1 Kronikas 19:13 - DAWAN BÎLA AISKA

¹³ Spiritkam purara buks, bara aiklabi banhwi kap wan kupia karnakira wal, wan tawanka bara Gâd tawanka nani sut dukiara. ¡Bamna Dawan dîa kau yamni luki ba daukbia si!”

1 Kronikas 19:13 ပူးပေါင်းရင်းမြစ်များ

2 Samuil 10:12

Kupiam lukra bri bas, wan kupia karna aiklabaia, wan nisanka nani ra luki, wan Gâdka tawanka nani ba ra sin lukaia. ¡Bara Dawan bui kau yamni kaiki ba kat wan daukbia!”

2 Samuil 15:26

Sakuna witin bui yang ra yamni ai kaikras sa wibia kaka, nâra ai brisa, ai kupia lâka ba kat yang ra daukaia, witin yamni luki ba kat.

1 Kronikas 19:12

bara naku win: “Siria uplika nani ba puri lubia sa kaka, man bui yang ra bal hilp ai muns; bara Amón uplika nani man puramra kau karna sa kaka, yang bui man ra hilp mai munamni.

1 Kronikas 19:14

Bara Joab war aiklaklabra aikuki dimi wan Siria uplika nani mapara, sakuna witin nani sut plapan.

Esdras 10:4

Bamna man bus, kan naha warkka sika man daukaia sma, yang nani lika man tâm baikamna. Mahka mihtam wark ra mangks, bara warkka na alki dauks.”

Nihimaya 4:14

Sakuna yang kaikri upla nani ba sibrin dauki kan, bara yang mita wihtka nani ra, wark tâ bri nani ra bara tawan uplika nani ra sin naku wîri: “Man nani lika witin nani mawan ra sîa bripara, kupiam krauks Dawan tânka ba, nahki tara sibrinkira ba, bamna man nani luhpiam waitna nani, luhpiam mairin nani, mairin nani bara wamtla uplika nani tâwan pât taki banhwi bas.”

Job 1:22

Baku bamna, baha sut tilara Job saura kumi sin yaras, ai bîla ni sin Gâd mapara saura aisaras kata.

Lawana Nani 27:14

¡Dawan kat luki bas! ¡Lukankam swapni takbiara! ¡Ban, Dawan ra baman bîla kaiki luki bas!

1 Korint 16:13

Man nani aihwaki bas, bara kasak lukan lâka ra bapi bûi banhwi bas. Waitna bas. Karnakira nani bas.

Jasua 1:7

Diara kumi baman yang bui man ra mamkabisna ba man daukaia sma, kupiam karna pali bri bapi bûi kama, naipakan Moses lâ nani daukaia maikan ba sut dauks. Lâka nani daukaia maikan ba, kumi sin daukras swipara; sakuna titikbi dauks, baku man bui diara sut daukisma ba yamni baman takbia.

Jasua 10:25

Bara Jasua baha nani ra win: “Man nani si bripara, sirang sin iwpara, sakuna kupiam karna bas, karna sin bûi bas, kan Dawan naku sin daukbia man nani waihlam nani ba wal.”

Wihta Nani 10:15

Israel luhpia nani pana Dawan ra win: “Yang nani saura daukri. Bamna dîa man kupiam lâka kat yang nani wal daukaia brin mai dauki ba kat dauks; sakuna yang nani puri sunisni, naiwa man bui yang nani swaki ai sâkma.”

1 Samuil 17:32

Bara Debit Saúl ra win: —Upla kumi sin kupia kriwan takaia apia sa, naha filisteo na pâtka ba tâka, yang, man king dukiam dadaukra sna, yang wamna witin wal aiklabaia.

1 Samuil 3:18

Bara Samuil witin ra sturka ba sut pali win, diara kumi sin yukukras, bara Elí wini aisin: —¡Witin ba Dawan sika! ¡Witin yamni kaiki ba kat daukbia!

1 Samuil 4:9

Bamna filisteo nani ba naku aisin: “¡Aiklabaia dukia nani ba alki bris, kupiam karna waitna baku aiklas, Israel luhpia nani albika takmara sîa, witin nani ba man nani albikam takan ba baku!”