1 Kronikas 21:15 - DAWAN BÎLA AISKA

¹⁵ Bara Dawan insal kum blikan, Jerusalem ba sauhki tikaia. Bara sauhki kan ba kaiki, Dawan ai kupia ra latwan brin, bara insal ra win: “¡Baha kat takasks, ba kat aitani, kau sauhkpara!” Baha pali minitka ra, Gâd insalka ba Ornán Jebús uplika ba plawar taya saki pliska ba ra kan.

1 Kronikas 21:15 ပူးပေါင်းရင်းမြစ်များ

Blasi Sturka 19:13

Kan nanara naha tawanka na yang nani sauhki tikaisna. Naha uplika nani mapara dahra kwahkanka saura nani ba kasak sa, aitani Dawan mawanra uli wan sa, baha mita Dawan wan blikan tawanka na sauhki tikaia.

Blasi Sturka 6:6

Bara Dawan sari takan, tasba ra upla paskan ba dukiara. Witin ai kupia ra praut lâka brin,

2 Samuil 24:16

Insal ba bui Jerusalem ba âpu pali daukaia takan bara Dawan kupia wirha takan, witin insal ra adar yan baku, rausauhkanka tara daukan ba, bamna insal ra win: “¡Aitani, baha kat takasks, tawan ba kau klala yapara!” Dawan insalka ba, Arauna, Jebús uplika nani wi ba, plawar mâ taya sakaika watla ba kat bâra kan.

2 Samuil 24:18

Baha sim yua, Gad ba Debit kaikaia wan, bara witin ra win altar kum paskbia Dawan dukia, Arauna, Jebús uplika ba plawar mâ taya saki ba watla pliska kat.

1 King Nani 19:4

Bara witin lika upla iwras tasbaya bâk yu aiska kum wapi wan, bamna wih dus kum munhtara iwan, mahka pruan dauki kan, bara win: “¡Nanara aitani sa, Dawan, rayaki na sâks, kan yang na kau yamni apia sna, papiki nani ba wal!”

2 Kronikas 3:1

Salaman Dawan watla ba mâkaia tâ krikan Jerusalem ra, Moria ilka ra, bahara sika Dawan ba Debit ra latan takan ba, witin ba Salaman aisika; Debit bui baha pliska ra ridi daukan Dawan watla ba mâkaia, wibia kaka Ornán Jebús uplika ba pliska kum kata, bahara plawar taya saki kan.

Lawana Nani 78:38

Sakuna Gâd ai kupia swapni bri kan, watawi daukan saurka ba ban swih tikan bara sauhki tikras kata; aima ailal ai kupia sauhkanka ba kli swin, bara ai lawanka tara ba mita yaban bri waras kata.

Lawana Nani 90:13

¡Dawan, yang nani ra kli tawi bal! ¿Nahki kau piua wihka tiwaisma? ¡Naha nampakan nani ra kupiam swapni ni kaiks!

Impakan Sturka 32:14

Bara Dawan bui ai uplika nani ra saura munaia lukan ba, ai kupia wina sakan.

Impakan Sturka 9:28

Alwani, imyula, ais nani yakawi ba, yang nani aitani briri sa, bamna yang kau ban mai alki takaski kamna apia. Sakuna man nani mita yang nani tâiwan Dawan ra makas, bara mai swirka wama.

Jirimaya 26:18

“Ezequías, Juda kingka kan ba yua nani ra Miqueas, Moreset wina ba Dawan nina ra aisi Juda uplika nani sut ra win: ‘Dawan, karnika sut bri ba, aisisa: Saion ba insla kum tasba baiki swin ba baku daukan kabia, Jerusalem ba slingwi aipaswanka ra takaskbia, tempel kiuhsika ba sin inma saura baman pâwi kabia.’

Jirimaya 26:9

¿Nahki man sibrin âpu aisisma bara Dawan nina ra wisma naha tempelka na Siló baku takbia, naha tawanka na sin slingban kabia, upla sin âpu swin kabia?” Bara upla sut tempel ra aipaswan Jirimaya ra kir kutban.

Jirimaya 7:12

Yang waitla Siló ra man nani was, baha pliska ba pas yang sakri bahara takaski maiyunaia, bara kaiks Israel upliki nani watawan tâwan dîa daukri ba.

Emus 7:3

Bamna Dawan kli ai kupia swapni daukan bara ai win: —¡Daukaia wîri ba baku daukamna apia!

Emus 7:6

Dawan kli ai kupia swapni daukan bara ai win: —Nahki daukri ba man kaikram, sakuna baku kli daukamna apia.

Jona 3:10

Ninibi uplika nani dîa dauki ba Gâd kaikan, nahki witin nani ai tânka saura swin ba; bara witin ai kupia wal lâ daukan bara saura munaia wisata ba kli swin.

Jona 4:2

Bara Dawan ra ai pura suni, naku win: —Kaiks, Dawan, naha naku takaia ba yang pat aisari kan kau waitla ra katna ba ra. Baha mita sika Tarsis ra aihni plapaia lukatna ba, kan yang kaikisna man kupiam lukra ba swapni sa, upla ra kupiam baiki si kli pat umpira kaikisma, upla ra latwan pali kaikisma ba mita rausauhkaia pâli si, kli pat kupiam lakisma.

Mark 14:41

Bara kli aima yumhpa ra balan ba ra, Jisas bila baha nani ra: —Nanara lika man nani yaps, riskam bris. ¡Aitani sa! Kaiks, Upla Luhpia Waitna ba upla saurakira nani mihta ra mangkaia awarka ba aimakan sa.

1 Korint 10:10

Gâd mapara sin brukpara, wan damika tila nani brukwan ba baku, bara Prura Insalka ba mita baha nani iki tikan ba.

Wihta Nani 10:16

Bara witin nani idan gâdka bahki nani ba mahka ai tila wina slingbi saki si Dawan ra mayunan, bara Israel luhpia nani pât wahwi ba kaiki, bara Dawan kau ban sip ai kupia karna daukras kan.

Wihta Nani 2:18

Dawan bui witin nani ai wihtka kum sakuya ba ra, baha wihta ra witin mita tâ baiki kan, bara wihta raya kan ba yua nani sut ra lika Israel luhpia nani ba waihla nani karnika ba wina dakbi pri saki kata, kan witin nani ba taiban lâka ra munan ba mita pât nani wahwi kan, ai mamna lulki ba witin wali kan, bara baha nani dukiara ai kupia swapni taki kan.

1 Samuil 15:11

—Yang sari sna Saúl king mangkri ba, witin bui yang wina tnaya tawan bara bîli kat wali daukras. Samuil kupia ra trabil munan bamna, witin tihmia aiska Dawan ra ai pura suni lalawan.