1 Kronikas 18:8 - DAWAN BÎLA AISKA

⁸ Baku sin Tibhat bara Cun tawanka nani wina, bras dukia nani ailal pali brin; naha tawanka nani na Hadad-ézer tasbaya tawanka nani kata. Baha braska nani ba wal sika, Salaman bui lî watla tara pali kum daukan kata, prias watla playka nani bara prias watla ra yus munaia dukia nani sin daukan kata.

1 Kronikas 18:8 ပူးပေါင်းရင်းမြစ်များ

2 Samuil 8:8

Bras nani sin ailal pali dakbi brin Bétah wina bara Berotai wina sin, naha tawanka nani ba sut Hadad-ézer dukia kan.

1 Kronikas 18:7

Ningkara Debit bui Hadad-ézer, war aiklaklabra lalka nani ba, ai kaina kahbaika sâtka gul ni dauki brih banhwi kan ba sut dakbi brin, bara baha ba Jerusalem ra brih wan.

1 Kronikas 18:9

Bamna Hamat kingka Toi ba walan, nahki Debit bui Hadad-ézer Sobá kingka war suliarka nani ra pura luan ba,

1 Kronikas 22:14

Bamna kaiks, yang Dawan watla ba mâkaia dukiara wark karna pali takri sa; gul 3,300 ton kuki swiri, 33,000 ton kuki swiri silbar, baha purkara bras nani bara ayan nani ba lika sip kulkaia apia prais. Baku sin tat bara walpa nani ridi daukri sa, man kau prakma dukiara.

2 Kronikas 3:15

Watla ba mawanra playa tara wâl daukan, 35 pît bri kan ai pura tani ra, baha ba tempel tâ baikanka kata.

2 Kronikas 4:11

Hiram dikwa tara nani sin daukan ayan sâtka ni, mihta alkaika nani bara kâp tara nani sin. Bara baku warkka nani ba paski tnata alkan Salaman dukiara, Gâd tempelka watla ra.