1 Kronikas 21:1 - DAWAN BÎLA AISKA

¹ Upla dahra kwakwahkra insalka ba Israel luhpia nani mapara taibi munan bara Debit ra munan upla nina ulbi kulkaia warkka kum daukan.

1 Kronikas 21:1 ပူးပေါင်းရင်းမြစ်များ

1 Kronikas 20:8

Naha waitnika nani kiamka tara ba, Réfah kiamka, Gat tawanka wina; ban sakuna, Debit bara ai suliarka nani mihta ra aimakan.

1 Kronikas 27:24

Joab ba mahka tâ krikan kulkanka ba, ban sakuna danh daukras swin, kan baha tâka mita Israel purara klala balan. Ba mita dîa kulkan ba, king Debit ulban wauhkataya ra ulbi mangkras kan.

1 Kronikas 7:40

Naha nani sut lika Aser kiamka nani kan. Witin nani ba ai taya nani bani lalka kan, war waitna kau yamni kupia karnira nani kan, bara waitna nani kau kulkanka lâka bri kan, Taika bani kulki kaikanka ra, kulki sakan sa asla 26,000 waitna nani, war waitnika aitani banhwi ba.

Job 2:1

Laih pura tasbaya uplika nani Dawan kaikaia lamara wih buaia yua aimakan ba ra, dahra kwakwahkra insal ba sin baha nani tilara wan.

Impakan Sturka 30:12

“Man bui Israel luhpia nani sut ba kulki kaikma ningkara, witin nani kumi bani Dawan ra ai rayaka pri sakan ba mana diara yabaia sa. Baha mita kulki kaikan bamna, pruaia sikniska witin nani kumi ra sin alkan kabia apia.

Sakaraya 3:1

Baha ningkara, Dawan mita prîs wihta tara Jasua lilka aihka kum marikan, bara witin lika Dawan insalka mawanra bûi kan. Jasua tnaya aihkika ra dahra kwakwahkra ba, sitan sin bahara bûi kan, bara witin mapara mahka aisaia muni kan.

Matiu 4:3

Bara dibil balan Jisas traika kaikaia, bamna naku win: —Man ba Gâd Luhpia kaka, naha walpaya nani ra adar yas brit takbia.

Luk 11:53

Jisas baha wina takan ba ra, Lâ Smasmalkra nani bara parisi nani witin mapara ai kupia baikan, bara diara ailal makabi wali sin trabil muni kan,

Luk 22:31

Bara Dawan naha sin aisin: —Saiman, Saiman, kaiks Sitan man nani ba makaban sa sim plawar mâ baku mai singbaia dukiara.

Jan 13:2

Jisas ai disaipilka nani aikuki tutni pata pi kan ba ra Judas, Saiman Iskariot luhpia ba, Jisas waihla mihta ra mangkaia lukanka ba dibil mita pat kupia ra mangkan kan. Jisas kaikan ai Aisika mita witin ra karnika aiska pali ba yan sa, bara witin sin Gâd wina balan bara kli Gâd ra auya. Bamna Jisas tibil wina bûi, ai pura kwalka ba saki swi si, kwala pîs kum brih ai maisa ra wilkan.

Apastil Nani Sturka 5:3

Bara Pita bui Ananías ra win: —¿Dîa muni swiram Sitan mita man kupiam alkan Spirit Holikira ra kunin munaia, bara tasba atkram lalahka ba wina bakriki briaia?

Hibru Nani 10:24

Bara yawan pana pana wan walka nani ra hilp munaia trai kaikaia sa, latwan lâka bri kaia bara diara yamni nani sin dauki kaia.

Jems 1:13

Ya ya diara saura daukaia traika kaikanka kat kasak lukbia, witin traika kaikan ba Gâd mita witin ra yabisa. Gâd lika diara saura daukaia traika kaikanka briras, upla ra sin witin mita traika kaikras.

Param Marikanka 12:10

Bara kasbrika purara bîla baikra tara kum walri, naku aisin: “Swaki sakan lâka ba pat balan. Yawan wan Gâd karnika ba kingka lâka ba, nanara Kraist karnika ba marikan sa. Kan wan muihni nani dahra kwakwahkra ba saki lulkan sa, witinka kakna bara tihmia wan Gâdka mawanra baha nani dahra kwahki kata ba.