1 Kronikas 19:4 - DAWAN BÎLA AISKA

⁴ Bamna Hanún lâ yan Debit uplika lalka nani ba silak ra mangkbia, bara unmaya irbia, prâka nani lilak kalkbia, ningkara swika wabia.

1 Kronikas 19:4 ပူးပေါင်းရင်းမြစ်များ

1 Kronikas 19:3

sakuna Amón uplika nani lalka mita Hanún ra naku win: “¿Man kasak lukisma ki, Debit ba tara kulkan brih, witin naha waitna nani blikan, baha bîla ba wiaia ai aisa ra kulki ba mita? Yang lukisna rait pali, naha nani balan ba laki kaikaia, tânka plikaia, tawan ra dîa dîa taki kaka laki kaikaia blikan.”

1 Kronikas 19:5

Bamna wih ki Debit ra diara takan ba win baha nani waitna dukiara, baku sin upla wan witin nani ra yamni briaia, kan witin nani ai swira pali kata, bara ai bîla swin Jeriko ra takaskbia, ai unmaya pâwbia ba kat ra balbia.

2 Kronikas 36:16

Sakuna Gâd blikan uplika nani ra lawaska kikan, maisa papakra nani ra sin kulkras kan, prapit nani ra lawaska kikan, Dawan kupia baiwanka balan kat ai uplika nani mapara, bara diara wala daukaia âpu kan.

Lawana Nani 35:12

Yamni dauki ba mana, witin nani pana yang ra saura ni aibapisa. Bara yang sairka tara paskisa;

Aiseya 15:2

Dibón uplika nani ba il ra uli wan tempel ra dimi inaia, Moab ra, Nebo bara Medebá pura mata inbia; ai tâwa ba irban kabia, ai unmaya sin sut irban kabia.

Aiseya 20:4

Asiria mita, Idsip uplika nani ba priski brih wabia, baku sin Etiopía wina kangbi sakan nani ba; wahma nani, almuk nani, kwala luha, ai mina man, tnata pura bikras, Idsip uplika nani ba swira daukaia dukiara.

Jirimaya 41:5

Siquem, Siló bara Sameria wina sin 80 waitna nani balan, uplika nani ba ai unmaya irban, prâka nani ba kalwan, taya ba sin insauhkan kan, witin nani mita ai taya ba klakan. Witin nani bri balan plun nani kîa pain angkaia dukia nani Dawan ra sakripais dauki yaia tempelka ra.

Jirimaya 48:37

Tâwa nani sut irban, unmaya sin klakan; mihta nani ba sut insauhkan bara krukus prâka nani dimisa.

Libait Lâka 19:27

“Tâmwa ba dauhbi sunpara, unam maya tâ ba sin klakpara.

Mark 12:4

Bara insla dawanka ba alba wala kum blikan, sakuna naha ra lika walpa ni sabi, lal ra pruki baiki, saura pali munan.