1 Kronikas 21:16 - DAWAN BÎLA AISKA

¹⁶ Debit ai nakra purara bukan ba ra, kaikan Gâd insalka ba kasbrika purara tasba ra wâl lila kat bûi kan, ai sordka ba ai mihta ra buki, Jerusalem pura kat mangki bri kan. Bamna Debit almuk nani aikuki, ai prâka almuk nani dimi ai lal tasba kat makupan.

1 Kronikas 21:16 ပူးပေါင်းရင်းမြစ်များ

Blasi Sturka 3:24

Witin mita upla ba kangbi sakan, bara giadin lalma tani ra kirubin nani tnawa bri ba ra swin. Pauta klauhi isparka kum, tnaya bani ra namhpa namhpa tawi ba sin bâra swin, raya kaia dusa ra waia yabalka ba aihwaki kaiki kaia, upla kli bâra wih dimbia apia dukiara.

1 King Nani 21:27

Bara Ahab naha bîla nani sut walan, bara ai prâka nani kalkan bara sari kwalka diman, plun sin piras, baha kwalka wal ban yapan, bara ai kupia bawikira ban tauki kan.

2 King Nani 19:1

Naha sturka ba king Ezequías walan ba ra ai prâka ba kalkan, ningkara prâk umpira diman sari ba tânka bara Dawan watla ra wan.

2 King Nani 6:17

Bara Ilaidsa ai pura sunan bara win: “Mamkabisna, Dawanki, witin ai nakra ba ilingkma bara kaikbia.” Bara Dawan bui ai albika nakra nani ba ilingkan, bara kaikan il nani ba upla nani ailal, wagin nani, pauta klauhan, araska nani sin wal upla baman banhki pali kan Ilaidsa lama ba kir kan kaikan.

Isikiel 30:25

King fero klahkla wina saki, Babilon kingka klahkla ra karnika nani yabamna. Yang Babilon kingka mihta ra sordki ba mangkamna bara witin Idsip mapara bukbia, baku ai dara wali banhbia yang sika Dawan sna ba.

Isikiel 9:8

Bara iki tiki kan ba ra yang yakan takaskri, ningkara maiwan ra bawri, bara bîli saki wini aisari: “Dawanki, ¿man kupiam baiwanka ba Jerusalem purara mangkaisma ki Israel kiamka nani takaskuya ba sut sauhki tikma kat?”

Kulki Kaikanka 14:5

Bamna Moses bara Eran wal, Israel luhpia nani sut kaiki kan tasba ra kauhi ai lula kriki banhwan.

Kulki Kaikanka 16:22

Sakuna Moses bara Eran wal bawan, ai mawan ba tasba kat bri si praki, bara win: —Ay, Gâd, man sika upla sut ra rayaka ba yabisma ba, ¿man kupiam sauhkaisma ki upla nani sut ra, upla kumi tâwan?

Kulki Kaikanka 22:23

Biriku ba kaikan Dawan insalka kum sord ai mihta ra brih yabal ba kat buisa, bara biriku ba yabal wina tnaya ra taki tnaya ra wapan; sakuna Balaam mita biriku ba ra prukan kli yabal ra aimaki wapbia dukiara.

Kulki Kaikanka 22:31

Bara Dawan mita ai insalka ba kaikaia Balaam ra marikan, witin ai mihta ra sord kumi brih yabal lilapas kat bûi ba. Balaam aimakupan, ban ai mawan tasba kat bri si prakan,

Wihta Nani 13:20

Pauta klauhan ba altar wina purara ulan ba ra, Manoa kaikan Dawan insalka ba pauta klauhan ba bîla wina taki kasbrika purara uli wan. Bara witin nani ai mawan tasba kat kauhan.