1 Kronikas 18:6 - DAWAN BÎLA AISKA

⁶ Baha ningkara aiklaklabra dakni tara swin, Siria Damaskus ra ba aihwaki kaiki kaia, bara Siria uplika nani ba Debit albika taki banhwan, ban ai lal mana sin aibapi kan; Dawan bui Debit ra pura luaia lâka ba yabi kata, ani ani ra wabia ba sut ra.

1 Kronikas 18:6 ပူးပေါင်းရင်းမြစ်များ

1 Kronikas 17:8

Yang lika man wal katna ani ani ra waram piua ra, waihla nani man mampara balan ba sut âpu daukatna, ninam ba sin purara bukri, naha tasba ra tara kulkan uplika nani ba baku.

1 Kronikas 18:2

Baku sin Moab uplika nani ra pura luan, witin nani ba Debit ra bawi kan, ai lal mana sin aibapaia kata.

1 Kronikas 18:5

Baha ningkara Siria uplika nani, Damaskus wina wan Hadad-ézer kingka Sobá ra tâ baikaia; sakuna Debit bui pura luan bara upla 22,000 ba ikan.

1 Kronikas 18:7

Ningkara Debit bui Hadad-ézer, war aiklaklabra lalka nani ba, ai kaina kahbaika sâtka gul ni dauki brih banhwi kan ba sut dakbi brin, bara baha ba Jerusalem ra brih wan.

Lawana Nani 121:8

Dawan ba kainam kahbisa, man yabalkam nani ra, nanara ban kaia ra sin.

Sins Lâka 21:31

Upla ba aras nani ridi daukisa war aiklabaia dukiara, sakuna pura lui buaia ba, Dawan mita yabisa.

1 Samuil 18:14

Dawan ba Debit wal kan ba mita, diara sut witin dauki ba tilara lilia baman bri kan.