1 Kronikas 21:13 - DAWAN BÎLA AISKA

¹³ Debit bui Gad ra naku win: —Yang trabil tara ai taibisa. Bamna nanara, kau yamni sa yang Dawan mihta ra kauhamna, ai yamnika ba tara pali bamna, sakuna waitna nani mihta ra lika apia.

1 Kronikas 21:13 ပူးပေါင်းရင်းမြစ်များ

2 King Nani 6:15

Bara yapra wala titan buan ba ra, Ilaidsa albika ba kaikan aiklaklabra nani, aiklabaia araska waginka nani ailal pali kir kutbi bri kan. Bara alba ba Ilaidsa ra wih win: —Bara nanara, smasmalkra, ¿yawan dîa daukbia ki?

2 King Nani 7:4

Ban kra yawan tawan ra dimi waia munbia sin, plun bla prubia; nâra iwi kabia sin pruaia ban sa. Baku bamna, kaisa nanara, Siria uplika nani kiampka ra waia. Bara witin nani wan pâtka swih tikbia kaka, yawan raya kabia, baku sin wan ikbia kaka sin prubia sika.

2 Kronikas 28:9

Bahara Dawan dahra aisasarika kum bâra kan nina Obed, bara war wina aula nani ba wal prawaia taki wan, Sameria ra dimaia auya kan ba ra witin nani ra win: —Dawan, man nani damikam Dawanka ba, Juda wal ai kupia sauhkan, baha mita baha nani ba man nani mihtam ra mangkan. Sakuna man nani bui kupiam baiwanka saura karna uya iki tikram bara saurkam ba kasbrika purara ba Dawan kat wan.

Ester 4:11

“King dukia dadaukra nani sut ra, bara king tasbaya ra iwi uplika nani aiska tânka brisa, ani uplika king mita paiwras kan kaikaia wisi wabia bara king watla tasbaya pîska ba ra dimbia kaka, naha uplika mapara lâ kumi baman bâra sa, baha uplika ba pruaia sa. Apia kaka, king ba mita ai dusa gul ni paskan ba ni baha uplika ra sâkbia kaka lika, sip kabia rayaka ba swaki sakaia. Bamna yang ra kau ai winras sa naha yua nani, yu 30 na bilara king ai mawanra waia.”

Ester 4:16

“Bamna man, nanara was, bara Susa ra Ju nani bani wal prawma ba ra witin nani ba sut asla dauki yang dukira puram suns, plun piras bara lî sin diras kira lapta yumhpa dauks, kakna bara tihmia ra, bara yang sin baku daukamna warkki dadaukra nani ba aikuki. Baha ningkara, yang lika king mawanra wamna, lâ krikamna bara ai ikaia kaka ai ikbia si.”

Lawana Nani 103:8

Dawan ba upla ra tawa munisa, bara kupia swapni sa, wihka sin bîla kaikisa, ai latwanka lâka bri ba mita.

Lawana Nani 106:7

Wan aisika nani Idsip ra man bui diara aihkakira nani daukram ba, tânka briras kan; man kupiam latwanka lâka tara nani daukram ba ai âuya tikan, Kabu Pauni kat bal, man mampara buan.

Lawana Nani 119:156

Dawan, man lamtwanka ba tara pali sa; raya ai sâks, man kasakkam lâka ba kat.

Lawana Nani 130:4

Sakuna man ra saurka swih tikan lâka ba bâra sa, kulkanka maikamna dukiara.

Lawana Nani 130:7

Israel man, Dawan ra bîla kaiks, kan Dawan sika latwan lâka ba, bara pri lâka aiska ba sin.

Lawana Nani 5:7

Sakuna yang maipara lika, latwan kaikaia lâka tara brisma ba mita, tempelkam ra dimaia sip sna; ¡man tempelkam bâk saki brisma ba tani ra kaiki, mai kulkaia lâka aiska ni mamyunamni!

Lawana Nani 69:13

Sakuna yang, Dawan, man ra winisna. Gâdki, ¡nanara hilp ai muns! ¡Latwan lâka tara brisma ba, pana yang ra aisas! Man hilpkam ban brisna ba mita swaki ai sâks.

Lawana Nani 69:16

Dawan, man bui yang ra ai aisas; man sika yamni sma, bara latwan lâka sut brisma, man lamtwanka tara ba mita yang ra tawi ai kaiks;

Lawana Nani 86:15

Sakuna, man Dawan, latwankam swapni brisma ba wihka bîla kaikisma, lamtwanka lâka bara kasakkam lâka ba wal.

