1 Kronikas 18:11 - DAWAN BÎLA AISKA

¹¹ Debit bui diara nani sut ba Dawan mihta ra mangkan gul bara silbar nisan wala nani wina dakban ba, Edom uplika nani, Moab, Amón uplika, filisteo bara Amalec uplika nani wina dakban kan ba.

1 Kronikas 18:11 ပူးပေါင်းရင်းမြစ်များ

1 King Nani 7:51

Bara king Salaman bui Dawan tempelka ra wark daukaia dukia nani ba sut daukan ningkara, ai papika Debit tempel dukia nani bri kan ba, gul bara silbar nani, baha nani sut Dawan tempelka ra bri si swin, tempel dukia kukanka wal praki auhbi swin.

2 King Nani 12:18

Sakuna Joás, Juda kingka ba, king nani Josafat, Joram bara Ocozías ai aisika nani bui Juda kingka lâka ra diara holikira nani yaban kan ba sut brin; baku sin witin mita yaban dukia nani ba brin, baha purkara gul Dawan tempel ra auhbi swin kan ba sut brin, baku sin king watla ra kan ba sin sut brih, Hazael Siria kingka ra blikan, bara witin Jerusalem ra ai aiklabanka dauki kan ba takaskan.

1 Kronikas 18:10

bamna witin ai luhpia waitna Adoram ba Debit ra blikan wan, diara nani mana luha yaia: gul, silbar, bras dukia nani, baku sin lakula yaia wisi, baha purkara yamni munaia, Debit Hadad-ézer wal war aiklaban ba dukiara; kan Toi ba sin, Hadad-ézer Sobá kingka wal war bri kata baha piua ra.

1 Kronikas 18:12

Baha purkara, Abisai, Seruiá luhpia ba mita Sâl twiya langnika ra Edom uplika 18,000 ra ikan.

1 Kronikas 22:14

Bamna kaiks, yang Dawan watla ba mâkaia dukiara wark karna pali takri sa; gul 3,300 ton kuki swiri, 33,000 ton kuki swiri silbar, baha purkara bras nani bara ayan nani ba lika sip kulkaia apia prais. Baku sin tat bara walpa nani ridi daukri sa, man kau prakma dukiara.

1 Kronikas 26:20

Libait wala nani ba lika tempel lalahka ba main kaiki kan, mana luha yan dukia nani suni swin ba sin.

1 Kronikas 29:14

¿kan yang na ya, bara upliki nani ba sin ya kan, baku sip kan ba man ra ai kupia aiska ni diara maikaia? Bamna diara sut ba man dukiam sa, man wina dîa wankram ba wina man ra maiki banhwisna.

2 Kronikas 5:1

Salaman bui Dawan tempelka mâkaia win warkka ba witin nani sut daukan ba ra, witin ai aisa Debit Gâd dukia nani gul ni bara silbar ni diara watla nani paskan bri kata ba brih wan, bara baha sut Gâd tempelka ra dingki swin.

Impakan Sturka 35:5

Man nani tilamra Dawan ra yabaia prisant kum dauks, ya baha yabaia luki ba ai kupia aiska ni brih balbia; gul, silbar, bras,

Miqueas 4:13

Dawan aisisa: “¡Saion uplika, man nani mahka bus, waihlam nani ba rausauhks! Bîp wainhka ayan aringka nani bri, bras sûska nani sin bri ba karnika baku, karnikam maikamna. Bara upla kiamka ailal sauhki tikma; witin nani bui upla dukia kukan nani sut mihta dakbi brin kan ba, baha kli witin nani wina dakbi yang ra aikma, tasba aiska Dawanka sna bamna.”

Jasua 6:19

Sakuna gul bara silbar nani ba, bras ni bara ayan ni daukan dukia nani sut ba lika, Dawan dukia yaban kabia bara Dawan lalahka watla ra mangkbia.”

Jasua 6:24

Baha nani sakan ba ningkara, tawanka ba witin nani mita pauta ni angkan, bara dîa dîa bilara ba sut ami luan. Silbar, gul, bras, ayan ni daukan dukia nani ba baman amras kan, bara baha dukia nani ba lika Dawan lalahka watla ra swin.

1 Samuil 30:13

Bara Debit bui witin ra makabi walan: —¿Man dawankam ba ya? ¿Man ani wina aulma? Idsip waitnika ba pana win: —Yang na Idsip wina, Amalec uplika kum albika, sakuna siknis takri ba pat yu yumhpa sa, bara dawanki bui ai lulki ai swin.

1 Samuil 30:20

Debit sin sîp bara bîp nani sut kli dakbi brin, bara daiwan kangbi nani kan ba bila win, naha diara sut na Debit dukia.