1 Kronikas 21:17 - DAWAN BÎLA AISKA

¹⁷ Bara Debit bui Dawan ra win: —¡Yang bui sika baha nani nina ulbi mangkaia adar yabri ba! ¡Yang sika saurka daukri ba! ¿Sakuna naha pâtkas nani na dîa daukan? Dawan, yang Gâdki, yang mamkabisna man klalkam ba yang ra bara waitla suliarka purara kauhbia, sakuna baha nani pâtkas pri swima.

1 Kronikas 21:17 ပူးပေါင်းရင်းမြစ်များ

Blasi Sturka 44:33

Baha ba mita yang bui man ra puri sunisni, pliskam pali, tukta ba watlika ra yang na man albikam takaisna. Bara witin ba swis muihki nani aikuki mahka wabia.

2 Samuil 12:10

Baku man bui bahki ai kulkram bamna, Urías hitita maya ba, man mayam briram bamna, man wamtla wina lâ krikanka ba taki wabia apia ban kaia ra.

2 Samuil 24:1

Dawan ba Israel luhpia nani mapara kli lawan, bara Debit ra adar yan upla nani ba kulki kaikaia, Israel bara Juda ra sin.

2 Samuil 24:17

Debit kaikan insal ba upla nani ra siknis yabi kan ba, bara witin Dawan ra winan: —¡Yang sika saura yâri! ¡Yang sika pâtkira sna! ¿Sakuna pâtkas nani na dîa daukan? ¡Man ra mamkabisna klalkam ba yang purira kauhbia bara taiya nani purara sin!

2 Samuil 7:8

Baku ba mita wis, yang albiki Debit ra, yang Dawan karnika sut brisna ba, witin ra wisni: ‘Yang klar wina mai sakri, sîp daknika ninara wapi tauki kaia ba, baku sin yang upliki Israel luhpia nani wihtka aimakaia.

1 King Nani 22:17

Bara Micaías bila: “Yang bui Israel luhpia nani sut ra kaikri, yakaban kan il nani ra; sîp nani ai sîpkas baku. Bara Dawan bila: ‘Naha nani ai dawanka âpu; kumi bani kli wamtla nani ra was, kupiam kumi.’ ”

1 Kronikas 21:8

Sakuna Debit bui Dawan ra ai dahra sakan: —Yang saurka tara kum daukri, sakuna yang bui man ra mamkabisna saurki swih tiks, naha man albikam na yang saura yâri.

Lawana Nani 44:11

Sîp nani baku, sîp âikra nani mihta ra wan mangkram; idan nani tilara sin wan yakabram.

Lawana Nani 51:14

Upla ikaia lâka ba wina pri ai sâks, Gâd, swaki ai sasakra Gâdka sma ba. Bara maisa pakamni upla nani ra lawana aiwani kira, man kasak sma ba tânka.

Lawana Nani 51:4

Man mampara sika yang saura daukri ba, Dawan, man mampara baman saura daukisna ba, man mapara sma ba. Baha mita man lâmka daukisma ba kasak sa; upla kumi sin âpu sa, baha mapara buaia.

Lawana Nani 74:1

Dawan, ¿man dîa kan wan lulki wan swiram ban kaia ra? ¿Dîa kan lawankam tara wan purara blikram, sîpkam dakni nani tilara?

Impakan Sturka 20:5

Baha nani mawanra bawpara, mayunra sin dauki yapara. Yang sika man Dawan Gâdkam, nini tâwan lalawra sni, baha nani misbara ai kaiki banhwi nani ba bîlam kaiki kamna. Walpa tara kum purara, man walpa bara prukma ba ra, luhpia nani ra, mulika nani, snawika nani kat sin klala yabisna bamna.

Isikiel 16:63

Man kupiam kraukma, bara swiram lâka tara pali damra walma; bara bawan lâka sin baku man kli bîlam kwâkma apia; yang saurkam swih tikamna, diara nani daukram ba sut wina. Yang, Dawan, kasak aisisna.’ ”

Jona 1:12

Jona pana aisin: —Man nani kabu ra ai lulks, bara lamni takbia. Daira walisni yang pâtkira sna. Baha mita naha payaska karna wan purara balan sa.

Roman 9:3

bara yang muihki nani bara taiya nani sut ba mapara pain kaia sa kaka, kau yamni kabia yang na Kraist wina ai dakbi saki lahtuban mununhtara ai swibia.

Jasua 22:18

¿Naha wal aitani apia sa ki, nanara man nani ba Dawan lâka wina ilihwi takma ba? Man nani naiwa Dawan mapara buma kaka, yauhka Israel uplika sut mapara ai kupia sauhkbia.

1 Jan 3:16

Dîa ba latwan lâka sapa tânka yawan pain kaikisa, Jisas Kraist yawan wan tâwan ai rayaka ba yan bamna; bara yawan sin wan muihni nani tâwan wan rayaka ba yaban kaia sa.