1 Kronikas 19:9 - DAWAN BÎLA AISKA

⁹ Amón uplika nani ridi taki war aiklabaia dimi wan, tawanka dimaika pali kat. Sakuna king nani balan kata ba twi ra takaskan.

1 Kronikas 19:9 ပူးပေါင်းရင်းမြစ်များ

2 Samuil 10:8

Amón uplika nani ai tawanka lata tani ra taki bâra aiklabaia ridi takan, bara Siria suldiarka nani Sobá bara Rehob wina ba, bara Is-tob wihki Maacá wina war daknika nani ba lika, kau ai kanra blikan bara ai pliska dauki brin.

2 Samuil 18:4

King pana witin nani ra win: —Man nani kau yamni kaikisma ba baku, yang daukamni. Bara witin nani ai mânka tawan ra dimaia yabalka ba tnaya ra tawi buan, bara aiklaklabra nani ba sut, 1,000 daknika nani ba, 100 daknika nani ba taki wi kan.

1 King Nani 20:1

Bara Ben-hadad Siria kingka ba war aiklaklabra nani asla daukan, bara king wala nani 32 aikuki ai uplika takan, aras nani wagin kira, bara Sameria ra wih kutban; baha wina aiklaban bara pura luan.

1 King Nani 20:24

Nanara daukaia ba lika king nani ba sut sakaia, baha watlika ra aiklaklabra lalka nani mangkaia.

1 Kronikas 19:10

Joab kaikan ai mawan wina bara ai nina wina witin ra aiklabai kan, bara witin bui Israel luhpia kau aiklaklabra painkira nani ba wahbi sakan, bara ridi daukan Siria uplika nani mapara.

1 Kronikas 19:8

Sakuna Debit tânka brin, bara Joab blikan, war aiklaklabra waitnika nani sut kira.

2 Kronikas 13:3

Abiam 400,000 suldiar nani bâk saki brih war bukan, bara Jeroboam sin 800,000 suldiar nani bâk saki brih witin mapara wan.

2 Kronikas 14:10

Asá ba taki wal prawan ai waitnika nani wal, bara ai pliska brin war aiklabaia Sefata twiya ra, baha ba Maresá lamara kata.

Aiseya 28:6

lâ kasak daukaia spiritka yabia wihta nani lâ dauki bara suldiar nani ra sin kupia karna daukbia tawan ba kan kahbaia.

Jirimaya 50:42

Trisbaya nani langsa nani brisa; upla krakraka nani, upla ra umpira kaikras, winanka nani ba baku bin tara dauki baku sa, aras nani ra uli impakisa. Witin nani ridi pali sa Babilon mapara aiklabaia.

Joel 2:5

unta ra, il nani purara, witin nani pâli ba binka lika, war aiklabaia waginka nani binka taki ba baku sa, dus wahia lâwan nani ami kan binka taki ba baku. Witin nani suldiar ailal karnakira, daknika kum war aiklabaia bal taki buan ba baku sa.

1 Samuil 17:2

Baha piua ra, Saúl bara Israel luhpia nani sin aidruban, bara ai kiampka Elá ilka bîla ra bapi, ridi takan filisteo nani wal aiklabaia.