1 Kronikas 17:24 - DAWAN BÎLA AISKA

²⁴ ¡Yarka man dîa aisaram ba kasak aimakbia, bara ninam ba sin ban kaia ra tara kulkan kabia. Bara aisabia Dawan karnakira ba Israel Gâdka sa, witin ba kasak pali Israel Gâdka pali kabia! ¡Nampakan Debit taika karnika ba man mamwanra ban bâra kabia kainam kahbanka ba wal!

1 Kronikas 17:24 ပူးပေါင်းရင်းမြစ်များ

1 Kronikas 17:23

“Baku bamna nanara, Dawan, man bîlam aisaram ba albikam dukiara bara ai watla dukiara, baha yarka baku aimakbia.

1 Kronikas 17:25

Man, Gâdki, man ai wiram kiamki kum paskaia, kan yang lika man albikam sna ba mita, man ra makabanka kum mamkabisna.

2 Kronikas 6:33

man kasbrika purara ba wina walma, iwaikam ba wina tringsar nani mai wini aisi ba kat dauki yama. Baku ba ra tasba ra iwi uplika nani bui ninam ba kakaira takbia, bara sibrinkam sin bribia, uplikam Israel luhpia nani baku baha tânka bribia, man ninam ba mâkan sa naha watla ra, yang bui daukri na ra.

Lawana Nani 21:13

¡Dawan, karnikam ba brih bus! ¡Yang nani lawana aiwani, man pura luisma ba dukiara lilia dauki banhwi kamni!

Lawana Nani 72:19

yamni pali win kabia ai nina pranakira ba. ¡Tasba aiska ba prana ni banhbia! ¡Baku kabia!

Lawana Nani 90:17

Dawan, yawan wan Gâdka, kupiam yamnika ba yang nani purira kabia. ¡Dawan, wan warkka nani ba aitani wisa! ¡Âu Dawan, wan warkka nani ba aitani wisa!

Jirimaya 31:1

Gâd aisisa: “Baha piua ra yang kamna Israel kiamka nani sut Dawanka, bara witin nani ba yang upliki.”

Jirimaya 38:17

Bara Jirimaya Sedequías ra win: —Dawan karnika sut brisa, Israel Gâdka ba, witin aisisa: ‘Man Babilon aiklaklabra wihtka nani mihta ra aimakma kaka, man rayakam man wamtla bîla uplika ra yaka sut swaki sâkma, bara naha tawanka na sin angkan kabia apia.

Matiu 6:13

Traika kaikan tilara ban wan swipara, sakuna saura ba wina dakbi wan sâks.’

Matiu 6:9

Baha mita, man nani naku puram suns: ‘Yawan Aisa kasbrika purara sma ba, ninam ba holikira kulkan kabia.

Jan 12:28

Aisa, ninam ba prana dauks. Bamna bîla baikra kumi kasbrika purara ba wina walan ba, naku win kata: “Yang baha ba pat prana daukri, bara kli sin prana daukamni.”

Jan 17:1

Jisas naha diara nani aisin ba ningkara, witin kasbrika pura ba tani ra tawi kaiki, naku aisin: “Aisa, awarka ba pat aimakan sa. Bamna Luhpiam ra mayunra yas, bara baku mika witin mita sin mayunra maikbia.

Pilipai 2:11

Bara upla param pali aisabia, Jisas Kraist ba Dawan sa, Gâd Aisa ra kulkanka yabaia dukiara.

Hibru Nani 11:16

Sakuna witin nani kuntri kau pain kum brin dauki kan, baha tânka ba lika, kasbrika purara kuntrika ba. Baha mita, baha nani mita witin nani Gâdka mâki ba ra, Gâd ba ai swira lukras, kan witin ba baha nani tawanka kum ridi dauki brisa.

Hibru Nani 8:10

Baha yua nani ningkara Israel nisanka wal lâ daukamna ba naku kabia wisa, Dawan bila: Yang lâika nani ba witin nani lukanka ra mangkamna, bara ai kupia nani bilara baha nani ba ulbamni. Bamna yang lika witin nani Gâdka takamna, bara witin nani ba upliki nani kabia.

1 Pita 4:11

Upla kumi aisi kaka, ai bîla aisanka nani ba Gâd bîla nani baku kaia sa. Upla kum ai uplika dukia daukisa kaka, Gâd mita karnika yabi ba wal daukbia. Dîa dîa man nani daukma ba Jisas Kraist bâk, Gâd ra mayunra yabaia dukiara kabia, bara witinka ra prana ba bara karnika sin yan kabia, ban kaia ra. Baku kabia.

Param Marikanka 21:3

Bara yang bîla baikra tara kum walri king iwaika ba wina naku aisi kan: “Kaiks, nanara Gâd ba upla nani tilara ai watla brisa. Witin nani wal iwbia, bara witin nani ba ai uplika nani pali kabia, bara Gâd lika witin nani wal kabia, ai Gâdka kaia dukiara.