, bahara plawar taya saki kan.

2 Kronikas 7:1

Salaman ai pura sunra tnata alkan ba ra, pauta klauhan kasbrika purara wina bal iwan, sakripaiska ba ami âpu takan, bara Dawan prana ba utla ba banhki takan.

Lawana Nani 51:15

Dawan, yang uni nani ba ilingks; bara uni nani wal mamyunra lawana nani aiwanamna.

Lawana Nani 91:15

Witin bui yang ra ai winbia, yang pana witin ra aisamni; ¡yang pali sin witin wal kamni! Trabilka ba wina pri sakamni bara kulkanka tara sin yabamni.

Lawana Nani 99:9

Man nani bui Dawan ra mayuns, yawan wan Dawanka ba, ¡nina holikira ra ai mawanra lulam kriki bas! ¡Yawan wan Dawanka, witin ba holi sa!

Sins Lâka 15:8

Upla watawikira nani, daiwan iki angki sakripais dauki ba, Dawan mita saura pali kaikisa; sakuna wapnikira nani pura sunra ba, witin ai lilika sa.

Aiseya 65:24

Witin nani mita kau ai winras ba ra, yang mita pat witin nani ra pana aisamna; witin nani kau ai aisaras ba ra, yang pat witin nani ra pana walri kabia.

Jirimaya 33:3

Yang ra ai wins bara pana mai aisamna, diara tânka tara nani dahra prakan tânka nani ba, man tânka briras sma ba mamrikamni.

Libait Lâka 9:24

Dawan mawan wina pauta blikan tasba ra, altar purara daiwan angkaia bâra kata ba aman. Baha kaikan ba ra, Israel luhpia nani sut ba ai lilia wini kira ai mawan tasba kat makupan.

Kulki Kaikanka 16:50

Pruaia pâtka ba luan ba ra, Eran kli tint watla ra diman Moses wal aisaia.

Wihta Nani 13:20

Pauta klauhan ba altar wina purara ulan ba ra, Manoa kaikan Dawan insalka ba pauta klauhan ba bîla wina taki kasbrika purara uli wan. Bara witin nani ai mawan tasba kat kauhan.

Wihta Nani 6:21

insal ba dus kum bri kan ba tâ ba ni, wîna ra bara brit ba sin kangban, bara walpa ba wina pauta buki klauhan, bamna wîna bara brit ba sut angki âpu daukan; baha ningkara Dawan insalka ba ai mawan wina lap tiwan.