1 Kronikas 19:6 - DAWAN BÎLA AISKA

⁶ Amón uplika nani tânka brin baha lika misbara lâka daukan Debit ra, bamna Hanún bara Amón uplika nani bui 33 ton silbar blikan war trukka nani bara aras âiulra nani atkaia dukiara Mesopotamia ra, Siria, Maacá bara Sobá ra sin.

1 Kronikas 19:6 ပူးပေါင်းရင်းမြစ်များ

Blasi Sturka 34:30

Bamna Jekob bui Simian bara Libai wal ra aisi, win: —Nanara man nani mita yang na pât ra ai mangkram sa. Nanara naha tasbaya dawanka, Kenan uplika nani bara ferezeo nani ba mita yang ra misbara ai kaikbia. Witin nani asla taki yang maipara bal aiklabia. Upla maura man brisna bamna sut wan ikbia, baku sin wan taya nani ba sin sut ikbia.

2 Samuil 10:6

Amón uplika nani ai dara walan, witin nani bui waihla lâka Debit mapara bukuya ba, bara Siria tasbaya Bet-rehob wina, Sobá wina sin suldiar nani 20,000 mana aibapi brin, king Maacá wina sin 1,000 kum suldiar nani brin, wala 12,000 suldiar nani Is-tob wina.

2 Samuil 8:3

Hadad-ézer, Rehob luhpia, Sobá kingka ra sin, Debit bui pura luan, witin auya kan ba ra Éufrates awala tasbaya lamara, ai tasbaya piarkika kulki briaia.

1 Kronikas 18:5

Baha ningkara Siria uplika nani, Damaskus wina wan Hadad-ézer kingka Sobá ra tâ baikaia; sakuna Debit bui pura luan bara upla 22,000 ba ikan.

1 Kronikas 18:9

Bamna Hamat kingka Toi ba walan, nahki Debit bui Hadad-ézer Sobá kingka war suliarka nani ra pura luan ba,

1 Kronikas 19:5

Bamna wih ki Debit ra diara takan ba win baha nani waitna dukiara, baku sin upla wan witin nani ra yamni briaia, kan witin nani ai swira pali kata, bara ai bîla swin Jeriko ra takaskbia, ai unmaya pâwbia ba kat ra balbia.

2 Kronikas 18:3

Bara rait pali, Ahab, Israel kingka ba, Josafat, Juda kingka ra makabi walan: —¿Brinkam sa ki yang wal waia Ramot Galaad tasbaya mapara aiklabaia? Josafat pana win: —Yang, bara suldiarki nani sut kira wamna, bara man uplikam nani aikuki sin.

2 Kronikas 18:5

Bara Israel kingka mita prapit nani 400 asla dauki, witin nani ra makabi walan: —¿Ramot Galaad tasbaya ba mapara war aiklabaia wamna, apia kaka wamna apia ki? Bara prapit nani ba win: —Was bara aiklas, Gâd bui king lâka ba man mihtam ra mangkbia bamna.

2 Kronikas 18:9

Bamna Israel kingka Josafat bara Juda kingka ba wal, ai iwaika ra iwi kan, war aiklabaia prâka dimi, aidrubanka daukaia Sameria ra dimaia getka lamara, bara prapit nani sut witin nani mawanra dahra aisi banhwi kata.

2 Kronikas 25:6

Baha purkara 100,000 kau wala nani sakan Israel wina, baha nani mana silbar 4 ton prais aibapan.

2 Kronikas 27:5

War aiklaban Amón uplika kingka nani wal, bara aiklabi witin nani ra pura luan. Baha manka ra Amón uplika nani mani yumhpa ai lal mana aibapan: Silbar ton walhwal, plawar mâ 2,200,000 batil bara barli mâ sim praiska. Mani wâl bani baku aibapi banhwan.

Lawana Nani 14:3

Sakuna witin nani sut yabal saura ra man wan, witin nani sin sut aikuki baku warha takan. ¡Yamni dauki ba kumi sin âpu! ¡Âpu, kumi sin âpu!

Lawana Nani 46:9

Witin war nani âpu daukan, tasba aiska ra; witin pantamangka nani kata sut krikan, langsa nani kata ba kriki, yuya man daukan; ¡war waginka nani kata ba angki âpu daukan!

Impakan Sturka 5:21

Bara witin nani bui Moses bara Eran ra win: —Dawan kaikisa man nani daukisma ba, man nani tamka mita king fero ai uplika nani aikuki yang nani ra saura ai kaikan sa, man nani mita sin witin nani mihta ra sord mangkram yang nani ra ai ikaia mata.

Luk 10:16

Jisas naha sin ai disaipilka nani ra win: “Ya man nani ra mai wali ba, yang ra sika wali ba; bara ya man nani ra mai briras ba, yang ra sika ai briras ba; bamna ya yang ra ai briras ba, ai blikan ba ra sin briras sa.”

1 Tesalonaika 4:8

Baku bamna, ya naha smalkanka nani bahki kulkisa kaka, upla kum ra lika bahki kulkras sa, sakuna Gâd ra sika, witinka pali ai Spiritka Holikira wankan ba.

1 Samuil 13:4

Israel aiska sturi ba walan, Saúl mita filisteo suldiarka daknika kum âpu daukan tâka mita, filisteo nani ba Israel luhpia nani ra misbara kaiki kan, bara war aiklaklabra nani sut Guilgal ra Saúl wal asla takan.

1 Samuil 14:47

Baku, Saúl Israel kingka aimakaia karnika alkan bara anira ai waihla nani bâra kan ba sut mapara aiklabi kan: Moab ra, Amón ra, Edom ra, Sobá kingka bara filisteo nani mapara sin. Ani anira witin wih aiklabi kan ba, sut pura lui kan.

1 Samuil 27:12

Bamna Aquís lika Debit ra luki tniwi kan, bara sin luki kan: “Debit ba Israel ra kau misbara kaikisa, bara baku lika yang duki dadaukra ban kabia.”