1 Kronikas 21:12 - DAWAN BÎLA AISKA

¹² mani yumhpa plun tiwan kabia ba, kati yumhpa waihlam nani puram lui kabia ba ninam bliki, apia kaka yu yumhpa siknis saura tawankam purara balbia ba Dawan wina, bara Gâd insalka bui Israel uplika tasbaya aiska sauhkan kabia ba. Bara nanara luki kaiks yang ai blikan baha maisam pakaia.

1 Kronikas 21:12 ပူးပေါင်းရင်းမြစ်များ

2 Samuil 21:1

Debit king aimaki kan ba piua ra, mani yumhpa plun âpu kan, mani bani plun tiwi kan. Bara Debit baha dukiara Dawan wal aisin, bara Dawan pana witin ra win: “Plun wahwan ba lika Saúl bara ai taya nani tâka mita balan, witin nani bui Gabaón uplika nani ra ikan ba mita.”

1 King Nani 17:1

Prapit Ilayas Tisbé tawanka wina, Galaad tasbaya pîska ba wina kan ba, Ahab ra win: “¡Israel Dawan Gâdka raya iwi ba nina ra swer takisna, witinka dukia daukisna ba, lî auhbia apia, diwas laya sin âpu kabia naha manka nani ra, yang bui wimna ba kat!”

2 King Nani 19:35

Bara baha sim tihmika, Dawan insalka ba taki wan Asiria nani kiampka ra, bara upla nani 185,000 ikan, bara titan ra bûi banhwan ba ra sut pali ba pruan atia kan.

2 King Nani 8:1

Ilaidsa ba baha mairka luhpia pruan kan wina witin bui rakata ba wal aisin, bara win witin nani mahka taki wih plis wala ra iwbia ai watla uplika sut aikuki, anira iwaia sip ba kaka pliska ra, kan Dawan mita plun wahwan tara naha tasbaya ra blikaia maisa pakan kan, bara plun wahwanka ba mani nani 7 praiska kabia.

1 Kronikas 21:11

Gad Debit kaikaia wan, bara naku win: —Dawan bila naku wisa: Man kaiks ani ba alkaisma:

Lawana Nani 91:6

siknis sâtka nani tihmia ra aula ba, yu lapta piua ra bal taki sauhki tiki ba sin apia.

Impakan Sturka 12:23

Baha tihmia, Dawan Idsip uplika nani ba ikaia bahak bal lui wabia. Sakuna tala ba dur playka nani ra yukan ba kaikbia ba ra, watla ba tnaya walak lui wabia. Baku witin mita sauhki tatikra insalka ba swika wamtla ra dimbia apia.

Aiseya 66:16

Âu, Dawan ba pauta klauhan ni lâ kasak daukaisa, sordka ba ni tasba aiska lâka aisi daukbia; upla manis sin yaka prubia.

Jirimaya 12:12

Upla iwras tasbaya ilka nani bâk sasauhkra uplika nani ba balan, kan yang, Dawan, sord kum brisna kuntrika na tâ kum wina tâ wala kat sauhkbia, plis kum ra sin kupia kumi kabia apia.

Jirimaya 42:16

war bara sanglang sîa mai dauki ba baha sut bahara mai alkbia, man nani sut bâra pruma.

Jirimaya 47:6

¡Alai, Dawan sordka ra! ¿Ahkia kat man takaskaisma? ¡Sord, tamya ra kli dims, bâra bas, sâp bas!

Inanka Nani 4:9

Baha nani aiklabaia sordka wal aiklabi ikan nani ba kanra yamni sa, baha nani plun bla prui nani ba wal, kan witin nani na tawa tawa ra pruan bamna, ai tasbaya wina plun mâ piaia sip sakras tâka.

Libait Lâka 26:10

Plawar auhbi brisma ba wina pi kama, mani nani lubia ba plawar almuk ba sut sakan kabia, bara kli mangki saki auhbi brima ba kat.

Libait Lâka 26:17

Yang lika man nani mampara takamna, bara waihlam nani ba mita puram lubia, misbara mai kaiki nani ba mita mai taibi kabia, upla ninam blikras man yakan plapi kama.

Luk 4:25

Prapit Ilayas piua ra Israel ra piarka mairin manis bâra kan; mani yumhpa pura bakriki lî auhras kan, bamna plun sin tiwan pali kata baha kuntrika sut ra.

Apastil Nani Sturka 12:23

Baha sim piua pali ra, Dawan insalka kumi mita munan Herod ba siknis takan, kan mayunra ba Gâd ra yaras kan bamna. Witin ai wîna tara ba liwa mita pin, bara ban pruan.

Kli Smalkanka 28:15

“Sakuna Dawan Gâdkam bîla wali, ai lâka nani yang naiwa man ra maikisna trai kaikras kama kaka, naha klalka nani puramra balbia:

Kli Smalkanka 28:22

Pruaia sikniska nani sin blîkbia, rihka saura nani, puskan sikniska nani, lapta karna iwbia, plawarkam nani nasla ra lî auhbia apia bara siknis saura nani ba ninam bliki âpu mai daukbia.

Kli Smalkanka 28:25

bara waihlam nani bui mai taibia. Witin nani mapara asla taki dimi wama, sakuna aslika ba slingwi witin nani sîa yakabrira baman plapma, bara man tamka mita tasba kingka nani sut mai kaiki kabia ba sirang iwi kabia.

Kli Smalkanka 28:27

“Dawan bui maikbia sukwan sikniska, yukri, sus bara bulpis, Idsip uplika nani ra daukan kata baku pât wauhma, bara naha sikniska nani wina sip rawma apia.

Kli Smalkanka 28:35

Dawan bui sukwan siknis saura maikbia lulam ra, kuhmam dusa ra bara wînam aiska ra sukbia, bara rawaia sin sip apia kama.