Lawana Nani 86:5

Dawan, man yamni sma, wan pâtka nani swih tikisma; man ra ai pura suni nani ba sut ra, latwan kaikisma.

Sins Lâka 12:10

Upla kasakkira ba ai daiwra rayaka ba kulkisa, sakuna watawikira nani kupia ba karna pali sa.

Aiseya 46:7

Witin nani ai pahpaya ra sunisa, witin nani twilki brih auya, bara ai watlika ra kahbi swisa bâra kabia dukiara. Baha ai watlika ra ba wina aiawras, witin ra winisa sakuna pana mapara aisaras, pât nani wina sin pri sakras.

Aiseya 47:6

Yang upliki nani mapara kupi baiwan kan, bahki lâka mihta ra mangkri nisanki nani pali ra bara swiri man karnikam munhtara kauhan, man bui witin nani ra umpira kaikras kapram bara almukkam nani pahpaya ra wirhika nani sunram.

Aiseya 55:7

Saurakira ai yabalka ba yarka swibia, bara upla watawikira ba sin ai kupia lukra nani ba swibia; bara man nani lika Dawan ra kli tawi bal, witin nani umpira kaikan lâka bribia; yawan wan Gâdka ra, witinka wan saurka swi tikaia lâka tara bri ba.

Aiseya 63:15

Dawan, kaiks, kasbrika pura wina, man iwaikam holikira pranakira ra iwisma ba wina. ¿Anira sa man bui yawan ra latwan pali wan lukisma ba tânka, bara karnikam ba sin? ¿Anira sa man kupiam lukanka mununhta wina kupiam pinhka lâka nani ba yang nani dukira brisma ba? ¿Man umpira kaikan lâka brisma ba danh takan ki yang nani wal?

Aiseya 63:7

Yang aisan ai daukisa Dawan latwanka lâka ba, ai mayunra nani ba aiwanaia witin ai yamnika tara nani sut wan hilpka daukan ba, witin ai kupia yamnika tara pali Israel luhpia nani sut ra bri ba, ai kupia yamni luki witin nani ra daukan ba, witin mita latwan kaiki ba lâka kat.

Inanka Nani 3:32

Âu, witin mita upla ra pât saura blikisa, sakuna umpira sin kaikisa, kan witin latwanka lâka ba tara pali bamna.

Jona 3:9

yawan baku daukbia kaka, ban kra Gâd wan lawbia apia, bara yawan raya kabia.”

Jona 4:2

Bara Dawan ra ai pura suni, naku win: —Kaiks, Dawan, naha naku takaia ba yang pat aisari kan kau waitla ra katna ba ra. Baha mita sika Tarsis ra aihni plapaia lukatna ba, kan yang kaikisna man kupiam lukra ba swapni sa, upla ra kupiam baiki si kli pat umpira kaikisma, upla ra latwan pali kaikisma ba mita rausauhkaia pâli si, kli pat kupiam lakisma.

Miqueas 7:18

Man wal baku Dawan wala âpu sa, kan uplikam kau swin ba mampara buan ba bara saurka ba sin ban swih tikisma. Man kupiam baiwanka ban pali alki briras sma, sakuna lilia sma kupiam pihni lâka ban mariki kaia.

Abakuk 3:2

Dawan, diara tara nani daukram ba walri, bara tara mai kulkisna, sibrin sin ai daukisa. Bara warkkam nani dauki kapram ba naha yua nani ra sin kli dauks, yang nani sin warkkam ba kaikamna; sakuna man lawanka nani tilara ban umpira wan kaiki bas.

Jan 12:27

“¡Bamna nanara, yang kupi ra uya wirha ni ai taiban sa! ¿Bara yang dîa aisamna ki? Wimni: ‘Aisa, ¿naha kupi wirha taibanka wina swaki ai sâks’? ¡Sakuna naha pali dukiara sika yang balri ba!

Pilipai 1:23

Diara wâl ba wina kum saki briaia ba karna sa yang maipara: kum lika mahka prui Kraist wal wih bahara kaia lukisna, kan baha ba kau yamni kabia yang maipara;

Hibru Nani 10:31

¡Gâd rayakira ba mihta ra kauhaia lika diara saura pali sa!