1 Kronikas 20:1 - DAWAN BÎLA AISKA

¹ Piua kum, twi kura baiwi katka ra kan taim, king nani ai natka ba kat impaki watauki kan, bara Joab ba impakan ai war waitnika nani kira bara Amón uplika nani bâra ba tasbaya ra wan. Bara Rabá tawanka ba kutban, ningkara aiklabi sauhki tikan. Baha piua ra Debit lika Jerusalem ra takaskan.

1 Kronikas 20:1 ပူးပေါင်းရင်းမြစ်များ

2 Samuil 11:1

Piu kum lî sikwaia piua ra, king nani ai natka ba baku war ra waia piua ra, Debit Joab ba blikan wihta tara nani aikuki, Israel suldiarka nani sut sin, bara Amón uplika nani ba sut sauhki tikan, Rabá tawanka ba sin kir kutban. Ban sakuna, Debit witin lika waras Jerusalem ra takaskan.

2 Samuil 17:27

bara Debit ba Mahanaim ra wan taim, naha uplika nani bal takan witin wal prawi lakula daukaia: Sobí, Nahas luhpia waitna, Rabá Amón tasbaya ra ba wina; Maquir, Amiel luhpia waitna, Lodebar wina ba; bara Barzilai, Roguelim ra Galaad tasbaya wina ba.

1 King Nani 20:22

Ningkara prapit ba Israel kingka ra bal win: —Was, man aiklaklabra nani ba karna dauks, bara pain damra wals dîa daukaia sma ba; kan mani kumi ningkara Siria kingka kli mampara balbia puram luaia.

1 King Nani 20:26

Mani kumi luan ningkara, Ben-hadad Siria war waitnika nani sut ra wauhkataya ulbi blikan, bara Afec ra aidrubi balan Israel luhpia nani mapara aiklabaia.

2 King Nani 13:20

Ilaidsa ba pruan, bara biki banhwan. Baha wina mani bani kli kli naha tasbaika ra Moab wina âimplikra daknika nani ba bal pura lui kan bamna,

1 Kronikas 19:19

Bara Hadad-ézer pânika nani ba kaikan Israel luhpia nani bui pura luan, bamna Debit wal kupia kumi lâka daukan. Bara baha piua wina Debit lâka mununhtara kauhan, bara Siria uplika nani kli Amón uplika nani ra hilp munaia apia win.

Aiseya 54:16

“Kaiks, yang mita daukri sika ayan wina diara papaskra ba, pauta klauhan ra maskuka nani ba puhbaia, bara ai tulska nani ba baha wina paski sakaia ai warkka nani daukaia dukiara; bara yang mita sin daukri sasauhkra nani ba, sauhki tiki kaia ba;

Aiseya 6:11

Bara yang bui witin ra makabi walri: “¿Ahkia kat kabia, Gâd?” Witin pana yang ra ai win: “Tawan tara nani ba bîla man, upla iwaika sin âpu takbia ba kat utla bilara upla âpu kabia; bara tasba ba sin upla iwras tasbaya baku bîla man takbia ba kat.

Isikiel 21:20

Yabal kum klakaia kama bahak king ba ai sordka wal bâk luaia ba. Tawanka nani ba Rabá, Amón tasbaya bara Jerusalem, Juda kutbanka tara pali ba.

Isikiel 25:5

Rabá ba kiamil nani piaika twiya daukamna, bara Amón ba sîp nani tasbaya ra lakamna. Baku mika man nani damra walma yang sika Dawan sna ba.

Emus 1:14

Witin nani baku daukan bamna, yang bui Rabá tawanka purara pauta klauhan blikamna; bara wihta tara watla nani ba ambia, war aiklabi inanka nani tilara bara lî, imyula karna nani puli ba baku tilara sin.

Kli Smalkanka 3:11

(King Og baman sika, refaíta nani tila wina takaskan ba; krikrika ba ayan ni paskan, 6 pît bîla yahpika, yarika 14 pît, witin nani kulkanka praiska yawan baha kaikaia Amón tawanka, Rabá ra.)